قىزىق نوقتا خەۋەرلىرى

مەملىكەتلىك خەلق قۇرۇلتىيىنىڭ ئاپتونوم رايونىمىزدىكى ۋەكىللىرى باش شۇجى شى جىنپىڭنىڭ مۇھىم سۆزىنىڭ روھىنى يەتكۈزد

2017-03-20 19:57:31     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
بۇ بىر قانچە كۈندىن بۇيان، مەملىكەتلىك خەلق قۇرۇلتىيىنىڭ ئاپتونوم رايونىمىزدىكى ۋەكىللىرى ئاممىغا تۈرلۈك ۋاستىلەر ئارقىلىق باش شۇجى شى جىنپىڭنىڭ مۇھىم سۆزىنىڭ روھىنى يەتكۈزدى. كۆپچىلىك بىردەك، تۇرمۇش ۋە خىزمەتتە مىللەتلەر ئىتتىپاقلىقىنى ياخشىلاپ، بىر نىيەت بىر مەقسەتتە گۈزەل شىنجاڭ قۇرۇپ چىقىدىغانلىقىنى بىلدۈردى.
مۇشۇ ئاينىڭ 18- كۈنى مەملىكەتلىك خەلق قۇرۇلتىيى ۋەكىلى روزىگۈل قۇناخۇن خىزمەت ئورنىغا قايتىپ كەلگەندىن كېيىن ئالدى بىلەن كۆپچىلىككە ئىككى يىغىندا كۆرگەن-ئاڭلىغانلىرىنى ئېيتىپ بېرىپ، ئىككى يىغىننىڭ روھىنى يەتكۈزدى. روزىگۈل قۇناخۇن مۇنداق دېدى:- بىز چوقۇم يىغىن روھىغا ئاساسەن، مىللەتلەر ئىتتىپاقلىقى خىزمىتىنى پۇختا، ياخشى ئىشلەيمىز. خىزمەت ئورنىمىزدا ھەر مىللەت خىزمەتچىلەر بىر ئائىلە كىشىلىرىدەك بولۇپ، خىزمەت ۋە تۇرمۇشتا بىر-بىرىمىزگە كۆيۈنۈپ، ئۆزئارا ياردەم بېرىمىز.
روزىگۈل قۇناخۇن ئىشلەيدىغان ئورۇن شىنجاڭ شىنشىن كانچىلىك چەكلىك پاي شىركىتى فۇكاڭ تاۋلاش زاۋۇتى كۆپ مىللەت ئىشچى-خىزمەتچىلىرىدىن تەشكىللەنگەن چوڭ ئائىلە بولۇپ، كارخانىدىكى بارلىق ئىشچى-خىزمەتچىلەر قايسى مىللەت بولۇشىدىن قەتئىينەزەر، بىر ئائىلە كىشىلىرىدەك يېقىن ئۆتەتتى. روزىگۈل قۇناخۇن مۇشۇ خىل ئەمەلىي ئەھۋالغا بىرلەشتۈرۈپ، خىزمەتداشلىرى بىلەن مىللەتلەر ئىتتىپاقلىقىنى چۆرىدىگەن ھالدا پىكىر ئالماشتۇردى. شىنجاڭ شىنشىن كانچىلىك چەكلىك پاي شىركىتى فۇكاڭ تاۋلاش زاۋۇتىنىڭ خىزمەتچىسى خۇا ۋېي مۇنداق دېدى:- مەنمۇ مىللەتلەر ئىتتىپاقلىقى بويىچە بىر ئائىلە بىلەن قوشماقلىشىپ تۇغقان بولدۇم. تۇرمۇشتا ئۆزئارا ئىزدىشىپ، چۈشىنىشىپ، بىر-بىرىمىزگە ياردەم بېرىمىز، خىزمەتتىمۇ ئۆزئارا خىزمەت تەجرىبىلىرىمىزنى ئالماشتۇرىمىز. بالىلىرىمىزنىڭمۇ مۇشۇ خىل مىللەتلەر ئىتتىپاقلىقى مېھرىگە ۋارىسلىق قىلىشىنى ئۈمىد قىلىمىز.
3-ئاينىڭ 19-كۈنى سەھەردە، يېڭىسار ناھىيە چىلانباغ ئاھالىلار كومىتېتى تەۋەلىكتىكى بارلىق ئاھالىلەرنى باش شۇجى شى جىنپىڭنىڭ شىنجاڭ ۋەكىللەر ئۆمىكىنىڭ قاراپ چىقىشىغا قاتناشقاندا قىلغان مۇھىم سۆزىنىڭ روھىنى ئەستايىدىل ئۆگىنىشكە تەشكىللىدى. ئاھالىلار كومىتېتىنىڭ كادىرى ئايتىللا ئەزىز مۇنداق دېدى:- باش شۇجىنىڭ غەمخورلۇقىنى ھەرىكەتلەندۈرگۈچ كۈچكە ئايلاندۇرۇپ، ھەر مىللەت ئامما ئۈچۈن چوڭقۇر، ئەستايىدىل مۇلازىمەت قىلىپ، قوشنا-قولۇم مۇناسىۋىتىنى ياخشىلاپ، مىللەتلەر ئىتتىپاقلىقىنى ئورتاق قوغدايمىز. ئائىلىلەرگە كىرىپ تەشۋىق قىلىشتا، بىرمۇ ئائىلىنى، بىرمۇ ئادەمنى قالدۇرماي، تەشۋىقاتنىڭ تولۇق قاپلىشىغا كاپالەتلىك قىلىمىز. بۇنىڭدىن كېيىنكى خىزمەتلەردە 80-،90- ۋە 2000-يىلدىن كېيىن تۇغۇلغان ياشلارنىڭ ئىدىيەۋى ھالىتىنى ئىگىلەش، كۆچمە نوپۇستىكىلەرنى باشقۇرۇش، سىرتتىن كەلگەنلەرنىڭ ئۇچۇرىنى تىزىملاش، ئون ئورۇن بىرلىشىپ ئالدىنى ئېلىش ۋە كونتىرول قىلىش، مىللەتلەر ئىتتىپاقلىشىپ بىر ئائىلە كىشىلىرىدەك بولۇش پائالىيىتىنى قانات يايدۇرۇش قاتارلىق خىزمەتلەرنى چىڭ تۇتۇپ ئىشلەپ، ئاممىنى ئوبدان تەربىيەلەپ ۋە يېتەكلەپ، مىللەتلەر ئىتتىپاقلىقىنى كۆز قارىچۇقىمىزنى ئاسرىغاندەك ئاسرايمىز.
بىر قانچە كۈندىن بۇيان، كەشتىچىلىك كوپېراتىپى قۇرغان خانئايشەم ۋە مېھرىگۈل ئاچا-سىڭىل ئىككىيلەن كۆپچىلىكنى بىر يەرگە تەشكىللەپ، باش شۇجى شى جىنپىڭنىڭ شىنجاڭ ۋەكىللەر ئۆمىكىنىڭ قاراپ چىقىشىغا قاتناشقاندا قىلغان مۇھىم سۆزىنىڭ روھىنى ئەستايىدىل ئۆگەندى. ئاچا-سىڭىللار باش شۇجىنىڭ تاپشۇرۇقىنى ئەستە چىڭ ساقلاپ، مىللەتلەر ئىتتىپاقلىقى خىزمىتىنى ياخشى ئىشلەيدىغانلىقىنى بىلدۈردى. كۇچا ناھىيە ئۇزۇن بازىرى 2- ئۇچقارا كەنتىنىڭ ئاھالىسى خانئايشەم ئەنۋەر مۇنداق دېدى:- ئاچا-سىڭىل ئىككىمىز باش شۇجىنىڭ تاپشۇرۇقىنى ئەستە ساقلاپ، «كەشتىچىلەر تەشۋىقات ئەترىتى» تەشكىللەپ، ھەر قايسى كەنتلەردە لېكسىيە سۆزلەش ئارقىلىق، مىللەتلەر ئىتتىپاقلىقىنى تەشۋىق قىلىپ، ئاياللارنى بىر جۈپ قولىغا تايىنىپ، ئەمگەك ئارقىلىق بېيىشقا رىغبەتلەندۈردۇق. 

 تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى