قىزىق نوقتا خەۋەرلىرى

ئاپتونوم رايونىمىزدىكى ھەر قايسى جايلار نۆۋەتتە يېزا ئىگىلىك ئىستىراھەت ساياھەتچىلىكى ۋە يېزا - كەنت ئېكسكۇرسىيە ساياھەتچىلىكىنى پائال تەرەققىي قىلدۇرماقتا

2017-04-07 16:28:35     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
يېڭى تەرەققىيات ئىدىيەسىنى ئىزچىللاشتۇرۇپ، يېزا ئىگىلىك تەمىناتىدا يانداش قۇرۇلمىلىق ئىسلاھاتنى ئىلگىرى سۈرۈشنىڭ بىر تۈرلۈك يادرولۇق مەزمۇنى بولۇش سۈپىتى بىلەن، ئاپتونوم رايونىمىزدىكى ھەر قايسى جايلار نۆۋەتتە يېزا ئىگىلىك ئىستىراھەت ساياھەتچىلىكى ۋە يېزا - كەنت ئېكسكۇرسىيە ساياھەتچىلىكىنى پائال تەرەققىي قىلدۇرماقتا. «يېزا ئىگىلىكى + ساياھەتچىلىك» تىن ئىبارەت بۇ يېڭى كەسپ ھالىتى دېھقانچىلىق تېرىلغۇسى، دېھقانچىلىق مەھسۇلاتلىرىنى ئىنچىكە پىششىقلاپ ئىشلەش قاتارلىق ھالقىلارغا تۈرتكە بولۇپ، تەدرىجىي ھالدا يېزىلارنىڭ تەرەققىياتىغا تۈرتكە بولىدىغان يېڭى ھەرىكەتلەندۈرگۈچ كۈچكە ئايلانماقتا.
ئەمدىلا ئۆتۈپ كەتكەن چوكانتال بايرىمىلىق دەم ئېلىشتا، ئەتراپتىكى نۇرغۇن ساياھەتچى ئاقسۇنىڭ ئونسۇ ناھىيەسى قىزىل بازىرىدىكى بۆلجۈرگەن ئۆستۈرۈش بازىسىغا كېلىپ، مېۋىلەرنى ئۆز قولى بىلەن ئۈزۈشنىڭ پەيزىنى سۈردى. ساياھەتچىلەر قوللىرىغا سېۋەت ئېلىپ، قىزىرىپ پىشقان بۆلجۈرگەنلەرنى بىر - بىرلەپ ئۈزۈش جەريانىدا، مول - ھوسۇل شادلىقىدىن بەھرىمەن بولدى.
قىزىل بازارلىق بۆلجۈرگەن ئۆستۈرۈش بازىسىنىڭ مېۋە ئۈزۈش مەزگىلى 3-ئاينىڭ باشلىرىدىن 6-ئاينىڭ ئوتتۇرىلىرىغىچە بولۇپ، چوكانتال بايرىمى مەزگىلىدە، ساياھەتچىلەرنىڭ مېۋە ئۈزۈش مىقدارى ئادەتتىكىدىن 3،4 ھەسسە كۆپ بولىدۇ. ئاقسۇ شەھىرىدىن كەلگەن ساياھەتچى گاۋ چۈنيىڭ مۇنداق دېدى: ــــ بىر ئائىلە كىشىلىرى بىللە كېلىپ بۆلجۈرگەن ئۈزدۇق، بەك كۆڭۈللۈك بولىدىكەن. بۆلجۈرگەنلەرمۇ ياخشى پىشىپتۇ، كەيپىياتىمىز كۆتۈرۈلۈپ قالدى.
شىمالىي شىنجاڭدىكى جىڭ ناھىيە ماندان يېزىسى شىنجۇاڭ كەنتىدىكى فېڭجىيۈەن كۆكتات - مېۋە بازىسىدا، تېخى ھوسۇل يىغىش مەزگىلى يېتىپ كەلمىگەن بولسىمۇ، پارنىكتىكى شاپتۇل چېچەكلىرى ھۈپپىدە ئېچىلىپ، گۈزەل تۈسكە كىرىپ، ئەتراپقا خۇش ھىدىنى تارقىتىپ، ساياھەتچىلەرنى كېلىپ چېچەك تاماشا قىلىشقا جەلپ قىلىپ تۇراتتى. بازىنىڭ مەسئۇلى رېن ۋېنشيا تونۇشتۇرۇپ مۇنداق دېدى: ــــ بازىدا جەمئىي 31 پارنىك بولۇپ، 5-ئايدا تۇنجى تۈركۈمدىكى مايلىق شاپتۇللار پىشىپ، بازارغا سېلىنىدۇ. ھازىر تۆت پارنىكتىكى سۇلۇق شاپتۇلنىڭ 60 پىرسەنتى، بىر پارنىكتىكى ئاق شاپتۇلنىڭ 80 پىرسەنتى چېچەكلەپ بولدى. يەنە ئىككى پارنىكتا شاپتۇل كۆچىتى بار بولۇپ، بىر پارنىكتىكى شاپتۇل كۆچىتى 100 پىرسەنت چېچەكلەپ بولدى. چېچەكلەرنى سۈرەتكە تارتىپ دوستلار چەمبىرىكىگە چىقارغانىدىم، بىردىن ئونغا، ئوندىن يۈزگە تاراپ، نۇرغۇن ئادەمنى قىزىقتۇرۇپتۇ.
بۇ يىلنىڭ بېشىدا ئېچىلغان ئاپتونوم رايونلۇق پارتكومنىڭ يېزا خىزمىتى يىغىنىدا مۇنۇلار ئوتتۇرىغا قويۇلدى: يېزا ئىگىلىك ساياھەتچىلىكى يېزا ئىگىلىك تەمىناتىدىكى يانداش قۇرۇلمىلىق ئىسلاھاتنى ئىلگىرى سۈرۈپ، يېزىلارنىڭ كەسپ قۇرۇلمىسىنى تەڭشەپ، دېھقانلارنىڭ كىرىمىنى ئاشۇرۇشقا تۈرتكە بولىدىغان مۇھىم يول. بۇنىڭدىن كېيىن، كەسپلەرنىڭ بىرىكمە تەرەققىياتىغا ئېتىبار بېرىلىپ، يېزا - كەنت ساياھەتچىلىكى تېمىسىدىكى مەنزىرە نۇقتىلىرى ۋە ساياھەت لىنىيەلىرى بارلىققا كەلتۈرۈلۈپ، دېھقانلار شادلىقى ئارامگاھى، چارۋىچىلار شادلىقى ئارامگاھى، ئىستىراھەت بېغى، يېزا - كەنت ساياھىتى قاتارلىق ئەندىزىلەر پائال تەرەققىي قىلدۇرۇلىدۇ. تېكەس ناھىيەلىك پارتكوم دائىمىي كومىتېتىنىڭ ئەزاسى ياڭ چۈەنگو تېكەس ناھىيەسىنىڭ مۇشۇ يۆنىلىشكە قاراپ تىرىشىۋاتقانلىقىنى بىلدۈرۈپ مۇنداق دېدى: ــــ بىزدە گۈزەل قاراجۈن، سىرلىق كېساڭ غارى ۋە دۆلەت تەرىپىدىن تارىخىي مەدەنىيەت كەنتى، دەپ نام بېرىلگەن چوڭقۇشتاي كەنتى قاتارلىق مول ساياھەت بايلىقلىرى بار. مۇشۇ بايلىقلارغا تايىنىپ، ئەتراپتىكى كەنتلەردە ساياھەتچىلەرنىڭ سەيلە قىلىشى، ئارام ئېلىشى ۋە مېۋە ئۈزۈشىگە باب كېلىدىغان مەنزىرىلىك باغلارنى بەرپا قىلىپ، ساياھەت ئارقىلىق يېزا ئىگىلىكنىڭ ئۈنۈمى ۋە دېھقانلارنىڭ كىرىمىنى ئاشۇرۇشنى پىلانلاۋاتىمىز.
«يېزا ئىگىلىكى + ساياھەتچىلىك» ئەندىزىسى يېزىلارنىڭ ئۇل مۇئەسسەسە قۇرۇلۇشى، دېھقانچىلىق مەھسۇلاتلىرىنى ئۆستۈرۈش ۋە پىششىقلاپ ئىشلەش، يېزىلارنىڭ تۇرمۇش مۇلازىمىتى ۋە ئېكولوگىيەلىك مۇھىتى قاتارلىق نۇرغۇن تەرەپلەرگە چېتىلىپ، 1-، 2 - ۋە 3-كەسپلەرنى ئۆز ئىچىگە ئالىدۇ. مورى ناھىيەسىنىڭ مۇئاۋىن ھاكىمى ما جىن مۇنۇلارنى بىلدۈردى: ــــ مورى ناھىيەمىزدە ئىككى باغچا بار، بىرى 10 مىڭ مولۇق بىنەم دۆلەت باغچىسى، يەنە بىرى قۇملۇق باغچىسى. 10 مىڭ مولۇق بىنەم دۆلەت باغچىسىنى چۆرىدەپ، بىر كەنتتە بىر مەھسۇلات، بىر كەنتتە بىر مەنزىرە، بىر كەنتتە بىر كەسپنى چىڭ تۇتۇپ، تېرىقچىلىق، باقمىچىلىق، دېھقانچىلىق مەھسۇلاتلىرىنى پىششىقلاپ ئىشلەش، قول ھۈنەر سەنئەت بۇيۇملىرى قاتارلىق يۈرۈشلۈك مەھسۇلاتلىرىمىزنى ياخشىلاپ، 1-،2-،3-كەسپلەرنىڭ بىرىكمە تەرەققىياتى ئارقىلىق، مورى ناھىيەمىزدىكى دېھقانلارنىڭ كىرىمىنى ئاشۇرۇشتا يېڭى يول ئاچىمىز.

تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى