قىزىق نوقتا خەۋەرلىرى

شى جىنپىڭ لىنجېڭ يۆئې بىلەن كۆرۈشتى

2017-04-12 19:05:58     مەنبەسى: شىنجاڭ خەلق رادىيو ئىستانسىسى   
مەركەز شياڭگاڭ ئالاھىدە مەمۇرىي رايونىنىڭ باش مەمۇرى ۋە ئالاھىدە مەمۇرىي رايون ھۆكۈمىتىنىڭ قانۇن بويىچە مەمۇرىيەت يۈرگۈزۈشىنى پۈتۈن كۈچ بىلەن قوللايدۇ، دەپ تەكىتلىدى
 شىنخۇا ئاگېنتلىقى، بېيجىڭ، 4 – ئاينىڭ 11 – كۈنى تېلېگراممىسى. دۆلەت رەئىسى شى جىنپىڭ 4 – ئاينىڭ 11 – كۈنى چۈشتىن كېيىن جۇڭنەنخەيدىكى ‹‹يىڭتەي››دە يېڭىدىن سايلانغان ھەم مەركىزىي ھۆكۈمەت تەيىنلىگەن شياڭگاڭ ئالاھىدە مەمۇرىي رايونىنىڭ 5 – نۆۋەتلىك باش مەمۇرى لىنجېڭ يۆئې بىلەن كۆرۈشتى.
 شى جىنپىڭ لىنجېڭ يۆئېنىڭ شياڭگاڭ ئالاھىدە مەمۇرىي رايونىنىڭ 5 – نۆۋەتلىك باش مەمۇرىلىقىغا سايلانغان ھەم تەيىنلەنگەنلىكىنى تەبرىكلىدى. شى جىنپىڭ مۇنداق دېدى: سىز شياڭگاڭ ئالاھىدە مەمۇرىي رايونى ھۆكۈمىتىدە 36 يىل خىزمەت قىلدىڭىز، بولۇپمۇ شياڭگاڭ ۋەتەن قوينىغا قايتۇرۇپ كېلىنگەندىن كېيىن، ئالاھىدە مەمۇرىي رايون ھۆكۈمىتىدە مۇھىم ۋەزىپىلەرنى ئۆتىدىڭىز، سىزنىڭ ۋەتەننى، شياڭگاڭنى سۆيىدىغان مەيدانىڭىز مۇستەھكەم. سىز تىرىشچان، ئەمەلىيەتچىل، مەسئۇلىيەتنى دادىل زىممىڭىزگە ئالالايسىز، سىزنىڭ مەمۇرىيەت يۈرگۈزۈش تەجرىبىڭىز مول، مۇرەككەپ ۋەزىيەتنى كونترول قىلىش ئىقتىدارىڭىز بار، شياڭگاڭدا جەمئىيەتتىكىلەرنىڭ ئېتىراپ قىلىشىغا ئېرىشىش دەرىجىڭىز ئىزچىل يۇقىرى بولۇپ كەلدى، دۆلەتكە ۋە شياڭگاڭغا مېھرىڭىز چوڭقۇر. سىز ئىقتىدارلىق، مەسئۇلىيەتچان، مەركىزىي كومىتېتنىڭ باش مەمۇرلارغا قويغان ئۆلچىمىگە ئۇيغۇن كېلىسىز، شياڭگاڭ ئالاھىدە مەمۇرىي رايونىنىڭ باش مەمۇرىلىقىغا مۇۋەپپەقىيەتلىك سايلىنىشىڭىز تامامەن يوللۇق.
 شى جىنپىڭ مۇنۇلارنى بىلدۈردى: بۇ يىل شياڭگاڭ ۋەتەن قوينىغا قايتۇرۇپ كېلىنگەنلىكىنىڭ 20 يىللىقى. 20 يىلدىن بۇيان ‹‹بىر دۆلەتتە ئىككى تۈزۈم بولۇش›› فاڭجېنى شياڭگاڭنىڭ ئەمەلىيىتىدە غايەت زور مۇۋەپپەقىيەتلەرنى قولغا كەلتۈردى. ئاساسىي قانۇن ۋە نېگىزلىك قانۇندا بېكىتىلگەن ئالاھىدە مەمۇرىي رايون تۈزۈمى ئۈنۈملۈك ئىجرا قىلىنىپ، شياڭگاڭنىڭ ئاۋات ۋە مۇقىملىقى ساقلاندى، خەلقئارا جەمئىيەت بۇنىڭغا يۈكسەك باھا بەردى. شۇنىڭ بىلەن بىللە، ‹‹بىر دۆلەتتە ئىككى تۈزۈم بولۇش›› بىر تۈرلۈك ئىجادىي ئىش، بۇنى شياڭگاڭنىڭ ئەمەلىيىتىدە ئۈزلۈكسىز ئىزدىنىپ تەرەققىي قىلدۇرۇشقا توغرا كېلىدۇ. 20 يىلدىن بۇيان، شياڭگاڭ نۇرغۇن بوران – چاپقۇننى باشتىن كەچۈردى، بۇ خىرىسمۇ ۋە خەۋپمۇ بولغان، شۇنداقلا پۇرسەت ۋە ئۈمىد بىلەن تولغان جەريان بولدى. يېڭى نۆۋەتلىك باش مەمۇر بولۇش سۈپىتىڭىز بىلەن مەسئۇلىيىتىڭىز ئېغىر، بۇرچىڭىز شەرەپلىك. مەركەزنىڭ ‹‹بىر دۆلەتتە ئىككى تۈزۈم بولۇش››، ‹‹شياڭگاڭنى شياڭگاڭلىقلار ئىدارە قىلىش››، يۈكسەك ئاپتونومىيەنى يولغا قويۇش ئىرادىسى قەتئىي، بۇ ئىرادىسى ئۆزگەرمەيدۇ، بۇ ئىرادىدىن تەۋرەنمەيدۇ، سىز ۋە يېڭى بىر نۆۋەتلىك ئالاھىدە مەمۇرىي رايونلۇق ھۆكۈمەتنىڭ قانۇن بويىچە مەمۇرىيەت يۈرگۈزۈشىنى پۈتۈن كۈچ بىلەن قوللايدۇ. سىزنىڭ ئۈمىدىمىزنى ئاقلاپ، ئالاھىدە مەمۇرىي رايون ھۆكۈمىتى ۋە جەمئىيەتتىكى ھەر ساھەدىكىلەرنى يېتەكلەپ، شياڭگاڭلىق قېرىنداشلارغا يېقىندىن تايىنىپ، ‹‹بىر دۆلەتتە ئىككى تۈزۈم بولۇش›› فاڭجېنى ۋە نېگىزلىك قانۇننى ئومۇميۈزلۈك توغرا ئىزچىللاشتۇرۇپ ۋە ئەمەلىيلەشتۈرۈپ، ئىتتىپاقلىشىپ، كەڭ قورساق، بىر نىيەت – بىر مەقسەتتە بولۇپ، جاسارەت بىلەن ئىلگىرىلەپ، شياڭگاڭنىڭ تەرەققىياتى ۋە يۈكسىلىشى ئۈچۈن تۆھپە قوشۇشىڭىزنى ئۈمىد قىلىمەن.
 جاڭ دېجياڭ، لى يۈەنچاۋ، لى جەنشۇ، ياڭ جيېچى كۆرۈشۈشتە بىللە بولدى.
مەنبە: شىنجاڭ گېزىتى
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى