قىزىق نوقتا خەۋەرلىرى

كۇڭ يۈپىڭ ۋە ئۇنىڭ تۇغقانلىرىنىڭ ئۈزۈلمەس رىشتىسى

2017-04-24 12:59:30     مەنبەسى: شىنجاڭ خەلق رادىيو ئىستانسىسى   

روزى

باي ناھىيەسىنىڭ باي بازىرىدا ئۇيغۇر، خەنزۇ، خۇيزۇ، مياۋزۇ، موڭغۇل، قازاق، مانجۇ قاتارلىق ئون نەچچە مىللەت بىللە ياشايدۇ. ئۇزاقتىن بۇيان ئېجىل - ئىناق ياشاپ كېلىۋاتقان بۇ چوڭ ئائىلىدە، كىشىنى تەسىرلەندۈرىدىغان ئاجايىپ ھېكايىلەر كۆرۈلۈپ تۇردى.
كۇڭ يۈپىڭ باي ناھىيەسىنىڭ باي بازىرى شىمالىي كۆۋرۈك مەھەللىسىدىن بولۇپ، ئۇ ھازىر مەھەللە جامائەت پاراۋانلىق ئورنىدا ئىشلەيدۇ. 1995 - يىلى ئۇنىڭ چوڭ قىزى تۇغۇلۇپ ئۇزاق ئۆتمەي، ئېغىر مېڭە پارالىچ كېسىلىگە گىرىپتار بولۇپ قالدى، ئۇ بالىسىنى داۋالىتىش ئۈچۈن كۆپ تىرىشقان بولسىمۇ، ئۈنۈمى كۆرۈلمىدى، كۇڭ يۈپىڭ ۋە ئۇنىڭ ئېرىنىڭ مۇقىم خىزمىتى بولمىغاچقا، ئەر - خوتۇن سىرتقا چىقىپ ئىشلەپ تۇرمۇشىنى قامدىمىسا بولمايتتى. ئۇنىڭ ئۈستىگە كۇڭ يۈپىڭنىڭ قېيىنئاتا، قېيىنئانىسى ئومباش يېزىسىدا دېھقانچىلىق قىلىدىغان بولغاچقا، ئۇنىڭ قىزىغا قارايدىغان ئادەم يوق ئىدى. كۇڭ يۈپىڭ ئائىلىسىنىڭ قىيىنچىلىقىنى كۆرگەن ھاۋاخان كېرەم، گۈلنىساخان ئاپپاق قاتارلىق قوشنىلار ئۇلارغا كۆپ ياردەملەرنى قىلدى، كۇڭ يۈپىڭ ھەر قېتىم سىرتقا چىققاندا ھاۋاخان كېرەم، گۈلنىساخان ئاپپاقلار ئۇنىڭ بالىسىغا قاراپ، ئۇلارنىڭ سىرتقا چىقىپ ئىشلىشىگە ۋە ئائىلە ئىشلىرىنى قىلىۋېلىشىغا قولايلىق شارائىتلارنى يارىتىپ بەردى.
 كۇڭ يۈپىڭ مۇنداق دېدى: قىزىم 1995 - يىلى تۇغۇلدى، 1998 - يىلىدىن باشلاپ گۈلنىساخان، ھاۋاخانلار بىلەن قوشنا بولدۇق، ئىشقا ماڭسام بالامنى ئۇلارنىڭ ئۆيىگە ئەكىرىپ قوياتتىم، ئۇلار ئۆز بالىسىدەك كۆرۈپ باقاتتى، شۇنداق قىلىپ ئۇلارنىڭ ياردىمى بىلەن بالامنىمۇ چوڭ قىلىۋالدىم.
 گۈلنىساخان ئاپپاق مۇنداق دېدى: مەن 1998 - يىلى بۇ يەرگە كۆچۈپ كېلىپ، كۇڭ يۈپىڭ بىلەن قوشنا بولدۇم، ئەينى ۋاقىتتا ئۇنىڭ بالىسى كىچىك ئىدى، ئۇنىڭ ئۇيغۇرچە ئىسمى خالىدەم ئىدى، شۇنىڭدىن بۇيان بىز ئىزچىل ياخشى قوشنا بولۇپ ئۆتۈۋاتىمىز، ئۇ كۆكتات سېتىۋېلىش ياكى باشقا ئىشلار بىلەن سىرتقا چىقسا بالىسىنى ئۆيۈمگە ئەكىرىپ قوياتتى، مەن ئۇنىڭ بالىسىغا تاماق ئېتىپ بېرىپ، خۇددى ئۆزۈمنىڭ بالىسىدەك كۆيۈنۈپ، ھالىدىن خەۋەر ئالاتتىم...
كۇڭ يۈپىڭ مۇنداق دېدى: بۇ ئىككى قوشنام بولغاچقا، سىرتلارغا خاتىرجەم چىقالىدىم، ئۇلارنىڭ 18 يىلدىن بۇيانقى قىلغان ياردىمىنى ئەسلىگىنىمدە، ھاياجاندىن كۆزلىرىم ياشقا تولىدۇ.
كۇڭ يۈپىڭمۇ ھاۋاخان كېرەم ئائىلىسىگە كۆپ ياردەم قىلدى، پۇلى يوق ۋاقىتلاردا پۇل بېرىپ تۇردى. ھازىر بالا چوڭ بولدى، كۇڭ يۈپىڭ مەھەللىنىڭ پاراۋانلىق ئورنىدا ئىشقا ئورۇنلاشتى، ھازىر ھۆكۈمەت بەرگەن ئەرزان ئىجارىلىك ئۆيدە ئولتۇرۇۋاتىدۇ، كۇڭ يۈپىڭ ھەمىشە قىزىنى كونا قوشنىلىرىنىڭ ئۆيىگە ئېلىپ بېرىپ، ئۇلار بىلەن ھال - مۇڭ بولۇپ كېلىدۇ، قوشنىلارمۇ ۋاقتى بولسىلا كۇڭ يۈپىڭ ۋە ئۇنىڭ قىزىنى يوقلاپ تۇرىدۇ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى