قىزىق نوقتا خەۋەرلىرى

سىياسىي كېڭەش شىنجاڭ ئۇيغۇر ئاپتونوم رايونلۇق 11- نۆۋەتلىك كومىتېتىنىڭ 18- قېتىملىق دائىمىي كومىتېت يىغىنى ئېچىلدى

2017-05-19 13:00:42     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
سىياسىي كېڭەش شىنجاڭ ئۇيغۇر ئاپتونوم رايونلۇق 11- نۆۋەتلىك كومىتېتىنىڭ 18- قېتىملىق دائىمىي كومىتېت يىغىنى 5-ئاينىڭ 18-كۈنى چۈشتىن بۇرۇن ئېچىلدى. يىغىندا «باش نىشاننى زىچ چۆرىدەپ، مىللەتلەر ئىتتىپاقلىقىنى يەنىمۇ مۇستەھكەملەش ۋە تەرەققىي قىلدۇرۇش» باش تېما قىلىنىپ، ھاكىمىيەت ئىشلىرى مەخسۇس تېمىدا مۇزاكىرە قىلىندى. «سىياسىي كېڭەش شىنجاڭ ئۇيغۇر ئاپتونوم رايونلۇق 11-نۆۋەتلىك كومىتېتى دائىمىي كومىتېتىنىڭ مىللەتلەر ئىتتىپاقلىقىنى قەتئىي قوغداپ، مىللىي بۆلگۈنچىلىككە قەتئىي قارشى تۇرۇش توغرىسىدىكى قارارى» قاراپ چىقىلىپ ماقۇللاندى.
ئاپتونوم رايونلۇق سىياسىي كېڭەشنىڭ رەئىسى نۇرلان ئەبىلمەجىن يىغىنغا قاتناشتى.
«قارار»دا مۇنداق چاقىرىق قىلىندى: ئاپتونوم رايوندىكى ھەر دەرىجىلىك سىياسىي كېڭەش تەشكىلاتلىرى، ھەر مىللەت، ھەر ساھەدىكى سىياسىي كېڭەش ئەزالىرى ۋە بارلىق سىياسىي كېڭەش كادىرلىرى سىياسىي ئاڭ، ئومۇمىيەت ئېڭى، يادرو ئېڭى، بىردەكلىك ئېڭىنى پۇختا تۇرغۇزۇپ، باش شۇجى شى جىنپىڭنىڭ يادرولۇق ئورنىنى قەتئىي تەۋرەنمەي ھىمايە قىلىشى، پارتىيە مەركىزىي كومىتېتىنىڭ نوپۇزىنى قەتئىي تەۋرەنمەي ھىمايە قىلىشى كېرەك. ئىدىيەدە، سىياسىيدا، ھەرىكەتتە يولداش شى جىنپىڭ يادرولۇقىدىكى پارتىيە مەركىزىي كومىتېتى بىلەن يۈكسەك بىردەكلىكنى ساقلاپ، «ئىككى يۈزلىمىچىلەر»گە قەتئىي قارشى تۇرۇپ ۋە ئۇلارنى قاتتىق جازالاپ، مىللەتلەر ئىتتىپاقلىقىنى قوغداشنىڭ بىرىنچى سېپىدە، بۆلگۈنچىلىككە قارشى كۈرەشنىڭ بىرىنچى سېپىدە، ئەل قەلبىنى مۇجەسسەملەشنىڭ بىرىنچى سېپىدە قەتئىي تەۋرەنمەي چىڭ تۇرۇشى كېرەك. ئاپتونوم رايونلۇق پارتكومنىڭ بىر قاتار «بىرىكمە مۇشت» تەدبىرىنىڭ ئورۇنلاشتۇرما-تەلەپلىرىنى چوڭقۇر چۈشىنىپ ۋە ئىگىلەپ، باش نىشان بايرىقىنى ئېگىز كۆتۈرۈپ، قەتئىي تەۋرەنمەي باش نىشان ئارقىلىق سىياسىي كېڭەش خىزمىتىنى يېتەكلەپ، باش نىشاننى ئومۇمىي پروگرامما، يادرولۇق ۋەزىپە، كۆزلەش ۋە كۈچەش نۇقتىسى قىلىپ، قەتئىيلىك بىلەن تېررورلۇققا قارشى تۇرۇپ مۇقىملىقنى قوغداشنى ھەممىنى بېسىپ چۈشىدىغان سىياسىي ۋەزىپە، تەيشەن تېغىدىنمۇ ئېغىر سىياسىي مەسئۇلىيەت قىلىپ، قەتئىيلىك بىلەن ۋەتەننىڭ بىرلىكىنى قوغداشتىكى مۇھاپىزەتچى، مىللەتلەر ئىتتىپاقلىقىنى قوغداشتىكى نەمۇنە، ئىجتىمائىي مۇقىملىقنى قوغداشتىكى غوللۇق كۈچ بولۇپ، شىنجاڭنىڭ ئىتتىپاق، مۇقىم بولغان ياخشى ۋەزىيىتىنى جان تىكىپ قوغدىشى، شىنجاڭدىكى ھەر مىللەت خەلقنىڭ بەختلىك تۇرمۇشى ۋە گۈزەل كېلەچىكىنى جان تىكىپ قوغدىشى كېرەك.

تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى