قىزىق نوقتا خەۋەرلىرى

بۇ يىل ئۈرۈمچى شەھىرىدە ئالىي مەكتەپ ئىمتىھان رايونىدىن 36 سى، ئىمتىھان مەيدانىدىن 994 ى تەسىس قىلىندى

2017-06-06 18:51:56     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
بۇ يىل ئۈرۈمچى شەھىرىدە ئالىي مەكتەپ ئىمتىھان رايونىدىن 36 سى، ئىمتىھان مەيدانىدىن 994 ى تەسىس قىلىندى. پۈتۈن شەھەر بويىچە ئىمتىھانغا قاتنىشىدىغان ئوقۇغۇچى 24 مىڭ 173 بولۇپ، 2016-يىلدىكىدىن 1 مىڭ 307 ئوقۇغۇچى كېمەيدى. ئۈرۈمچى شەھىرى يەنە تۇنجى قېتىم بارماق ئىزىنى تونۇتۇپ، ئالىي مەكتەپ ئىمتىھانى بېرىدىغان ئوقۇغۇچىلارنىڭ سالاھىتىنى بېكىتىش تەدبىرىنى قوللىنىپ، ئورنىغا ئىمتىھان بېرىش قاتارلىق بەلگىلىمىگە خىلاپ ئەھۋاللاردىن ساقلىنىدۇ.
 2017-يىللىق ئالىي مەكتەپ ئىمتىھانى مۇشۇ ئاينىڭ 7-، 8-، 9-كۈنى 3 كۈن داۋاملىشىدۇ. ئىمتىھان ئۈرۈمچى ۋاقتى چۈشتىن بۇرۇن سائەت 7 دىن 9 يېرىمغىچە، چۈشتىن كېيىن سائەت 1 دىن 3 كىچە بولۇپ، ئوقۇغۇچىلار 15 مىنۇتتىن ئارتۇق كېچىكسە، شۇ پەننىڭ ئىمتىھان مەيدانىغا كىرگۈزۈلمەيدۇ؛ ئىمتىھان قەغىزىنى تاپشۇرۇپ چىقىپ كېتىش ۋاقتى ھەر بىر پەننىڭ ئىمتىھان ئاياغلىشىش ۋاقتىدىن 30 مىنۇتتىن بۇرۇن بولسا بولمايدۇ؛ ئىمتىھان قەغىزىنى تاپشۇرۇپ چىقىپ كەتكەندىن كېيىن، قايتىپ كىرىپ داۋاملىق ئىمتىھان بېرىشكە، ئىمتىھان مەيدانى ئەتراپىدا تۇرۇشقا ياكى پاراڭلىشىشقا رۇخسەت قىلىنمايدۇ. ئىلگىرىكى يىللارغا سېلىشتۇرغاندا، بۇ يىل ئاتا - ئانىلار بالىلىرىنى ئىمتىھان نوقتىسىغا ئەكىلىپ قويسا بولىدۇ، لېكىن ئىمتىھان مەيدانىغا كىرسە بولمايدۇ. ئۈرۈمچى شەھەرلىك مائارىپ ئىدارىسىنىڭ باشلىقى ليۇ جيەن مۇنداق دېدى: ــــ ئاتا - ئانىلار بالىلىرىنى ئەكېلىپ قويغاندا، ئۆزىنىڭ كىملىكى ۋە بالىنىڭ ئىمتىھان بېرىش كىنىشكىسىنىڭ كۆپەيتىلگەن نۇسخىسىنى ئېلىپ، بالا بىلەن ئىمتىھان مەيدانىنى كۆرسە بولىدۇ. لېكىن مۇشۇ ئاينىڭ 7-كۈنى، ئاتا - ئانىلارنىڭ مەكتەپكە كىرمەسلىكىنى تەۋسىيە قىلىمىز، بالىلارنىڭ شۇنچە يىللىق تىرىشچانلىقىغا نىسبەتەن ئىشەنچ بولۇشى كېرەك. ئەگەر ئاتا - ئانىلار ئىمتىھان مەيدانىغا كىرىپ، باشتىن - ئاخىر ساقلاپ تۇرۇشتا چىڭ تۇرسا، مەكتەپ بېكىتىپ بەرگەن مەخسۇس كۈتۈپ تۇرۇش ئورنىدا تۇرۇپ ساقلىسا بولىدۇ.
ئۈرۈمچى شەھىرى بۇ يىل تۇنجى قېتىم بارماق ئىزى ئارقىلىق ئىمتىھان بەرگۈچىنىڭ سالاھىيىتىنى بېكىتىشنى يولغا قويىدۇ. ئىمتىھان بەرگۈچى بارماق ئىزى ۋە سالاھىيىتىنى تەكشۈرتكەندىن كېيىن، ئاندىن ئىمتىھان نۇقتىسىغا كىرەلەيدۇ. ليۇ جيەن مۇنداق دېدى: ـــــ ئۈرۈمچى شەھىرى بۇ يىل تۇنجى قېتىم ئوقۇغۇچىلارنىڭ بارماق ئىزىنى خاتىرىلەش سىستېمىسىنى ئىشلەتتى. بۇ باشقىلارنىڭ ئورنىغا ئىمتىھان بېرىش قاتارلىق بەلگىلىمىگە خىلاپ ئەھۋالدىن ساقلىنىشقا، شۇنداقلا ئوقۇغۇچىلارنىڭ ئىمتىھان مەيدانىنى توغرا تېپىپ كىرىشىگە پايدىلىق.
بۇ يىللىق ئالىي مەكتەپ ئىمتىھانىنىڭ بىخەتەرلىك كاپالىتى خىزمىتىگە قارىتا، ئۈرۈمچى شەھىرى ئىمتىھان نوقتىسى بولغان ھەر قايسى مەكتەپ ۋە ئىمتىھانغا ئالاقىدار خادىملارنى مەخسۇس تەربىيەلىدى. ئىنتىزام تەكشۈرۈش - مەمۇرىي تەپتىش خادىملىرى ئالىي مەكتەپ ئىمتىھانىنىڭ پۈتۈن جەريانىغا تولۇق قاتنىشىپ، بەلگىلىمىگە خىلاپ ئەھۋاللارنى تېزلىكتە تەكشۈرۈپ بىر تەرەپ قىلىدۇ. ليۇ جيەن ئوقۇغۇچىلار ۋە ئاتا - ئانىلارنى ئەسكەرتىپ مۇنداق دېدى: ـــــ بىز ئوقۇغۇچىلارنىڭ مەكتەپلىرى ئارقىلىق، ئۇلارغا ئالدىن سەمىمىيەت تەربىيەسى ئېلىپ باردۇق. ئىمتىھان مەيدانىغا يانفون ئېلىپ كىرىش بەلگىلىمىگە خىلاپ قىلمىش بولۇپ، شۇ پەننىڭ نەتىجىسى بىكار قىلىنىپلا قالماي، ئومۇمىي پەن نەتىجىسىگىمۇ تەسىر كۆرسىتىدۇ.

تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى