قىزىق نوقتا خەۋەرلىرى

بالىلارنىڭ قوش تىلنى ياخشى ئۆگىنىشى، قوش تىلدىن ياخشى پايدىلىنىشى ئۈچۈن، بۇلتۇرنىڭ ئاخىرى، ئاپتونوم رايون يېزىلارنىڭ 3 يىللىق ھەقسىز قوش تىل يەسلى مائارىپىنى ئومۇمىيۈزلۈك ئومۇملاشتۇرۇشنى ئوتتۇرىغا قويدى

2017-06-15 19:47:40     مەنبەسى: شىنجاڭ خەلق رادىيو ئىستانسىسى   
ئىستانسىمىز خەۋىرى:
بالىلارنىڭ قوش تىلنى ياخشى ئۆگىنىشى، قوش تىلدىن ياخشى پايدىلىنىشى ئۈچۈن، بۇلتۇرنىڭ ئاخىرى، ئاپتونوم رايون يېزىلارنىڭ 3 يىللىق ھەقسىز قوش تىل يەسلى مائارىپىنى ئومۇمىيۈزلۈك ئومۇملاشتۇرۇشنى ئوتتۇرىغا قويدى. بۈگۈنكى كۈندە، ئاپتونوم رايون بويىچە «قوش تىل يەسلى مائارىپىدا ئوقۇشقا تىگىشلىكلىرى جەزمەن ئوقۇش»نىڭ تۈرتكىسىدە، يېزىلاردىكى ئۈچ يىللىق ھەقسىز قوش تىل يەسلى مائارىپىدا ئوقۇۋاتقانلار بىر مىليون 53 مىڭ 700 گە يېتىپ، ئومۇملىشىش نىسبىتى %100 كە يەتتى. قوش تىل يەسلى مائارىپى بالىلارغا گۈزەل كەلگۈسىنى ياراتماقتا.
يېڭى بىر ھەپتىنىڭ باشلىنىشى بىلەن، شايار ناھىيەسى يېڭىمەھەللە بازىرى قۇرۇلقۇم قوش تىل يەسلىسىدىكى بالىلارنىڭ قوش تىل دەرسلىك ئوقۇتۇشى يېڭى باسقۇچقا كىردى. بالىلار قوش تىل دەرسىدىن كېيىن، يەنە بىر قانچە مىۋىنىڭ خەنزۇچە ئاتىلىشىنى ئۆگىنىۋالدى. سادىرجان ھۈسەن ئىسىملىك ئوقۇغۇچى مۇنداق دېدى: مەن يەسلىنى ياخشى كۆرىمەن، بۇ يەردە مەن ياخشى كۆرىدىغان ئوقۇتقۇچۇم ۋە كىچىك دوستلار بار.
ئىلگىرىكى تارتىنچاق، ئاتا- ئانىسىدىن ئايرىلىشنى پەقەتلا خالىمايدىغان بالىلارنىڭ بۈگۈنكى كۈندە ھەر كۈنى سەھەردە بۇخچىلىرىنى ئېسىپ مەكتەپكە ماڭغان بۇ ھالىتى ئاتا- ئانىلارنى خوش قىلدى. بۇلتۇرنىڭ ئاخىرى، ئاپتونوم رايوننىڭ ئورۇنلاشتۇرۇشىغا ئاساسەن، ئاپتونوم رايونىمىزنىڭ ھەر قايسى جايلىرى  يېزىلاردا 5 مىڭ 500 ۋاقىتلىق يەسلى قۇردى. 11- ئاينىڭ ئاخىرى، ئاپتونوم رايونلۇق پارتكوم بەنگۇڭتىڭى، ئاپتونوم رايونلۇق خەلق ھۆكۈمىتى بەنگۇڭتىڭى بىرلىكتە «ئاپتونوم رايوننىڭ يېزىلاردىكى 3 يىللىق ھەقسىز قوش تىل يەسلى مائارىپىنى ئىلگىرى سۈرۈش توغرىسىدىكى پىكىرى» نى ئېلان قىلدى. نۆۋەتتە، ئاپتونوم رايون بۇ يىل پىلانلىغان يېزىلارنىڭ 3 مىڭ 682 قوش تىل يەسلىسى قۇرۇش تۈرىدە قۇرۇلۇش سۈرئىتى ناھايىتى تېز بولماقتا. پىلان بويىچە 8- ئاينىڭ ئاخىرى ئومۇمىيۈزلۈك پۈتۈپ بالىلار قۇبۇل قىلىنىدۇ. ھازىر ئاپتونوم رايونىمىزنىڭ ھەر قايسى جايلىرى بولۇپمۇ جەنۇبىي شىنجاڭدىكى 4 ۋىلايەت، ئوبلاستنىڭ ھەممىلا يېرىدا يېزا قوش تىل يەسلىسى قۇرۇلىۋاتقانلىقىنى كۆرگىلى بۇلىدۇ.
پوسكام ناھىيەسىنىڭ پوسكام يېزىسى قوشجىگدە كەنتىدىكى قوش تىل يەسلىسىنىڭ ئاساسىي گەۋدە قۇرۇلۇشى پۈتۈپ بولغان بولۇپ، قۇرۇلۇش ئىشچىلىرى ئىچكى تامنى بىزەۋاتقان ئىدى. بۇ يەسلى قۇرۇلۇشى پۈتكەندىن كېيىن، ئەتراپتىكى ئۈچ كەنتتىكى 600 بالا بۇ يەسلىگە كىرىپ ئوقۇيالايدۇ. پوسكام ناھىيەسى بۇ يىل قوش تىل يەسلىسىدىن يېڭىدىن 30 نى قۇرۇپ، 9- ئايدا يېڭى ئوقۇش مەۋسۈمى باشلانغاندا 5 مىڭ 200 دىن كۆپرەك يەسلى يېشىغا توشقان بالىلارنىڭ يېقىن ئەتراپتا يەسلىدە ئوقۇش ئېھتىياجىنى قاندۇرىدۇ. پوسكام ناھىيەلىك مائارىپ ئىدارىسى تۈر ئىشخانىسىنىڭ مۇئاۋىن مۇدىرى تۇرسۇنجان سىدىق ئەھۋال تونۇشتۇرۇپ مۇنداق دېدى: بىز قۇرۇلۇشى پۈتكەن يەسلىلەردە ئەسلىھە ئورنىتىش خىزمىتىنى ئىشلەۋاتىمىز. قاتتىق دېتال ئەسلىھەلىرىنى جايىدا ئەمەلىيلەشتۈرۈشكە كاپالەتلىك قىلغان ئەھۋال ئاستىدا، بىز ئوقۇتقۇچىلارنى تەكلىپ قىلىش خىزمىتىنى ياخشى ئىشلەپ، كېيىنكى ئوقۇش مەۋسۈمىدىن بۇرۇن، قاتتىق ۋە يۇمشاق دېتال ئەسلىھەلىرىنى تۇلۇق يۈرۈشلەشتۈرۈپ، بالىلارنىڭ 9- ئايدا يەسلىدە نورمال ئوقۇشىغا كاپالەتلىك قىلىمىز.
زامانىۋىي ئۇسلۇبتا سېلىنغان يەسلىلەر يېزا- كەنتلەردىكى ئەڭ گۈزەل قۇرۇلۇش شۇنداقلا كەنت ئاھالىلىرىنىڭ ئۈمىدى بولۇپ قالدى. جەنۇبىي شىنجاڭدىكى قوش تىل يەسلىلىرىدە ئوقۇتقۇچىلار يېتىشمەسلىك مەسىلىسىنى ھەل قىلىش ئۈچۈن، بۇلتۇر 10- ئايدا، ئاپتونوم رايون جەنۇبىي شىنجاڭنىڭ قوش تىل يەسلى مائارىپىغا ياردەم بەرگۈچى كادىرلار خىزمىتىنى قانات يايدۇردى، ئاپتونوم رايون شۇنداقلا ھەر قايسى ۋىلايەت، ئوبلاست، ناھىيە، شەھەرلەردىكى 3 مىڭ كادىر جەنۇبىي شىنجاڭنىڭ يېزىلىرىدىكى قوش تىل يەسلىلىرىگە بېرىپ مائارىپقا ياردەم بەردى. چېن تىڭتىڭ شىنجاڭ سەنئەت ئىنىستىتوتىدىن يەكەن ناھىيەسىنىڭ تاغارچى يېزىسى مەركىزىي يەسلىسىگە مائارىپقا ياردەم بېرىشكە كەلگەن ئوقۇتقۇچى ئىدى. ئۇ ھەر بىر بالىنىڭ ئالاھىدىلىكىگە ئاساسەن، ئۇلارنى تەربىيەلىدى. شۇ جايدىكى ئوقۇتقۇچىلار بىلەن بىرلىكتە ئوقۇتۇش تەجرىبىلىرىدە ئورتاقلاشتى. بىر ئوقۇش مەۋسۈمى تۈگىگەندىن كېيىن،  چېن تىڭتىڭ بالىلارنىڭ تېز يېتىشكەنلىكىنى كۆرۈپ خوش بولۇپ مۇنداق دېدى: بۇ قېتىم مائارىپقا ياردەم بېرىش ئارقىلىق، ئۆزەمنىڭ ئوقۇتۇش سەۋىيەم، ئوقۇتۇش ئىدىيەرىمنى ھەقىقىي تۈردە بالىلارغا تەدبىقلاپ، ئالدىنقى سەپتە ئىشلىدىم، ئۇنىڭ ئۈستىگە بۇ ئوقۇتۇش ئىدىيەسى ۋە ئوقۇتۇش ئۇسۇلىنى شۇ جايدىكى تېخىمۇ كۆپ ئوقۇتقۇچىلارغا چۈشەندۈرۈپ، ئۇلار بىلەن ئورتاق بەھرىمەن بولدۇم.
ئاپتونوم رايونلۇق مائارىپ نازارىتى قوش تىل ئىشخانىسىنىڭ مۇئاۋىن مۇدىرى شياڭ ياڭ ئەھۋال تونۇشتۇرۇپ مۇنداق دېدى: بىز ئاساسلىقى قوش تىل مائارىپىدا يەسلى بىلەن باشلانغۇچ، باشلانغۇچ بىلەن تۇلۇقسىز ئوتتۇرا ئوقۇتۇشىنى ماسلاشتۇرۇشنى چىڭ تۇتۇپ ياخشى ئىشلەپ، ئېلىمىزنىڭ ئورتاق قوللىنىلىدىغان تىل ئوقۇتۇشىنى ھەر دەرىجىلىك، ھەر تۈرلۈك مائارىپقا باشتىن- ئاخىر سىڭدۈرۈشكە كاپالەتلىك قىلىپ، ئۈزۈپ قويماسلىق، تۇلۇق قاپلاشنى ئىشقا ئاشۇرىمىز. بىز تۈرلۈك يوللار ئارقىلىق قوش تىل ئوقۇتقۇچىلىرىنى تۇلۇقلاپ، قوش تىلى ئوقۇتقۇچىلىرى يېتىشمەسلىك مەسىلىسىنى ھەل قىلىپ، تەربىيلەشنى كۈچەيتىپ، قوش تىل ئوقۇتقۇچىلىرىنىڭ ئومۇمىي ساپاسى ۋە ئىقتىدارىنى يۇقىرى كۆتۈرىمىز. قوش تىل مائارىپىنىڭ ئوقۇتۇش سەۋىيەسىنى يەنىمۇ يۇقىرى كۆتۈرۈپ، بالىلارنى ئۇنىڭدىن بەھرىمەن قىلىپلا قالماستىن يەنە ياخشى ئۆگىنىش ئىمكانىيىتىگە ئىگە قىلىپ، ئۇلارنىڭ كەلگۈسى تەرەققىياتىغا ياخشى ئاساس سالىمىز.
تەرجىمان: ئامىنە نۇرئەخمەت
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى