قىزىق نوقتا خەۋەرلىرى

 يانفۇن ئىشلىتىشتە نېمىلەرگە دېققەت قىلىشىمىز كېرەك؟

2017-09-11 19:03:00     مەنبەسى: شىنجاڭ خەلق رادىيو ئىستانسىسى   

يانفۇن ئىشلەتمەيدىغان ئاممىۋىي سورۇنلاردا ئۇنى قولىڭىزدا تۇتۇپ تۇرىۋالماڭ ياكى چاپىنىڭىزنىڭ سىرتقى يانچۇقىغا سېلىۋالماڭ. يانفۇنىڭىزنى سومكىڭىزغا ياكى چاپىنىڭىزنىڭ ئىچكى يانچۇقىغا سېلىۋېلىڭ ياكى كەمىرىڭىزگە ئېسىۋېلىڭ. كۆزگە چېلىقمايدىغان جايغا قويۇپ قويسىڭىزمۇ بولىدۇ. ئۈستەلنىڭ ئۈستىگە قويىۋالماڭ، بولۇپمۇ باشقىلار بىلەن ئۇدۇلمۇ ئۇدۇل ئولتۇرۇپ پاراڭلىشۋاتقاندا شۇنداق قىلىشىنىڭ ئالدىنى ئېلىڭ.
يىغىندا ياكى باشقىلار بىلەن بىرەر ئىشنى كېڭىشىۋاتقاندا ئەڭ ياخشىسى يانفۇنىڭىزنى ئېتىۋېتىڭ. ھېچبولمىغاندا ئاۋازسىز ھالەتكە تەڭشەپ قويۇڭ. بۇ باشقىلارنى ھۆرمەتلىگىنىڭىز بولۇپ، سۆز قىلىۋاتقان ئادەمنىڭ ئوي-پىكرىنى بۆلىۋېتىشتىن ساقلىنالايسىز. ئاممىۋىي سورۇنلاردا يانفۇنى توختىماي سايرايدىغان كىشىلەر قارىماققا خىزمىتى شۇنداق ئالدىراشتەك كۆرۈنسىمۇ، باشقىلارغا ساپاسى تۆۋەندەك تەسىر بېرىپ قويىسىز.
يانفۇن ئىشلىتىشتىكى قائىدە- يوسۇنلارغا ئېتىبار بېرىدىغان كىشىلەرگە تېلىفۇن بەرگەندە دىققەت قىلىڭ، چۈنكى ئۇلار ئاممىۋىي سورۇنلاردا ياكى مۇقىم تېلىفۇندا پاراڭلىشىۋاتقاندا، ئاپتوموبىل ھەيدەۋاتقاندا، ئايروپىلانغا ئولتۇرغاندا، تىياتېرخانا، كۈتۈپخانا، دوختۇرخانىلاردا تېلىفۇن قوبۇل قىلمايدۇ. ئاپتوبوستا ئۈنلۈك ئاۋازدا سۆزلىشىشمۇ ئەدەبسىزلىك ھېسابلىنىدۇ.
باشقىلارغا تېلىفۇن بەرگەندە، بولۇپمۇ خىزمىتى ئالدىراش كىشىلەرگە تېلىفۇن بەرگەندە تېلىفۇن بېرىدىغان ۋاقىتقا قاراپ تېلىفۇن بېرىڭ. قارشى تەرەپنىڭ تېلىفۇن قوبۇل قىلىشىغا قولايلىق ۋاقىتتا تېلىفۇن بەرگىنىڭىز ياخشىراق.
ئاممىۋىي سورۇنلاردا، بولۇپمۇ پەلەمپەي، لېفىت، يول بويى، پىيادىلەر يولى قاتارلىق جايلاردا خۇددىي يېنىدا ئادەم يوقتەك ئۈنلۈك ئاۋازدا پاراڭلىشىشمۇ ئەدەبسىزلىك ھېسابلىنىدۇ.
بەزى ئاممىۋى سورۇنلاردا مەسىلەن، كىنو كۆرىۋاتقاندا ياكى تىياتىرخانىلاردا ئويۇن كۆرىۋاتقاندا يانفۇندا سۆزلىشىشمۇ ئەدەبسىزلىك ھېسابلىنىدۇ. بەك زۆرۈر بولسا، ئاۋازسىز ھالەتتە قارشى تەرەپكە ئۇچۇر يوللىسىڭىز ياخشىراق.
تاماق ئۈستىلىدە يانفۇنىڭىزنى ئېتىۋېتىڭ ياكى ئاۋازسىز ھالەتكە تەڭشەپ قويسىڭىز، تاماق يەۋاتقان كىشىلەرنىڭ يانفۇندىن چىققان ئاۋازدىن چۆچۈپ كېتىشىدىن ساقلىنالايسىز.
باشقىلارغا ئۇچۇر يوللاشتىمۇ خۇددىي يانفۇندا سۆزلەشكەنگە ئوخشاش ئەھمىيەت بېرىشىڭىز كېرەك. چۈنكى سىز يوللىغان ئۇچۇر ھېچبولمىغاندا سىز يوللىغان ئۇچۇردىكى مەزمۇننى ئىنكار قىلمايدىغانلىقىڭىزنى ئىپادىلەيدۇ، شۇنداقلا سىزنىڭ سەۋىيىڭىز ۋە پەزىلىتىڭىزدىن دېرەك بېرىدۇ. شۇڭا سىزگە كەلگەنلىكى ئۇچۇرلارنى خالىغانچە باشقىلارغا يوللىماڭ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى