قىزىق نوقتا خەۋەرلىرى

ئاپتونوم رايونىمىز قەشقەر ۋە خوتەن ۋىلايىتىدىكى ئېشىنچە ئەمگەكچىلەرنى يۆتكەپ ئىشقا ئورۇنلاشتۇرۇش خىزمىتىنى يولغا قويدى

2017-09-14 13:54:21     مەنبەسى: شىنجاڭ خەلق رادىيو ئىستانسىسى   

بۇ يىل 4- ئايدا، ئاپتونوم رايونىمىز قەشقەر ۋە خوتەن ۋىلايىتىدىكى ئېشىنچە ئەمگەكچىلەرنى يۆتكەپ ئىشقا ئورۇنلاشتۇرۇش خىزمىتىنى يولغا قويۇپ، جەنۇبىي شىنجاڭ رايونىدىكى ئىشقا ئورۇنلاشتۇرۇش مەسىلىسىنى ھەل قىلىشقا تىرىشتى. 8- ئاينىڭ ئاخىرىغىچە، ئىككى جايدىن يۆتكىلىپ ئىشقا ئورۇنلاشقانلارنىڭ سانى 38 مىڭ 163 كىشىگە يېتىپ، نىشان ۋەزىپىسىنىڭ %95.4ى ئورۇندالدى. ھازىر، يېڭىچە تۇرمۇشىنى باشلىغان جەنۇبىي شىنجاڭ ياشلىرى تىرىشىپ ئۆگىنىپ ۋە خىزمەت قىلىپ، تولۇپ تاشقان قىزغىنلىق بىلەن پارتىيە 19- قۇرۇلتىيىنىڭ غەلبىلىك ئېچىلىشىنى كۈتىۋالماقتا.
9-ئاينىڭ 13-كۈنى چۈشتىن بۇرۇن، شىنجاڭ جۇڭتەي خىمىيە سانائىتى گۇرۇھى خۇاتەي ئېغىر خىمىيە سانائىتى چەكلىك شىركىتىنىڭ كۆيدۈرۈلگەن ئىشقارنى ئوراش- قاچىلاش سېخىدا، يېڭىسار ناھىيەسىدىن كەلگەن ئابابەكرى ئۆمەرئەلى ئوراش- قاچىلاش لىنىيەسىدە ئالدىراش ئىشلەۋاتقان بولۇپ، خالتا ئاغزىنى ئېچىش، قاچىلاش، ئاغزىنى پىچەتلەش قاتارلىق مەشغۇلاتلارغا پىششىپ كەتكەنىدى. بۇ يىل 4- ئايدا، شىنجاڭ جۇڭتەي خىمىيە سانائىتى گۇرۇھى خۇاتەي ئېغىر خىمىيە سانائىتى چەكلىك شىركىتىگە كەلگەن ئابابەكرى ئۆمەرئەلىنىڭ سېخ ئورنىغا مۇقىملاشقىنىغا بىر ئاي بولغاندىلا، كەسپكە پىشقان تېخنىكا ئىشچىسى بولۇپ قالغانىدى. ئۇ مۇنداق دېدى: ئىككى كۈن كۈندۈزى، ئىككى كۈن كېچىسى ئىشلەيمەن. بىر كۈندە 20 توننا كۆيدۈرۈلگەن ئىشقار قاچىلايمەن. بۇ خىزمەتكە ئېرىشمىكىم ئاسانغا چۈشمىدى. بۇنىڭدىن كېيىن، ئايالىم بىلەن بىرلىكتە تېخىمۇ تىرىشىپ ئىشلەيمەن.
بىر قانچە كۈندىن بۇيان، قاغىلىق ناھىيەسىدىن كېلىپ، كورلا شەھىرىدىكى شىنجاڭ فۇلىدا تالا چەكلىك شىركىتىنىڭ توقۇمىچىلىق سېخىدا ئىشقا ئورۇنلاشقان ئارزىگۈل ئابلا ناھايىتى خۇشال ئىدى. تىرىشىش ئارقىلىق، ئارزىگۈل ئابلا ۋە ئۇنىڭ ئېرى تەربىيەلەشتە لاياقەتلىك بولۇپ، رەسمىي ئىشچىلىققا قوبۇل قىلىنىپ، ئىش ھەققى ئۆسۈپلا قالماي، كارخانىنىڭ تېخىمۇ كۆپ پاراۋانلىق تەمىناتىدىن بەھرىمەن بولىدىغان بولدى. ئۇ مۇنداق دېدى: پارتىيە ۋە دۆلەتنىڭ ياخشى سىياسىتى تەقدىرىمىزنى ئۆزگەرتتى. ھازىر، مەن 3 مىڭ يۈەندىن ئارتۇق ئىش ھەققى ئالىمەن. ئېرىم 4 مىڭ يۈەندىن ئارتۇق ئىش ھەققى ئالىدۇ. ئىلگىرى، ئېرىم سىرتتا ئىشلەپ، 7 ئادەمنى باقاتتى. بۇ يەرگە كەلگەندىن كېيىن، ئېرىمنىڭ بېسىمى يىنىكلەپ قالدى. ھەر ئايدا ئۆيدىكىلەرگە خېلى كۆپ پۇل ئەۋەتىپ بېرىمىز، بۇنىڭدىن بەكمۇ پەخىرلىنىمىز.
جىمىسار ناھىيەسىدىكى جەنۇبىي شىنجاڭدىن كەلگەن ئىشلەمچىلەرنى ئورۇنلاشتۇرۇش نۇقتىسىدىكى مەدەنىيەت پائالىيەت مەركىزىدە، ھەر كۈنى كەچلىك تاماقتىن كېيىن، كۆپچىلىك بىر يەرگە جەم بولۇپ پاراڭلىشىدۇ، ناخشا ئېيتىپ، ئۇسسۇل ئوينايدۇ. بۇ يىل، جىمىسار ناھىيەسى قەشقەر ۋە خوتەن ۋىلايىتىدىكى يېزىلاردىن يۆتكىلىپ كەلگەن 195 ئىشلەمچىنى قوبۇل قىلدى ھەمدە 10 مىليون يۈەندىن كۆپرەك مەبلەغ سېلىپ، ئىشلەمچىلەرنى ئورۇنلاشتۇرۇش نۇقتىسىدا بەدەن چىنىقتۇرۇش، كۆڭۈل ئېچىش مۇئەسسەسەلىرىنى تەسىس قىلدى. خوتەن شەھىرىدىن كەلگەن تۇرانىسا ئابلىز بۇ يەردە مۇھىت تازىلىقى خىزمىتى بىلەن شۇغۇللىنىۋاتقان بولۇپ، ئۇ مۇنداق دېدى: بىر يىلدا، 30 مىڭ يۈەندىن كۆپرەك پۇل يىغالايدىكەنمەن. خىزمەت ۋە تۇرمۇش مۇھىتىمۇ ياخشى بولۇپ، جىمىسارنى 2- يۇرتۇم، دەپ بىلىمەن. بۇنىڭدىن كېيىن، تىرىشىپ ئىشلەپ، تېخىمۇ ياخشى كۈنگە ئېرىشىمەن.

تەرجىمان: مىھرىئاي ئوسمان

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى