قىزىق نوقتا خەۋەرلىرى

كىمدىن ئاغرىنىسىز

2017-09-14 19:14:54     مەنبەسى: شىنجاڭ خەلق رادىيو ئىستانسىسى   

ئامانگۈل تۇنىياز

يېقىندا مەن بىر تۇغقىنىمنىىڭ بالىسى توغرۇلۇق  ئېيتقانلىرىنى ئاڭلاپ،  كۆڭلۈم تولىمۇ يېرىم  بولدى. چۈنكى ئۇ ئانامغا بالىسى توغرۇلۇق گەپ قىلىۋېتىپ، ئۈن سېلىپ يىغلاپ كەتتى- ۋە: «ئۆتكەن يىلى ئوغلۇم ئالىي  مەكتەپ ئىمتىھانىغا قاتناشقان، بىراق ماتېماتىكىدىن ئىككى نومۇر كەملەپ قېلىپ، بالىمىزنىڭ ھەم بىزنىڭ ئۈمىدىمىز بىراقلا يوققا چىقتى. شۇنىڭ بىلەن بالىمىز بىزگە بېسىم  ئىشلىتىپ: «دادام مېنى نەدىن بولسۇن، يولۇمنى مېڭىپ، ياخشى ئالىي مەكتەپ ئوقۇشۇپ ئوقۇتسۇن» دەپ تۇرۇۋالدى.  ئەمما دادىسى ئۇنداق قىلالمىدى. شۇنىڭ بىلەن بىز بالىمىزنى قايتا ئوقۇتۇپ  ئىمتىھان بېرىشكە ئۈندىسەك، ئۇ:  مەن قايتا ئوقۇسام، تونۇش -بىلىش، دوستلىرىم ئالدىدا يۈزۈم تۈكۈلۈپ كېتىدۇ. ئامال قىلالمىساڭلار ئۆيدىن چىقىپ كېتىمەن» دەپ بىزگە قورقاق سالدى. چارىسىز  قالغان دادىسى بالىمىزغا نومۇر چېكى  توشىدىغان بىر كەسپىي تېخنىكوم  مەكتىپىنى ئوقۇشنى ۋە ئۇنى يالۋۇرۇپ دېگۈدەك شۇ مەكتەپكە ئاران يولغا سالدۇق، مانا ئەمدىلىكتە ئۇ ھەپتىدە بىر باھانە  - سەۋەب تېپىپ پۇل- پۇللا دەيدۇ. يېقىندىن بۇيان كۆڭلۈم تولىمۇ پاراكەندە، بۇ بىزگە نېمە كۈن ئەمدى،  بىز  شۇ بالىمىزنى ياخشى ئوقۇسۇن، جەمئىيەتكە  ياراملىق  ئادەم بولسۇن دەپ، بارلىقىمىزنى بالىغا  بېغىشلاپ، شۇنداق ياخشى پۇرسەت يارىتىپ بەردۇق، ئۆزى مەكتەپتە تۈزۈك ئوقۇماي، ئەمدىلىكتە  بىزدىن  ئاغرىغىنى نېمىسى......
   ئاتا- ئانا بولغۇچى ئەلۋەتتە بىر ئۆمۈر بالىلىرى ئۈچۈن ياشاپ، بۇ ئالەمدىن كېتىدۇ. بالا  بولغۇچىمۇ بىرەر قېتىم ئۆز ئاتا- ئانىسىنىڭ ئۆزىدىن قانداق ياخشى ئۈمىدلەرنى كۈتىدىغاننى ئويلاپ  قويسا، ئاشۇ جاپاكەش ئاتا- ئانىلارنىڭ كۆڭلى ئالەمشۇمۇل خوشاللىققا چۆمگەن بولاتتى، بىراق ھازىر  بىر  قىسىم بالىلار بۇلارنى ئويلىمايدۇ. شۇنداق ياخشى پۇرسەتتە ئۆزى مەكتەپتە تىرىشىپ ئوقۇماي، ئاخىرىدا ئۆز ئاتا-ئانىسىدىن ئاغرىنىدىغان ئىشلار ناھايىتى كۆپ.  ئويلاپ بېقىڭلار، مەكتەپتە تىرىشىپ ئوقۇماي، پۇرسەتنى كەتكۈزۈپ قويۇپ، شۇ بىگۇناھ ئاتا- ئانىلاردىن ئاغرىنساڭلار، بۇ قانداقمۇ ئەقىلگە مۇۋاپىق بولسۇن؟ !
   سىز چوقۇم بىلىم ئېلىش ئۈچۈن  ئوقۇيدىكەنسىز، بارلىق زېھنىڭىزنى  بىلىم ئېلىشقا  سەرپ قىلىڭ، سىزدە ھەقىقىي  بىلىم بولسىلا، مەيلى نەگىلا بېرىڭ،  چوقۇم ياخشى خىزمەت شارائىتى،  ياخشى ئوقۇش مۇھىتى سىزنى ھەر ۋاقىت كۈتۈپ تۇرىدۇ. ھازىرقى تەرەققىيات بوسۇغۇسىدىن دادىل  قەدەم بىلەن ئاتلاپ، رىقابەت دېڭىزىدا مەردانە ئۈزۈپ، ئاخىرقى  غايىڭىزگە يېتىشتە، يەنى، سىزنى كۈتۈۋاتقان، سىز ئىنتىلىۋاتقان غەلىبىنى قولغا كەلتۈرۈشتە، يەنىلا ئۆزىڭىز ھەل قىلغۇچ ئىچكى ئامىل،  بىلمىڭىز سىزنى ھەرگىزمۇ مەغلۇپ قىلالمايدۇ.
شۇڭا، بارلىق ئوقۇغۇچىلار باشتىن باشلاپ ئۆزىنى كۈچەيتىشى، رىقابەت ئارقىلىق جەڭ ئېلان قىلىشنى ئۈگىنىۋېلىشى كېرەك. شۇندىلا سىز ئاتا-ئانىڭىزدىن، جەمئىيەتتىن ۋە ئەتراپىڭىزدىكى  مۇھىتتىن ئاغىرىنىشتەك روھىي چۈشكۈنلۈكتىن قۇتۇلۇپ، ئەكسىچە ئۇلارنىڭ سىزگە قىلغان ئەجرىگە  قانداق جاۋاپ قايتۇرۇشنى ئويلايدىغان، ئالىيجاناپ، ياخشى خىسلەتنى يېتىلدۈرەلەيسىز، ھەم ئۆز  قىممىتىڭىزنى ۋە رولىڭىزنى جارى قىلدۇرىدىغان ياخشى بىر خىزمەت ئورنىغا ئېرىشەلەيسىز.
 

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى