قىزىق نوقتا خەۋەرلىرى

ھەسەل ئىستېمال قىلىشنىڭ بەش چوڭ ئۈنۈمى

2017-11-14 15:37:04     مەنبەسى: شىنجاڭ خەلق رادىيو ئىستانسىسى   

داۋاملىق ھەسەل يەپ بەرسە چارچاشنىڭ ئالدىنى ئالىدۇ.

ھەممىمىزگە مەلۇم بارلىق تەبىئىي يېمەكلىكلەر ئىچىدە، چوڭ مېڭە نېرۋا ھۈجەيرىسى ئېھتىياجلىق بولغان ئېنېرگىيە ھەسەل تەركىبىدە مىقتارى ئەڭ يۇقىرى. ھەسەلدىن قوبۇل قىلىندىغان ئېنېرگىيە كالا سۈتىدىن قوبۇل قىلىنىدىغان ئېنېرگىيەدىن تەخمىنەن بەش ھەسسە يۇقىرى بولغاچقا، ناھايىتى قىسقا ۋاقىت ئىچىدە ئادەم بەدىنى ئېھتىياجلىق بولغان ئېنېرگىيەنى تولۇقلاپ، بەدەندىكى چارچاش ۋە ئاچلىق تۇيغۇسىنى تۈگىتىدۇ. ھەسەل تەركىبىدىكى فىرۇكتوزا، گىلوكوزا بەدەنگە تېزلا سۈمۈرۈلۈپ، قاننىڭ ئوزۇقلۇقىنى ياخشىلايدۇ. ئۇنىڭ ئۈستىگە ھەسەلدە ياغ بولمايدۇ، ۋىتامىن، مېنىرال ماددا، ئامىنو كىسلاتاسى، ئېنزىم قاتارلىقلار مول بولۇپ، دائىم ئىستېمال قىلغاندا ئادەمنىڭ روھىنى ئۇرغۇتۇپ، زېھنىنى ئاچىدۇ، ئەستە تۇتۇش ئىقتىدارىنى ئۆستۈرىدۇ.

زىيادە سەزگۈرلۈككە قارشى تۇرىدۇ.

ھەسەل ئوزۇقلۇق ماددىلار ئەڭ مول بولغان يېمەكلىك ۋە دورا دەپ قارىلىپ كەلمەكتە. بولۇپمۇ گۈل چېڭى قاتارلىقلار كەلتۈرۈپ چىقارغان سەزگۈرلۈك كېسىلىنى ھەسەل ئارقىلىق داۋالاشقا بولىدۇ.

ھەزىم قىلىش ئىقتىدارىنى ياخشىلايدۇ.

ئاشقازان-ئۈچەي دائىم ياغلىق يېمەكلىكلەرنىڭ غىدىقلىشىغا ئۇچراپ تۇرىدۇ، ئاشقازان-ئۈچەينىڭ فۇنكىسىيەسىگە تەسىر يەتكۈزىدۇ. ھالبۇكى، ھەسەل ئاشقازان كىسلاتاسىنىڭ نورمال ئاجرىلىپ چىقىشىنى ئىلگىرى سۈرۈپ، ئاشقازاننىڭ لۆمۈلدىشىنى كۈچەيتىدۇ. يېمەكلىك سىڭمەسلىككە ھەر كۈنى ئەتىگەن ۋە كەچتە ئاچ قورساققا 25 گىرام ھەسەل ئىستېمال قىلسا بولىدۇ.

ئۈچەينى سىلىقلاشتۇرىدۇ.

ھەسەلنىڭ ئاشقازان كىسلاتاسىنىڭ ئاجرىلىپ چىقىشىنى تەڭشەپ، ئۈچەينى سىلىقلاشتۇرۇش رولى بار. ئادەت خاراكتېرلىق قەۋزىيەت بولغان كىشىلەر ئەتىگەن ۋە كەچتە 30 گرام ھەسەلنى ئىلمان قايناق سۇ بىلەن تەڭشەپ، ئۇدا 2-3 كۈن ئىستېمال قىلسا ئۈنۈمى ئاجايىپ ياخشى بولىدۇ.

ھەر خىل يۆتەلنى داۋالايدۇ.

ئۆپكە تۇبېركۇليوزى، كېكېرتەك ياللۇغى، بۇرۇن ياللۇغى، كانايچە ياللۇغى، يۇتقۇنچاق ياللۇغى ۋە زىققا كېسەللىكلىرىگە گىرىپتار بولغان كىشىلەر ئۆزىگە مۇۋاپىق كېلىدىغان ھەسەلنى تاللاپ ئستېمال قىلغاندا، قوشۇمچە كېسەل داۋالاش مەقسىتىگە يېتەلەيدۇ.

ھەسەل ئۆپكىنى سىلىقلاشتۇرۇپ، يۆتەلنى توختىتىشتا مۇئەييەن ئۈنۈمگە ئىگە. مېۋە ھەسىلىنىڭ يۆتەلنى توختىتىش رولى ئەڭ ياخشى. قۇرۇق ئىسسىقتىن يۆتەلگەن كىشىلەر تاتلىق ئامۇتنىڭ پوستىنى سويۇپ، ئۇرۇقىنى ئېلىۋېتىپ، نېپىز يالپاقلاپ توغراپ، ئۇنى ھەسەلگە ئارىلاشتۇرۇپ، ھەر كۈنى بىر نەچچە قېتىم ئىستېمال قىلىپ بەرسە، بىر ھەپتىدە ئىسسىقتىن بولغان يۆتەلنىڭ ئالامەتلىرى تۈگەيدۇ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى