قىزىق نوقتا خەۋەرلىرى

ئوپچە ئادەملىك ئاز ساياھەت

2017-11-22 16:42:52     مەنبەسى: شىنجاڭ خەلق رادىيو ئىستانسىسى   

يېقىنقى يىللاردىن بۇيان، كۆپلىگەن جۇڭگولۇق ساياھەتچىلەر ساياھەت ئۈنۈمىنى ياخشىلاش، ساياھەتنىڭ دەرىجىسىنى ئاشۇرۇش ئۈچۈن ئادەم ئاز مەنزىرىسى گۈزەل جايلارغا بېرىپ ساياھەت قىلىدىغان ياكى تېخىمۇ باشقىچىراق ساياھەت تۈرلىرىنى تاللايدىغان بۇلۇپ قالدى، بۇنىڭغا ماس ھالدا بىر نەچچە ئادەم ئوپچە ساياھەت قىلىش شەكلى بارلىققا كەلدى. بىر نەچچە ئادەم ئوپچە ساياھەت قىلىشنى خالايدىغانلار كۆپىنچە ساياھەتكە بارىدىغان جايلارنى تاللاشتىن ساياھەت پىلانى تۈزۈشكىچە ھەممىنى ئۆزى بىۋاستە قول سېلىپ ئىشلەشنى ياخشى كۆرىدىغان، ساياھەت سەپىرىنىڭ سۈپىتىگە تېخىمۇ ئەھمىيەت بىرىدىغان، سەپەر ئۈستىدە قەيەرلەردىن ئۆتىدىغانلىقى، نىمىلەرنى كۆرىدىغانلىقى بىلەن ھېسابلىشىدىغان، ساياھەت سەپىرىدە ئەركىن ئازادە، كەڭ- كۇشادە بۇلۇشنى، ياخشى مىجەز- خۇلۇق يىتىلدۈرۈشنى، شۇ ئارقىلىق روھى جەھەتتىن شادلىققا ئېرىشىش ۋە قانائەت تېپىشنى ئويلايدۇ.
بىر نەچچە ئادەم ئوپچە ساياھەت قىلماقچى بولغان جايلار بارلىق ئادەم قىزىقىدىغان ئادەم كۆپ بارىدىغان مەنزىرە نوقتىلىرىغا نىسبەتەن ئېيتىلغان بۇلۇپ، ئادەتتە كىشىلەر ئانچە دىققەت قىلىپ كەتمەيدىغان ئايرىم مەنزىرە نۇقتىلىرى تاللىنىدۇ. بۇلۇپمۇ يېقىنقى يىللاردىن بۇيان، جۇڭگودا دەم ئېلىش كۈنلىرى ساياھەتكە چىقىدىغانلار كۆپىيىپ كەتكەچكە، كۆپىنچە كىشىلەر ئادەم مىغىلداپ تۇرىدىغان، يوللىرىدا ئاپتوموبىللار توسولۇپ كىتىدىغان قايناق ساياھەت مەنزىرە نوقتىلىرىدىن ئۆزىنى قاچۇرۇپ، ئادەتتە كىشىلەر ئانچە بارمايدىغان مەنزىرە نوقتىلىرىنى تاللايدىغان بولدى. كۆپلىگەن ئۆلكىلەرمۇ بۇنىڭغا ماس ھالدا ئادەم ئاز مەنزىرىسى گۈزەل ساياھەت لىنىيىلىرى ۋە مەنزىلگاھلىرىنى ئوتتۇرغا چىقاردى، مەسىلەن: ئىچكى موڭغۇل ئاپتونوم رايۇنىدىكى ئالاشەن توغراقلىقىنىڭ كۈز مەنزىرىسى، تىيەنجىننىڭ جىجوۋ تاغ دەريا مەنزىرىسى ئۆرپ- ئادەت ساياھىتى ۋە لىياۋنىڭ ئۆلكىسى فۇشۈن شەھرىنىڭ مانجۇلار ئۆرپ- ئادەت ساياھىتى قاتارلىقلار. ئىختىيارى ساياھەت قىلىشنى ياخشى كۆرىدىغان بەزى ساياھەتچىلەرنىڭ مەنزىرە نۇقتىلىرىغا بولغان تاللىشىدىمۇ ئۆزگىرىش بولدى، ئۇلارنىڭ قارىشىچە چۆچەكلەردىكى خىيالىي دۇنياغا ئوخشايدىغان مەنزىرىگاھلارلا ئارام ئالدىغان ئەڭ ياخشى جاي بولالايدىكەن. بىر قانچە ئادەم ئوپچە ساياھەتكە چىققاندا تەبىئەتنىڭ ئۆزگىچە گۈزەل مەنزىرىلىرىدىن ھوزورلىنىپلا قالماي، تېخىمۇ مۇھىمى تاغ- دەريا مەنزىرىلىرىدىن قانغىچە ھوزۇرلىنىپ، ئالدىرىماي، جىددىيلەشمەي، ئۇزۇنمۇ تۇرۇپ قالماي تەبىئەت بىلەن خالىغانچە ئۇچرىشىش مەقسىتىگە يەتكىلى بولىدۇ.  
بۈگۈنكى كۈندە، تېخىمۇ كۆپ ئىختىيارى ساياھەت قىلغۇچى دىققەت نەزىرىنى «بىر بەلباغ بىر يول» بويىدىكى قاتناش شارائىتى قولاي، تارىخىي مەدەنىيەت بايلىقى مول ھەم قىزىقارلىق بولغان جايلارغا قاراتماقتا، «پۇقرالارنىڭ <بىر بەلباغ بىر يول> ساياھىتىگە تۇتقان پوزىتىسىيىسى ۋە بۇ جايلارغا ساياھەتكە بېرىشى توغرىسىدىكى چوڭ سانلىق مەلۇمات دوكلاتى»دىن ئايان بولىشىچە، يىپەك يولى ساياھىتىدە بېسىپ ئۆتۈشكە تېگىشلىك جايلار ئىچىدە «كرورەن» دېگەن نام كىشىلەر ئەڭ كۆپ ئىزدەيدىغان ھالقىلىق سۆز بۇلۇپ قالغان. ئەنئەنىۋى ساياھەت مەنزىلگاھلىرى ھېسابلىنىدىغان ئامىرىكا- ياۋروپا دۆلەتلىرىگە سېلىشتۇرغاندا، «بىر بەلباغ بىر يول» بويىدىكى دۆلەت ۋە رايۇنلار ئۆزىگە خاس تارىخىي مەدەنىيىتى، ئۆزگىچە مىللىي ئۆرپ- ئادەتلىرى ۋە تېخى كەڭ كۆلەمدە ئېچىلمىغان ئەسلى ھەلەتتىكى ئېكولوگىيەسى بىلەن بارغانسېرى زور يوشورۇن تەرەققىيات كۈچىنى نامايەن قىلماقتا. 
ساياھەتنىڭ ئەنئەنىۋى مەنىسىدىن ئالغاندا ساياھەت قىلىشتىكى ئاساسى مەقسەت- گۈزەل مەنزىرىلەردىن ھوزورلىنىش، سۈرەتكە چۈشۈپ خاتىرە قالدۇرۇش، ھەر بىر جاينىڭ تائاملىرىغا ئېغىز تىگىش ئىدى، بىر نەچچە ئادەم ئوپچە ساياھەت قىلىشتا ئايرىم تۈرلەرنى كۆرۈپ ھوزۇرلىنىش، شەخسى قىزىقىشنى يىتىلدۈرۈش مۇھىم دەپ قارىلىدىغان بولدى. مەلوم ئېنتېرنت تور شىركىتىنىڭ سۈن فامىلىلىك خىزمەتچىسى خەتەرلىك تەنھەرىكەتلەرگە قىزىقىدىغان بولۇپ، ئىشتىن سىرت ئارام ئېلىش مەزگىللىرىدە چۇڭقۇر سۇ ئاستىغا چۆكۈش قاتارلىق پائالىيەتلەرگە قاتنىشىشقا ئامراق ئىكەن. ئۇ مۇنداق دېدى: «سۇ ئاستىغا چۈشسەم يېڭى بىر دۇنياغا بېرىپ قالغاندەك بولىمەن. سۇ ئاستىدا قوياش نۇرى جىلۋە قىلىپ، بېلىقلار يېنىمدىن ئۈزۈپ ئۆتۈشۈپ تۇرسا، مارجانلارغا دەسسەپ ماڭسام، ئۈزۈمنى بېلىققا ئايلىنىپ قالغاندەك ھىس قىلىمەن. دېڭىزدا ئەركىن شۇڭغۇپ- ئۈزۈپ يۈرگىنىمدە دېڭىز سۈيىنىڭ خەتىرىنى ئۇنتۇپ كىتىمەن، دېڭىز ئاستىدىكى ئاجايىپ- غارايىپ مەنزىرىلەردىن قانغۇچە ھوزورلىنىمەن.» مۇنداق ھەركەت شەكلىنى نىمە ئۈچۈن ياخشى كۆرۈدىغانلىقى توغرىسىدا ئۇ مۇنداق دېدى: «ھەر قېتىم دېڭىز ئاستىغا چۈشكىنىمدە، قىياپىتى غەلىتە جانلىقلارنى كۆرسەم تولىمۇ ھاياجانلىنىپ كىتىمەن، دېڭىز ئاستىدىكى دېڭىز ئوكيان جانلىقلىرى بىلەن ئۇچراشقان چاغلىرىم ئەڭ ھوزورلانغان ۋاقىتلىرىم بولۇپ قالىدۇ.» 
سۇ ئاستىغا چۈشۈشنىڭ ئۆزى بىر خىل خەتەرگە تەۋەككۈل قىلىشتەك ئارام ئېلىش ھەركىتى، بۇنىڭدا ئالاھىدە ئورۇن بولۇش، ئالاھىدە تەربىيىلىنىشتىن ئۆتۈش، مەخسۇس جابدۇق- سايمانلارنى تەل قىلىش زۆرۈر. ئورون، خىراجەت قاتارلىق ئامىللارنىڭ تەسىرىدە ھازىر مەملىكەت ئىچىدە سۇ ئاستىغا چۆكۈش نىسبىتەن ئاز ساندىكى ئادەملەرلا شۇغۇللىنىدىغان ساياھەت تۈرى بۇلماقتا. لىكىن خەتەرگە تەۋەككۈل قىلىش ھەركىتى ئۆزىنىڭ ئاجايىپ جەلىپقارلىقى ۋە رىقابەتلىشىش خاراكتىرى بىلەن ئۆتكەن ئەسىرنىڭ 90- يىللىرىدىن كېيىن ۋە 2000- يىللاردىن كىيىن تۇغۇلغان ياشلارنىڭ سەپكە قېتىلىشى نەتىجىسىدە، شۇنداقلا ئۇمۇمىي خەلقنىڭ ئىستىمال دەرىجىسى ئۆسۈشتەك ئىبارەت ئارقا كۆرۈنىشتە، كەلگۈسىدە تېخىمۇ كۆپ كىشىلەرنى قاتنىشىشقا جەلىپ قىلىشى مۇمكىن.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى