قىزىق نوقتا خەۋەرلىرى

قىممەتلىك نەرسە

2017-11-22 16:44:13     مەنبەسى: شىنجاڭ خەلق رادىيو ئىستانسىسى   

 بۇرۇننىڭ بۇرۇنىسىدا ئىلىمدە كامالەتكە يەتكەن، ئەقىللىق بىر ئادەم ئۆتكەنىكەن. ئۇنىڭ يالغۇز بىرلا ئوغلى بار ئىكەن. بۇ ئادەمنىڭ نەچچە ئېغىز ئۆيى بولۇپ، ناھايىتى ياسىداق، ئازادە ھەم يورۇق ئىكەن. ئۇنىڭ يەنە كىچىك بىر باغچىسىمۇ بار ئىكەن. ئوغلى باغچىدا ئويناپ زېرىككەن چېغىدا ئۇ ئۆيدىن- بۇ ئۆيگە كىرىپ ئوينايدىكەن. پەقەت بىرلا ئۆيگە كىرىپ- چىقالمايدىكەن. چۈنكى بۇ ئۆي دائىم يوغان بىر قولۇپ بىلەن ئېتىلگەنىكەن. بىر كۈنى ئوغۇل دادىسىغا:- دادا، ئاشۇ قۇلۇپلاقلىق ئۆينى ئېچىپ بەر، ئۇ ئۆي چوقۇم باشقا ئۆيلەردىنمۇ ئالىيراق بۇلىشى مۇمكىن، -دەپتۇ.- راست ئېيتىسەن، بالام، ئۇ ئۆيگە ھەقىقەتەن قىممەتلىك نەرسە قۇيۇلغان. لېكىن سەن تېخى كىچىك، چوڭ بولغاندا ئۇ چوقۇم سېنىڭ بولىدۇ. ئۇنىڭ بىلەن ئۆمۈرۋايەت راھەت تۇرمۇش كەچۈرىسەن، -دەپتۇ دادىسى.
ئوغۇل چوڭ بوپتۇ. دادىسى قۇلۇپلاقلىق ئۆينىڭ ئاچقۇچىنى بالىسىغا بېرىپتۇ. ئوغۇل ئۇ ئۆينىڭ ئىشىكىنى ئېچىپ قارىغۇدەك بولسا، ئۆيدە پەقەت بىر كەتمەن، بىر تاغار ۋە بىر قانچە كىتابتىن باشقا ھېچقانداق نەرسە يوقكەن. ئوغۇل دادىسىنىڭ قېشىغا چىقىپتۇ- دە، كۆز ياشلىرىنى ئېقىتىپ تۇرۇپ:  -دادا، سەن قۇلۇپلاقلىق ئۆينىڭ ئىچىدە ئەڭ قىممەتلىك نەرسە بارلىقىنى ئېيتقانىدىڭ. بىراق، ئۇ ئۆيدىن بىر تاغار، بىر كەتمەن، بىر قانچە كونا كىتابتىن باشقا ھېچقانداق نەرسە كۆرمىدىم، سەن مېنى ئالداپسەن، -دەپتۇ. -ئۇنداق دېمە، جىنىم ئوغلۇم، سېنى ئالدىغىنىم يوق، ئەمەلىيەتتە مېنىڭ ئەڭ قىممەتلىك نەرسە دېگىنىم شۇ نەرسىلەر ئىدى. چۈنكى تاغار بىلەن كەتمەن ھالال ئەمگەك، كىتاب بولسا بىلىم- ھېكىمەت دېمەكتۇر. دۇنيادا ئەمگەك بىلەن ئىلىم- پەندىن ئارتۇق تۇرىدىغان يەنە باشقا قىممەتلىك نەرسە يوق، -دەپتۇ. ئوغۇل دادىسىنىڭ مۇددىئاسىنى چۈشىنىپتۇ ۋە خېجىل بولغانلىقىدىن يەرگە قاراپتۇ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى