قىزىق نوقتا خەۋەرلىرى

تۇمانلىق كۈندە ماشىنا ھەيدەش ئەسكەرتمىسى

2017-11-29 19:12:30     مەنبەسى: شىنجاڭ خەلق رادىيو ئىستانسىسى   

 تۇمانلىق كۈنلەردە يولنى كۆرۈش ئارىلىقى قىسقىراپ كېتىپ، ناھايىتى ئاسانلا قاتناش ۋەقەلىرى بولۇپمۇ ئارقىمۇ-ئارقا سوقۇلۇش ۋەقەلىرى يۈز بېرىدۇ. شۇڭا تۇمانلىق كۈندە ئامال بار ماشىنا ھەيدەپ سىرتقا چىقماسلىق ياكى قېتىمىنى ئازايتىش لازىم. تۆۋەندە شوپۇر دوستلارغا تۇمانلىق كۈندە ماشىنا ھەيدەشتە دىققەت قىلىشقا تېگىشلىك يەتتە تۈرلۈك ئىشنى ئەسكەرتىمىز.
1. تۇمانلىق كۈندە ماشىنا ھەيدىگەندە چوقۇم ئالدى-ئارقا تۇمان چىرىغىنى ياندۇرۇش لازىم، تۇمانلىق كۈندە تۇمان چىرىغى باشقا چوڭ چىراغقا قارىغاندا تېخىمۇ ئاسان كۆزگە چېلىقىدۇ.
2. تۇمانلىق كۈندە ماشىنا ھەيدىگەندە چوقۇم تۇمان چىرىغىنى ياندۇرۇپ سۈرئەتنى ئاستىلىتىپ مېڭىش لازىم، ئەڭ ياخشىسى ئالدىدىكى ماشىنىغا ئەگىشىپ مېڭىش كېرەك، ئەمما يەنە بەلگىلىك ئارىلىق ساقلاش لازىم، سۈرئىتى بەك تېز ماشىنىنىڭ ئارقىسىدىن ئەگەشمەسلىك لازىم، بولمىسا ئالدىدىكى ماشىنىدا ھادىسە كۆرۈلگەن ھامان ئارقىدىكى ماشىنىنى ۋاقتىدا تورمۇز قىلغىلى بولماي قالىدۇ.
3. تۇمانلىق كۈندە ماشىنا ھەيدىگەندە ئامال بار تۆۋەن سۈرئەتتە ھەيدەش، ئالدىدىكى ماشىنا بىلەن يېتەرلىك بىخەتەر ئارىلىق ساقلاش، بەك يېقىن ئەگىشىۋالماسلىق، خالىغانچە ماشىنا ياندىماسلىق لازىم. كۆرۈش دائىرىسى 200 مېتىردىن قىسقا بولغان ۋاقىتتا تۇمان چىرىغى، يېقىننى يورۇتۇش چىرىغى، ئەتراپ چىرىغى ۋە ئالدى-ئارقا ئورۇن چىرىغىنى ياندۇرۇش لازىم، ماشىنىنىڭ سۈرئىتىنى 60 كىلومېتىر/سائەتتىن ئاشۇرۇۋېتىشكە بولمايدۇ، ئوخشاش ماشىنا يولىدىكى ئالدىدىكى ماشىنا بىلەن 100 مېتىردىن چوڭراق ئارىلىق ساقلاش لازىم؛ كۆرۈش دائىرىسى 100 مېتىردىن قىسقا بولغان ۋاقىتتا تۇمان چىرىغى، يېقىننى يورۇتۇش چىرىغى، ئەتراپ چىرىغى، ئالدى- ئارقا ئورۇن چىرىغى ۋە خەتەردىن ئەسكەرتمە بېرىشتىكى چاقناش چىرىغىنى ياندۇرۇش لازىم، سۈرئەتنى 40 كىلومېتىر/سائەتتىن ئاشۇرۇۋېتىشكە بولمايدۇ، ئوخشاش ماشىنا يولىدىكى ئالدىدىكى ماشىنا بىلەن 50 مېتىردىن چوڭراق ئارىلىق ساقلاش لازىم؛ كۆرۈش دائىرىسى 50 مېتىدىن قىسقا بولغان ۋاقىتتا تۇمان چىرىغى، يېقىننى يورۇتۇش چىرىغى، ئەتراپ چىرىغى، ئالدى-ئارقا ئورۇن چىرىغى ۋە خەتەردىن ئەسكەرتمە بېرىشتىكى چاقناش چىرىغىنى ياندۇرۇش لازىم، سۈرئەتنى 20 كىلومېتىر / سائەتتىن ئاشۇرۇۋېتىشكە بولمايدۇ.
4. تۇمانلىق كۈندە كېچىدە يول يۈرگەندە ھادىسە كۆرۈلۈش ئېھتىماللىقى كۈندۈزدىكىدىن يۇقىرى بولىدۇ، كېچىدە چوڭ چىراغنى ياندۇرغاندا ھېچنىمىنى كۆرگىلى بولمايدۇ، شۇڭا تۇمان چىرىغىنى ياندۇرۇپ ئەڭ ئاستا سۈرئەتتە مېڭىش كېرەك.
5. تۇمانلىق ھاۋادا ماشىنا ھەيدىگەن ۋاقىتتا ئاپتوموبىل دېرىزىسىنى بەك ھىم ئېتىۋەتمەسلىك، سىرتتىكى ئاۋازلارغا دىققەت قىلىش، قاتناش رادىيو ئۇچۇرىنى ئاڭلاش، ئەمما ئاۋازنى بەك ئۈنلۈك قىلىۋالماسلىق لازىم، تۇمانلىق ھاۋادا ئاۋازنىڭ تارقىلىتىشى تەسىرگە ئۇچرىمايدۇ، شۇڭا كاناينى بېسىپ سىگنال بېرىشكە بولىدۇ.
6. تۇمانلىق كۈندە يول يۈرگەندە ھەمىشە يول ئېغىزىنى تاپقىلى بولمايدۇ، شۇڭا يول باشلاش خەرىتىسىنى ئېچىپ، يول باشلاش ئەسكەرتمىسى ۋە ئۆزىنىڭ كۆزىتىشىگە تايىنىپ يول ئېغىزىنىڭ ئورنىغا ھۆكۈم قىلسا بولىدۇ.
7. تۇمانلىق كۈندە گىرەلەشمە يول ئېغىزىدىن ئۆتكەن ۋاقىتتا چوقۇم ئاستا مېڭىش لازىم، بەزىدە قىزىل چىراغنى كۆرگىلى بولمايدۇ، بۇ ۋاقىتتا ئەتراپقا دىققەت قىلىپ، ئالدى ۋە يەر يۈزىدىكى بەلگىلەرگە سەپ سېلىپ، قارشى يۆنىلىشتىكى ئاپتوموبىل يولىغا چىقىپ قېلىشنىڭ ئالدىنى ئېلىش لازىم.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى