قىزىق نوقتا خەۋەرلىرى

بايىنغۇلىن موڭغۇل ئاپتونوم ئوبلاستلىق خەلق ھۆكۈمىتى، شىنجاڭ جۇڭتەي گۇرۇھى چەكلىك شىركىتى، بېيجىڭ جۇڭكې چېڭيى پەن- تېخنىكا تەرەققىيات چەكلىك شىركىتى كېلىشىم ئىمزالاش مۇراسىمى ئۆتكۈزدى

2017-11-30 18:54:23     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
11-ئاينىڭ 29-كۈنى، بايىنغۇلىن موڭغۇل ئاپتونوم ئوبلاستلىق خەلق ھۆكۈمىتى، شىنجاڭ جۇڭتەي گۇرۇھى چەكلىك شىركىتى، بېيجىڭ جۇڭكې چېڭيى پەن- تېخنىكا تەرەققىيات چەكلىك شىركىتى كورلا شەھىرىدە، دۇنيا بويىچە تۇنجى نېفىت ۋە كۆمۈرنى بىرلىكتە چەككىلەش تۈرى بويىچە كېلىشىم ئىمزالاش مۇراسىمى ئۆتكۈزدى. تۈر قۇرۇلۇشى-- يىلىغا 2 مىليون توننا قويۇق نېفىت ۋە 2 مىليون توننا كۆمۈر ئۇۋۇندىسىنى بىر تەرەپ قىلىپ، پولىئېستىرلىق خىمىيەلىك تالا ئىشلەپچىقىرىشنى ئۆز ئىچىگە ئالىدىغان بولۇپ، تۈر قۇرۇلۇشى پۈتكەندىن كېيىن شىنجاڭنىڭ توقۇمىچىلىق ۋە كىيىم- كېچەك كەسپ زەنجىرىنى ئۈنۈملۈك ئۇزارتىپ، 60 مىڭ ئادەمنى ئىشقا ئورۇنلاشتۇرغىلى بولىدۇ.
نېفىت ۋە كۆمۈرنى بىرلىكتە چەككىلەش تېخنىكىسى-- نېفىت چەككىلەش خىمىيە سانائىتى ۋە كۆمۈر خىمىيە سانائىتىدىكى مۇھىم يېڭىلىق بولۇپ، بېيجىڭ جۇڭكې چېڭيى پەن- تېخنىكا تەرەققىيات چەكلىك شىركىتى بۇ قېتىم شىنجاڭ جۇڭتەي گۇرۇھى چەكلىك شىركىتىگە تېخنىكا ئۆتۈنۈپ بەردى. بېيجىڭ جۇڭكې چېڭيى پەن- تېخنىكا تەرەققىيات چەكلىك شىركىتىنىڭ باش مۇدىرى لى سۇئەن مۇنداق دېدى:- بۇ تېخنىكا-- نېفىت چەككىلەشتە، نېفىتنى بىردىنبىر خام ماتىرىيال قىلىش تارىخىغا خاتىمە بېرىپ، شىنجاڭنىڭ كۆمۈر بايلىقىنى ئېچىش ۋە پايدىلىنىش سەۋىيەسىنى زور دەرىجىدە يۇقىرى كۆتۈرىدۇ. ئۇنىڭ ئىقتىساد جەھەتتىكى قىممىتى ئاساسلىقى خام نېفىتنىڭ ئورنىغا كۆمۈرنى دەسسىتىشتە ئىپادىلىنىدۇ. بىر توننا خام نېفىتنىڭ باھاسى 3 مىڭ يۈەن بولسا، بىر توننا كۆمۈرنىڭ باھاسى 300 يۈەن بولىدۇ. نېفىت ۋە كۆمۈرنى بىرلىكتە چەككىلەش ئارقىلىق، مەھسۇلات قۇرۇلمىسىنى ئۆزگەرتكىلى بولىدۇ. بۇ ھەم دۇنيا بويىچە تۇنجى بولۇپ يارىتىلغان تېخنىكا ھىساپلىنىدۇ. بۇ تېخنىكا ئارقىلىق، دۆلەتنىڭ ئېنىرگىيە مەنبەسى بىخەتەرلىكى مەسىلىسى ۋە نېفىت چەككىلەش كەسپىنىڭ دەرىجىسىنى يۇقىرى كۆتۈرۈش مەسىلىسىنى ھەل قىلىپ، پەن- تېخنىكىدا يېڭىلىق يارىتىش ئارقىلىق، قىممەتنى ئاشۇرغىلى؛ شىنجاڭنىڭ بايلىق مەنبەسىدىن يۇقىرى ئۈنۈمدە پايدىلىنىش ۋە ئېلىمىزنىڭ نېفىت چەككىلەش سانائىتىنىڭ كەسپ دەرىجىسىنى يۇقىرى كۆتۈرۈش ئۈچۈن تۆھپە قوشقىلى بولىدۇ.
نۆۋەتتە، خىمىيەلىك تالا ماتىرىياللىرىنىڭ كەمچىل بولۇشى-- شىنجاڭنىڭ توقۇمىچىلىق ۋە كىيىم- كېچەك كەسپىنىڭ تەرەققىياتىنى چەكلەپ تۇرماقتا. بۇ تۈر-- بايىنغۇلىن موڭغۇل ئاپتونوم ئوبلاستىنىڭ مول بولغان نېفىت- تەبىئىي گاز ۋە كۆمۈر بايلىقىغا تايىنىپ، نېفىت ۋە نېفىت خىمىيە سانائىتى شۇنىڭدەك توقۇمىچىلىق ۋە كىيىم- كېچەك كەسپىنىڭ ماس تەرەققىياتىنى ئىلگىرى سۈرۈپ، ئاپتونوم رايونىمىزنىڭ توقۇمىچىلىق ۋە كىيىم- كېچەك كەسپى ئارقىلىق بىر مىليون ئادەمنى ئىشقا ئورۇنلاشتۇرۇشىنى مۇھىم ماتىرىيال ئاساسىغا ئىگە قىلىدۇ.
شىنجاڭ جۇڭتەي خىمىيە سانائىتى چەكلىك پاي شىركىتىنىڭ دائىمىي مۇئاۋىن باش دېرىكتورى شياۋ جۈن مۇنداق دېدى:- خىمىيەلىك تالا كەسپى شەكىللەنسە، پاختا، يېپىشقاق پىلاستىر ۋە خىمىيەلىك تالانى ئارىلاشتۇرۇپ توقۇش ئەمەلگە ئېشىپ، شىنجاڭنىڭ توقۇمىچىلىق ۋە كىيىم- كېچەك كەسپىنى خام ماتىرىيال جەھەتتە زور بوشلۇققا ئىگە قىلغىلى بولىدۇ. تۈر قۇرۇلۇشى پۈتكەندىن كېيىن پۈتكۈل كەسپ زەنجىرى بويىچە 60 مىڭ ئادەمنى ئىشقا ئورۇنلاشتۇرغىلى بولىدۇ. توقۇمىچىلىق بويۇملىرى ئارقىلىق، شىنجاڭنىڭ ئىھتىياجىنى قاندۇرۇپلا قالماي، ئىچكىرىي جايلاردىكى ئاھالىلارنىڭ ئىھتىياجىنى قاندۇرغىلى بولىدۇ. شۇنىڭ بىلەن بىر ۋاقىتتا، دۆلەتنىڭ «بىر بەلباغ، بىر يول» تەشەببۇسىدىن پايدىلىنىپ، مەھسۇلاتلىرىمىزنى ئوتتۇرا ئاسىيا رايونىغا يۈزلەندۈرگىلى بولىدۇ.

تەرجىمان: مىھرىئاي ئوسمان

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى