قىزىق نوقتا خەۋەرلىرى

«ئاپتوموبىل ھەيدەۋاتقاندا يان تېلېفونغا كۆزقىرىمىزنىمۇ سالمايلى»

2017-12-07 18:27:18     مەنبەسى: شىنجاڭ خەلق رادىيو ئىستانسىسى   

-مەن ئاپتوموبىل ھەيدەپ كېتىۋاتقاندا يان تېلېفون ئوينىمىدىم، دوقمۇشتىكى قىزىل چىراغدا ساقلاپ تۇرغاندا كەلگەن ئۇچۇرغا قاراپ قويۇپلا يان تېلېفوننى قويۇپ قويدۇم شۇ-، دەپ چۈشەنچە بەردى بىر شوپۇر قاتناش ساقچىسى تەرىپىدىن توختىتىلغان چاغدا. شوپۇر ئېيتقاندەك، دوقمۇشتىكى قىزىل چىراغدا ساقلاپ تۇرغاندا يان تېلېفون ئىشلىتىش قىلمىشىدىن ئاپتوموبىل ھەيدەۋاتقاندا يان تېلېفون ئويناش قىلمىشى شەكىللىنەمدۇ؟ يولدا ۋەزىپە ئۆتەۋاتقان ساقچى مۇخبىرغا مۇنداق دېدى: ئاپتوموبىل ھەيدەۋاتقاندا بولسۇن ياكى قىزىل چىراغدا ساقلاۋاتقاندا بولسۇن، يان تېلېفوننى قولغا ئېلىش قىلمىشى ئاپتوموبىل ھەيدەۋاتقاندا يان تېلېفون ئويناش قىلمىشى دائىرىسىگە كىرىدۇ. ئاپتوموبىل ھەيدەۋاتقاندا يان تېلېفوندا سۆزلىشىش قانۇنغا خىلاپ. بۇ ئاساسلىقى: ئاپتوموبىل ھەيدەۋاتقاندا تېلېفون بېرىش- قوبۇللاش، قىسقا ئۇچۇر يوللاش، قوبۇللاش قاتارلىق قىلمىشلارنى كۆرسىتىدۇ. بۇ شوپۇرنىڭ بۇ قىلمىشىغا ئىككى نومۇر تارتىش، 50 يۈەندىن 200 يۈەنگىچە جەرىمانە قويۇش جازاسى بېرىلىدۇ.

 تەتقىقات ماتېرىياللىرىدىن مەلۇم بولۇشىچە، ئاپتوموبىل ھەيدەۋاتقاندا تېلېفون ئويناشتىن كېلىپ چىققان ۋەقەنىڭ خەۋپ- خەتىرى ئادەتتىكى ئەھۋالدىكىدىن تۆت ھەسسە يۇقىرى بولىدىكەن، ھاراق ئىچىپ ئاپتوموبىل ھەيدىگەندىن قېلىشمايدىكەن، ھەتتاكى تېلېفوندا سۆزلىشىپ بولغاندىن كېيىنكى ئون مىنۇتقىچە خەۋپ- خەتىرى يەنىلا يۇقىرى بولىدىكەن. يان تېلېفون ئىشلەتكەن شوپۇرلارنىڭ جىددىي ئەھۋالغا ئىنكاس قايتۇرۇش ئىقتىدارى ھاراق ئىچىپ ئاپتوموبىل ھەيدىگەن شوپۇرلارنىڭكىدىن ئاستا بولىدىكەن، دىققەت سەزگۈرلۈكى %37 تۆۋەنلەيدىكەن، تورمۇزلاش ئىنكاسى %19 ئاستىلايدىكەن، ئاپتوموبىل يۆنىلىشىنى ئۆزگەرتىش ئىقتىدارى %20 تۆۋەنلەيدىكەن.

 بۇ يىل 3- ئايدا مەلۇم بىر يۇقىرى سۈرئەتلىك يولدا شوپۇرنىڭ يان تېلېفون ئوينىشىدىن قاتناش ۋەقەسى كېلىپ چىققان. ئەسلىدە ۋەقە سادىر قىلغۇچى دالا ئاپتوموبىلى ئادەتتىكى يولدا، «باۋما» ماركىلىق ئاپتوموبىل يانداپ ئۆتۈش يولىدا كېتىۋاتقان ئىكەن. دالا ئاپتوموبىلى نېمىشقىدۇر ھەش- پەش دېگۈچە يانداپ ئۆتۈش يولىغا كىرىپ قالغان، كونتروللۇقىنى يوقاتقاندەك ھالەتتە رېشاتكىغا ئىككى قېتىم سوقۇلغاندىن كېيىن يېنىدىكى «باۋما» ئاپتوموبىلىغا سوقۇلغان. بۇنىڭ بىلەن ئىككى ئاپتوموبىل يان تەرەپتىكى دۆڭگە چىققاندا دۈم كۆمتۈرۈلۈپ، ئاپتوموبىلنىڭ چاقلىرى ئاسمانغا قاراپ قالغان. ۋەقەدىن كېيىن دالا ئاپتوموبىلىنىڭ شوپۇرى مۇنداق دېگەن: «ۋەقە سادىر بولغان يول بۆلىكىگە كەلگەندە، يان تېلېفونوم سايرىدى. ئادىتىم بويىچە كىم تېلېفون بەرگەندۇ، دەپ قايرىلىپ قاراپ قويدۇم»، مۇشۇ ئىككى- ئۈچ سېكۇنت ئىچىدە ئاپتوموبىلنىڭ يۆنىلىشىدىن چەتنەپ كېتىدىغانلىقىنى كىم بىلىدۇ دەيسىز.

 يۇقىرى سۈرئەتلىك يول قاتناش ساقچىلىرى تونۇشتۇرۇپ مۇنداق دېدى: «نۇرغۇن كىشى ئاپتوموبىل ھەيدەۋاتقاندىلا ئەمەس، يۇقىرى سۈرئەتلىك يولدا كېتىۋاتقاندىمۇ ئۆزىنى بېسىۋالالماي تېلېفون بېرىدۇ، قىسقا ئۇچۇر يوللايدۇ، ئۇچۇرلارنى كۆرىدۇ. بىزنىڭ قارىشىمىزچە، ئاپتوموبىل ھەيدەۋاتقاندا يان تېلېفون ئىشلىتىشنىڭ خەتىرى ھاراق ئىچىپ ئاپتوموبىل ھەيدەش، زەھەر چېكىپ ئاپتوموبىل ھەيدەش قاتارلىقلارنىڭ خەتىرىدىن تۆۋەن ئەمەس. ئاپتوموبىل ھەيدەۋاتقاندا يان تېلېفون ئىشلىتىش قارىماققا كۆزگە چېلىقمايدىغان كىچىك ئىشتەك بىلىنىدۇ، قاتناش قانۇنىغا خىلاپ بۇ قىلمىش شوپۇرنىڭ ئۆزىنى، شۇنىڭدەك ئائىلىسىدىكىلەرنى ئاپەت خاراكتېرلىك ھەتتاكى ۋەيران بولۇش خاراكتېرلىك ئاقىۋەتكە دۇچار قىلىشى مۇمكىن. كىشىلەرنىڭ ئۆز - ئۆزىگە جاۋابكار بولۇپلا قالماي، باشقىلار ئالدىدىمۇ جاۋابكار بولۇپ، تەرتىپلىك، بىخەتەر، راۋان بولغان قاتناش مۇھىتىنى يارىتىش ئۈچۈن بىرلىكتە تىرىشىشىنى ئۈمىد قىلىمەن».

 بىرقىسىم كىشىلەرنىڭ ئاپتوموبىل ھەيدىگەندە تېلېفوندا سۆزلىشىشنىڭ زىيىنىغا بولغان تونۇشى يېتەرلىك ئەمەس. تەكشۈرۈشتە كۆرسىتىلىشىچە، دۆلىتىمىزدە %50 ئاپتوموبىل ئىگىسى ئاپتوموبىل ھەيدىگەندە ئۈندىدار ئوينايدىكەن، %31 ئادەم سۈرەتكە تارتىدىكەن، %36 ئادەم مىكروبىلوگقا چىقىدىكەن. يېقىنقى يىللاردا ئاپتوموبىل ھەيدىگەندە يان تېلېفون ئويناشتىن كېلىپ چىققان قاتناش ئۆلۈم ۋەقەلىرى يىلسېرى كۆپەيگەن. ئۇنداقتا قاتتىق باشقۇرۇشنى دائىملاشتۇرغاندا، يەنە ئاشۇنداق قانۇنغا سەل قارايدىغان، خالىغانچە قانۇنغا خىلاپلىق قىلىدىغان ئەھۋاللار كۆرۈلەمدۇ؟ بۇ قاتناش باشقۇرۇش تارماقلىرىنىڭ قاتناش باشقۇرۇش جەھەتتىكى ئۇزاق مۇددەتلىك تىرىشچانلىقىغا، جەمئىيەتتىكىلەرنىڭ ئاكتىپ قاتنىشىشىغا موھتاج. شۇڭا ئۆزىمىزنىڭ ۋە باشقىلارنىڭ ھاياتىي بىخەتەرلىكى ئۈچۈن قاتناش قائىدىسىگە ئاڭلىق رىئايە قىلايلى، مەدەنىي يول يۈرەيلى، ئاپتوموبىل ھەيدەۋاتقاندا يان تېلېفونغا كۆزقىرىمىزنىمۇ سالمايلى!

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى