قىزىق نوقتا خەۋەرلىرى

«كاستيۇم -بۇرۇلكا كىيىشتە بىلمىسىڭىز بولمايدىغان تۆۋەندىكى قائىدىلەر»

2017-12-07 18:45:18     مەنبەسى: شىنجاڭ خەلق رادىيو ئىستانسىسى   

كاستيۇم- بۇرۇلكا، سالاھىيەت، مىللەت، رايون چەكلىمىسى بولمىغان خەلقئارالىق ئۆلچەملەشكەن كىيىم -كېچەكتۇر. كاستيۇم ئەڭ ئاۋۋال غەرب دۇنياسىدا بارلىققا كەلگەن، كىيىنچە دۆلىتىمىزگە سىڭىپ كىرىشكە باشلىغان. ھازىر مەيلى سىياسىيون مەيلى سودىگەر مەيلى سەنئەتكارلار بولسۇن، رەسمىي سورۇندا كاستيۇم- بۇرۇلكا كىيىش ئادەتكە ئايلاندى. كاستيۇم- بۇرۇلكا پەيدا بولغاندىن تارتىپ ھازىرغىچە ھەر خىل لايىھىلەنگەن بولسىمۇ، ئەمما كۆڭلەك، گالىستۇك، كاستيۇم- بۇرۇلكىنىڭ كەم بولسا بولمايدىغان ماسلاشتۇرغۇچى كىيىملىرى ھېسابلىنىدۇ. كاستيۇم كىيىشتىمۇ بەزى قائىدە پرىنسىپلار بار، بۇ ئىشلارغا ئەھمىيەت بەرسىڭىز كىيگەن كاستىيۇم- بۇرۇلكىڭىز سىزگە سالاپەت بېغىشلايدۇ ۋە ئىشەنچىڭىزنى ئاشۇرىدۇ.

@ كاستيۇم كىيىشتە گالستۇك كەم بولسا بولمايدۇ. گالىستۇك كىشىگە باشقىچە سالاپەت بېغىشلايدۇ. ئەمما گالىستۇكنى قانداق تاقاشمۇ بىر سەنئەت، ئەڭ ئاۋۋال گالىستۇك تاللىغاندا، چوقۇم كاستيۇمنىڭ ئىچىدىكى كۆڭلەكنىڭ ياقىسى بىلەن ماسلىشىشى لازىم. يەنى گالىستۇكنىڭ چوڭ -كىچىكلىكى بىلەن كۆڭلەك ياقىسىنىڭ چوڭ كىچىكلىكى چوقۇم بىردەك بولۇشى كېرەك. بۇنداق ماسلاشتۇرغاندا كاستيۇم «تەڭپۇڭ» بولىدۇ. بۇنى بىز كاستيۇمنىڭ «تەڭپۇڭلۇق سەنئىتى» دەپ ئاتايمىز.

@ ھازىرقى مودا كاستيۇم -بۇرۇلكىلارنى تاللىغاندا، چوقۇم دىققەت قىلىدىغان بىر نۇقتا ئۇنىڭ مۈرىسى. مۈرىسى ماس كەلسە، كاستيۇممۇ سىزگە ماس كەلگەن بولىدۇ. مۈرىسى تار ياكى كەڭ كېلىپ قالسا كاستيۇممۇ سىزگە چوڭ ياكى كىچىك كەلگەن بولىدۇ. شۇڭا كاستيۇمنىڭ مۈرىسىنىڭ ئۇزۇنلۇقى چوقۇم سىزنىڭ مۈرىڭىز بىلەن تەڭ بولۇشى كېرەك.

@ كاستيۇم ئىچىگە كىيگەن كۆڭلەكنىڭ يېڭى چوقۇم كاستيۇم يېڭىنىڭ تېشىدىن يېرىم سانتا ئۇزۇنلۇقتا چىقىپ تۇرۇشى كېرەك.

@ كاستيۇمنىڭ قايرىما ياقىسى بىلەن كۆڭلەكنىڭ ياقىسى ئوتتۇرىسىدىكى ئارىلىق چوقۇم «چىپپىدە» كەلگەن بولۇشى كېرەك. كەڭ ياكى تار بولۇپ قالسا، كاستيۇم سىزگە ماس كەلمىگەن بولىدۇ.

@ ئەگەردە سىز رەسمىي سورۇنلارغا ياكى رەسمىي سودا پائالىيەتلىرىگە قاتناشماقچى بولسىڭىز، ئۇنداقتا ئەڭ ياخشىسى ياقىسى تۈز ۋە كىچىكرەك بولغان، ئىككى تۈگمىلىك كاستيۇملارنى تاللىشىڭىز لازىم. ئىككى تۈگمىلىك كاستيۇملار ئادەتتە ئەرلەرگە باشقىچە سالاپەت بېغىشلايدۇ.

@ سىز كاستيۇم كىيىپ سورۇنلارغا بېرىپ ئولتۇرماقچى بولغان ۋاقىتتا، چوقۇم كاستيۇمنىڭ تۈگمىسىنى يېشىۋىتىشىڭىز كېرەك. ئۇنداق بولمىغاندا ئوبرازىڭىزغا تەسىر يېتىدۇ.

@ ئەگەر سىز دەپنە مۇراسىمغا قاتناشمىغان بولسىڭىز، ئادەتتە سۇس قارا ياكى كۈلرەڭ كاستيۇملارنى تاللاپ كىيىڭ. بۇنداق كاستيۇم- بۇرۇلكىلار قاپقارا كاستيۇم بۇرۇلكىلارغا سېلىشتۇرغاندا ھەر قانداق سورۇنلارغا ماس كېلىدۇ ھەمدە باشقا كىيىملەرنى ياخشى ماسلاشتۇرغىلى بولىدۇ.

@ ئادەتتە كاستيۇم تاللىغاندا، كاستيۇمنىڭ بىرىنچى تۈگمىسى بىلەن ئىككىنچى ياكى ئۈچىنچى تۈگمىسىنىڭ ئارىلىقى چوقۇم قورساق تەرىپىڭىزنىڭ ئۈستىدىرەك بولۇشى كېرەك.

@ گالىستۇك تاقىغاندا، گالىستۇك تۈگۈنچېكىنىڭ شەكلى چوقۇم كۆڭلەكنىڭ ياقىسىنىڭ چوڭ -كىچىكلىكىگە قاراپ «يېرىم تۈگۈنچەك»، «پۈتۈن تۈگۈنچەك» قىلىپ چىگىلسە بولىدۇ.

@ ناۋادا سىز كاستيۇمنىڭ ئىچىگە جىلىتكە كىيمەكچى بولسىڭىز، چوقۇم جىلىتكىنىڭ ئەڭ ئاستىنقى تۈگمىسىنى يېشىپ قويۇشىڭىز كېرەك.

@ كاستيۇم- بۇرۇلكا كىيگەندە، ئاياغنىڭ ئىچىگە كىيىدىغان پايپاق چوقۇم ئۇزۇن بولۇشى كېرەك. ئولتۇرغاندا پاچىقىڭىز ياكى ئوشۇقىڭىز كۆرۈنۈپ قالسا بولمايدۇ.

@ گالستۇكىڭىزنىڭ رەڭگى چوقۇم كۆڭلىكىڭىزنىڭ رەڭگىدىن تۇتۇقراق ياكى قېنىقراق بولۇشى كېرەك.

@ ئادەتتە گالىستۇك تاقىغاندا بەك ئۇزۇن ياكى بەك قىسقا بولۇپ قالماسلىقى، ئۇزۇنلۇقى كەمەرنىڭ ئۈستىگە كەلگۈچە بولۇشى ياكى ئۇنىڭدىن ئازراق قىسقا بولۇشى كېرەك.

@ ئادەتتە ياشلار كاستيۇم تاللىغاندا، كاستيۇمنىڭ قايرىلما ياقىسى بىرئاز تارراق بولغىنىنى تاللىشى كېرەك. كەڭ قايرىلما ياقىلىق كاستيۇم ياشانغانلارغا بەكرەك ماس كېلىدۇ.

@ كاستيۇمنىڭ ئۇزۇنلۇقى ئادەتتە، ئىشتاننىڭ سىرتمىسىغىچە بولسا ئەڭ مۇۋاپىق.

@ ئادەتتە كاستيۇم چاپىنىنىڭ ئارقىسىدىكى چېكى، ئىككى يەردە بولسا تېخىمۇ مودا كۆرۈنىدۇ.

@ ھازىرقى مودىغا ماسلاشتۇرغاندا، كاستيۇم- بۇرۇلكا ئىشتىنىنىڭ ئۇزۇنلۇقى چوقۇم ئايىقىڭىز بىلەن تەڭلىشىشى كېرەك، ئىككى تۈگمىلىك كاستيۇم كىيگەن ۋاقتىڭىزدا، چوقۇم ئاستىنقى تۈگمىسى ئوچۇق ھالەتتە تۇرۇشى كېرەك.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى