قىزىق نوقتا خەۋەرلىرى

ئاپتونوم رايونىمىزدىكى جايلار ياشانغانلار ئىشلىرىغا ھەر تەرەپلىمە كاپالەتلىك قىلىش مىخانىزمى ئۈستىدە پائال ئىزدىنىپ، ياشانغانلار ئۈچۈن مۇلازىمەت قىلىشتىكى «ئاخىرقى بىر كىلومېتىر»نى راۋانلاشتۇرۇشقا تىرىشماقتا

2018-01-12 17:48:57     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
پارتىيە 19- قۇرۇلتىيى دوكلاتىدا، «ياشانغانلارنىڭ كۆپىيىشىگە پائال ھازىرلىق كۆرۈپ، ياشانغانلارنى كۈتىدىغان، ياشانغانلارغا ۋاپادارلىق قىلىدىغان، ياشانغانلارنى ھۆرمەتلەيدىغان سىياسەت سىستېمىسى ۋە ئىجتىمائىي مۇھىت يارىتىپ، داۋالاش بىلەن كۈتۈشنىڭ بىرلىشىشىنى ئالغا سىلجىتىپ، ياشانغانلار ئىشلىرى ۋە كەسپىنىڭ تەرەققىياتىنى تېزلىتىش كېرەك» دەپ ئوتتۇرىغا قويۇلدى. نۆۋەتتە، ئاپتونوم رايونىمىزدىكى ھەر قايسى جايلار ياشانغانلار ئىشلىرىغا ھەر تەرەپلىمە كاپالەتلىك قىلىش مىخانىزمى ئۈستىدە پائال ئىزدىنىپ، ياشانغانلار ئۈچۈن مۇلازىمەت قىلىشتىكى «ئاخىرقى بىر كىلومېتىر»نى راۋانلاشتۇرۇپ، ياشانغانلارنىڭ بەخت كۆرسەتكۈچىنى ئۈزۈكسىز يۇقىرى كۆتۈرۈشكە تىرىشماقتا.
ئىللىق قۇياش نۇرى خوتەن ناھىيەسى باغچى بازىرىدىكى ياشانغانلار ساناتورىيەسىگە ئىللىقلىق ئاتا قىلدى. قارانچۇقسىز قالغان 10 نەچچە بوۋاي- موماي ئاپتاپ سۇنغاچ پاراڭلىشىپ ئولتۇراتتى. 82 ياشلىق بۇئايشىخان زاكىر مۇنداق دېدى: 3 ۋاق تامىقىمىز ناھايىتى ياخشى بولۇپ، خىزمەتچى خادىملار يەنە بىزنى يۇيۇندۇرۇپ قويىدۇ، تىرنىقىمىزنى ئېلىپ قويىدۇ، كىيىملىرىمىزنى يۇيۇپ بېرىدۇ. ئاغرىپ قالساق، دوختۇرخانىغا ئاپىرىپ داۋالىتىدۇ. ھېيت- بايراملاردا سەنئەت نۇمۇرلىرىنى قويۇپ بېرىدۇ. بىز بۇ يەردە بەك خۇشال ئۆتىمىز.
خوتەن ناھىيەسى باغچى بازىرىدىكى ياشانغانلار ساناتورىيەسىنىڭ باشلىقى ئابلا ئىمىن تۇنۇشتۇرۇپ مۇنداق دېدى: ھازىر، تېخىمۇ كۆپ ياشانغانلارنىڭ ئىھتىياجىنى قاندۇرۇش ئۈچۈن، ياشانغانلار ساناتورىيەمىزدە يېڭى بىنا سېلىندى. بىز ھەر يىلى يېزا- بازارلىق شىپاخانىدىكى دوختۇرلارنى ساناتورىيەگە كېلىپ، ياشانغانلارنىڭ سالامەتلىكىنى تەكشۈرۈشكە تەشكىللەيمىز. ھېيت- بايراملاردا سەنئەت نۇمۇرلىرىنى قويۇپ بېرىمىز. ھازىر، ساناتورىيەمىزگە ئەڭ كۆپ بولغاندا 210 ئادەم سىغىدىغان بولدى.
باي ناھىيەسىدە، مەركىزىي ئىجتىمائى پاراۋانلىق ئورنىدىن بىرى، يېزا- بازارلىق شۆبە ئورۇندىن 5ى قۇرۇلدى. ھەر قايسى پاراۋانلىق ئورۇنلىرى ھەر بىر ئادەمگە ھەر ئايدا 618 يۈەنلىك ئۆلچەم بويىچە پۇل غەملەپ، ياشانغانلارنىڭ تۇرمۇشىغا ئىشلىتىپ، قارانچۇقسىز قالغان ياشانغانلارنى كۈتتى. باي ناھىيەلىك ئىجتىمائىي پاراۋانلىق ئورنىدىكى قارانچۇقسىز قالغان بوۋاي ئىسمائىل ھاپىز مۇنداق دېدى: يوتقان- كۆرپىلەرنىڭ ھەممىسىنى ئۇلار تەييارلاپ بەردى. ياتاقنىڭ تازىلىقىنىمۇ ئۇلار قىلىدۇ. ئاغرىپ قالساق، بۇ يەردە دورا بار. داۋالىنىش خىراجىتىنىڭ ھەممىسىنى ھۆكۈمەت چىقىرىپ بېرىدۇ. ئۇلار بىزنىڭ ئەھۋالىمىزدىن ناھايىتى ياخشى خەۋەر ئالىدۇ.
2017- يىلى، ماناس ناھىيەسى 16 مىليون يۈەن مەبلەغ سېلىپ، ئالاقە تورى بىلەن ياشانغاندا كۈتۈنۈش بىرلەشتۈرۈلگەن ئەقلىي ئىقتىدارلىق مۇلازىمەت تۈرىنى يولغا قويۇپ، ياشانغاندا كۈتۈنۈش بىلەن ساقلىقنى ساقلاش، ئوزۇقلۇق، كۆڭۈل ئېچىش قاتارلىق كەسپلەرنىڭ بىرىكىشىنى ئەمەلگە ئاشۇردى. شۇنىڭ بىلەن بىر ۋاقىتتا، كەسپىي ئاپپاراتلارنى كىرگۈزۈپ، ئالاقە تورى بىلەن ياشانغاندا كۈتۈنۈشنى بىرلەشتۈرۈش سۇپىسىنى بىرلىكتە قۇرۇپ چىقتى. يېقىندا، ماناس ناھىيەسىدىكى ئەقلىي ئىقتىدارلىق ياشانغاندا كۈتۈنۈش مۇلازىمەت سۇپىسى ياشانغانلارنى مېيىپلارغا ياردەم بېرىش، دورا يەتكۈزۈپ بېرىش قاتارلىق 45 تۈرلۈك ھەقسىز مۇلازىمەت بىلەن تەمىنلەيدىغان بولدى. بىر قانچە كۈن ئىلگىرى، ماناس ناھىيەسى شىگۈەن مەھەللىسىدىكى ئۆزى يالغۇز تۇرىدىغان لياۋ گولۇڭ بوۋاي زۇكامداپ قالدى. ئۇ ئەقلىي ئىقتىدارلىق ياشانغاندا كۈتۈنۈش مۇلازىمەت سۇپىسىغا تېلېفون بېرىپ 15 مىنوت ئىچىدە، مەھەللە كادىرى شۈ يەنيەن ئۇنىڭغا دورا ئەكىلىپ بەردى. ئۇ مۇنداق دېدى: پارتىيە 19- قۇرۇلتىيىدا، باش شۇجى شى جىنپىڭ بىز ياشانغانلارغا يېقىندىن كۆڭۈل بۆلدى. بېشىم ئاغرىپ كەتكەنلىكتىن، ئۇلارغا تېلېفون بېرىۋېدىم، نەچچە مىنوت ئىچىدىلا دورا ئەكىلىپ بەردى. ئۇلارغا چىن كۆڭلۈمدىن رەھمەت ئېيتىمەن.
غۇلجا شەھىرىدە تەخمىنەن 30 مىڭدىن ئارتۇق ياشانغان كىشى بار بولۇپ، بۇ-- شەھەر نۇپۇسىنىڭ %11.4ىنى ئىگىلەيدۇ. ياشانغانلارنىڭ مەنىۋى مەدەنىيەت تۇرمۇشىنى بېيىتىش ئۈچۈن، غۇلجا شەھىرى ئاساسىي قاتلامدىكى ياشانغانلار جەمئىيىتىنى ۋاستە قىلىپ، «ياشانغاندا ئۆگىنىدىغان ۋە كۆڭۈل ئاچىدىغان جاي بولۇش»نى ئورگانىك بىرلەشتۈرۈپ، خور ئۆمىكى، ئۇسسۇل ئەترىتى، ھۆسنىخەت ۋە رەسىم ئەترىتى قاتارلىق تەشكىلاتلارنى قۇرۇپ چىقىش بىلەن بىر ۋاقىتتا، مەدەنىيەت «سائەتلىك ئىشچىسى» تۈزۈمىنى يولغا قويۇپ، كەسپىي سەنئەت تايانچلىرىنى ئاساس، ئىشتىن سىرتقى سەنئەت ھەۋەسكارلىرىنى قوشۇمچە قىلغان ئاساسىي قاتلام مەدەنىيەت پىدائىيلىرى قوشۇنىنى بەرپا قىلدى ھەمدە «ئاساسىي قاتلامدا مەدەنىيەت ئارقىلىق ياشانغاندا كۈتۈنۈش مۇلازىمەت تورى»نى شەكىللەندۈردى. غۇلجا شەھەرلىك ياشانغانلار خىزمىتى ئىشخانىسىنىڭ مەخسۇس ۋەزىپىدىكى مۇئاۋىن مۇدىرى شى خۇڭيۈن مۇنداق دېدى: پارتىيە 19- قۇرۇلتىيى دوكلاتىدا، ياشانغانلار ئىشلىرىنىڭ تەرەققىياتىنى تېزلىتىش ئوتتۇرىغا قويۇلدى. بۇنىڭدىن كېيىنكى خىزمەتلەردە، ياشانغانلارغا يەنىمۇ يېقىندىن كۆڭۈل بۆلۈپ، ياشانغانلار ئۈچۈن تېخىمۇ ياخشى مۇلازىمەت قىلىپ، ياشانغانلارنىڭ مەنىۋى مەدەنىيەت تۇرمۇشىنى يەنىمۇ بېيىتىمىز.  تەرجىمان: مىھرىئاي ئوسمان

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى