قىزىق نوقتا خەۋەرلىرى

كوتۇلداشنىڭ پايدىسىنى سەل چاغلىماڭ

2018-01-12 19:54:04     مەنبەسى: شىنجاڭ خەلق رادىيو ئىستانسىسى   

كوتۇلداش پىسخىكا ساغلاملىقىنى ئىلگىرى سۈرىدۇ:
بىر دوختۇر ئىلگىرى بېسىمنى يېنىكلىتىدىغان مۇنداق بىر رېتسىپنى يېزىپ بەرگەنىكەن: ھەر ھەپتىدە بىر ئائىلە كىشىلىرى ئاز بولغاندىمۇ 15 مىنوتتىن كۆپ مۇڭدىشىش؛ ئەر- خوتۇنلار ئارىسىدا ھەر كۈنى ئاز بولغاندىمۇ ئىككى سائەت سۆھبەت بولۇش، بۇ ئەلۋەتتە يا چۈشلۈك، يا كەچلىك تاماقتا بىللە بولۇشنىمۇ ئۆز ئىچىگە ئالىدۇ. بۇ ئىككى خىل بېسىمنى يېنىكلىتىش رىتسىپىنى مۇنداق بىر سۆزگە يىغىنچاقلاشقا بولىدۇ: كوتۇلداش. خۇددى شۇنىڭغا ئوخشاش، ناۋادا ياشانغانلار كۈندە كوتۇلداپ تۇرمىسا ياكى گەپ قىلىشنى ياقتۇرمىسا، دائىم كۆڭۈلسىز ئىشلارنى كۆڭلىدىن چىقىرىۋېتەلمەي يۈرسە، كۈنلەرنىڭ ئۆتۈشىگە ئەگىشىپ يېگىنى ئېغىزىغا تېتىمايدىغان، خاتىرجەم ئۇخلىيالمايدىغان، مېڭە سىستېمىسىنىڭ مۇداپىئەلىنىش ئىقتىدارى ۋە ئىچكى ئەزالارنىڭ ئىقتىدارى تەڭپۇڭلۇقىنى يوقىتىپ، ھەر قانداق كېسەلنىڭ سوقۇنۇپ كىرىشىگە يول ھازىرلاپ بېرىدىغان بولۇپ قالىدۇ، شۇڭا ئۇلاردا يۇقىرى قان بېسىمى، مېڭە ئارتېرىيەسى قېتىشىش، تاجىسىمان يۈرەك كېسىلى ۋە راك كېسەللىكلىرى پەيدا بولىدۇ. ئەمما بۇ خىل ئازابلىق ئىشلارغا دۇچ كەلگەندە، ياشانغانلار ناۋادا ئەھمىيىتى ئادەتتىكىچە ھەم ئۇششاق گەپلەر بىلەن كوتۇلداپ ئىچىنى بوشاتسا، بۇ چاغدا ئۇلار بېسىم ۋە ئەنسىزلىك تۇيغۇسىدىن قۇتۇلىدۇ، ياشانغانلارنىڭ جىسمانىي ۋە روھىي ساغلاملىقى ھەسسىلەپ كۈچىيىدۇ. ئۇنىڭدىن باشقا، مەيلى ئۆيدىكىلەرگە كوتۇلدىسۇن، مەيلى باشقىلارغا كوتۇلدىسۇن، بۇ ياشانغانلارنىڭ باشقىلار بىلەن پىكىر ئالماشتۇرۇپ، سىرت بىلەن بولغان ئالاقىسىنى ئۈزۈپ قويغۇسى يوقلۇقىنى بىلدۈرىدۇ، بۇ ياشانغانلارغا نىسبەتەن ئىنتايىن ساغلام روھىي ھالەت.
كوتۇلداش چوڭ مىڭىنى تېخىمۇ جانلاندۇرىدۇ:
تەتقىقاتچىلارنىڭ 20 يىلغا يېقىن داۋام قىلغان پىسخىك تەتقىقات نەتىجىسىدىن ئايانكى، ياشانغانلار كوتۇلداپ گەپنى تەكرار- تەكرار قىلسا، ئۇلارنىڭ ئەستە ساقلاش ئىقتىدارى ياخشىلىنىپ بارىدۇ. ئىنساننىڭ چوڭ مېڭىسى ئىشلىگەنسىرى ئۆتكۈرلىشىدۇ، ھەر قېتىم گەپ قىلغاندا چوڭ مېڭە لوگىكىلىق تەپەككۈر يۈرگۈزىدۇ، شۇنداقلا سۆزلەرنى تاللايدۇ ۋە ئۇلارنى تەشكىللەيدۇ، شۇڭا كۆپرەك گەپ قىلىش چوڭ مېڭە ھۆجەيرىلىرىنى غىدىقلاپ، داۋاملىق جانلىق ھەم تېتىك بولۇشنى ئەمەلگە ئاشۇرىدۇ، بۇنىڭ بىلەن چوڭ مېڭىنىڭ قېرىش سۈرئىتىنى ئۈنۈملۈك ئاستىلىتىدۇ. چوڭ مېڭىدە تىلغا مۇناسىۋەتلىك مەخسۇس بىر رايون بار، ئەگەر گەپنى بەك ئاز قىلسا، چوڭ مېڭىدىكى تىلغا مۇناسىۋەتلىك رايوننىڭ ئىقتىدارى چېكىنىپ كېتىدۇ، بۇ ئەلۋەتتە چوڭ مېڭىنىڭ ساغلام ئايلىنىشىغا پايدىسىز، گەپنى كۆپ قىلىش چوڭ مېڭىدىكى بۇ رايوننىڭ تەرەققىياتىنى ئىلگىرى سۈرىدۇ. بەزى ياشانغانلارنىڭ تىل قابىلىيىتى ئىنتايىن يۇقىرى، بۇ ئۇلارنىڭ تەپەككۈرى ئۈزۈلۈپ قالمىغانلىقىنى بىلدۈرىدۇ، شۇنداقلا ئۇلارنى ياشانغانلاردىكى دېۋەڭلىك كېسىلىدىن يىراقلاشتۇرىدۇ.
كوتۇلداش قېرىش سۈرئىتىنى ئاستىلىتىدۇ:
باشقىلار بىلەن دائىم مۇڭدىشىپ بەرسە، ئېغىز بوشلۇقى مۇسكۇلى بىلەن كاناي چېنىقىش پۇرسىتىگە ئېرىشىدۇ، بۇ ئەلۋەتتە قۇلاق- يۇتقۇنچاق قانالچىسىنى راۋانلاشتۇرۇپ، قۇلاقنىڭ ئىچكى- تاشقى بېسىمىنىڭ تەڭپۇڭلىقىغا كاپالەتلىك قىلىدۇ، شۇنداقلا قۇلاق غۇڭۇلداش ھەم گاس بولۇپ قېلىشنىڭ ئالدىنى ئالىدۇ. گەپ قىلىش يەنە كۆز مۇسكۇلى بىلەن ئۈچ ئاچا نېرۋىنىڭ ھەرىكىتىنى كۈچەيتىدىغان بولغاچقا، يەنە ياشىنىش مەنبەلىك كۆز تورلىشىش، ياشىنىش مەنبەلىك كۆزگە ئاق چۈشۈش ۋە كۆرۈش قۇۋۋىتى ئاجىزلاش كېسەللىكلىرىنىڭ ئالدىنى ئالىدۇ.
ياشانغانلارنىڭ كۆپرەك كوتۇلدىشىغا ياردەم بېرىڭ:
بۇنىڭدىن كېيىن ياشانغانلار قۇلاق تۈۋىڭىزدە توختىماي كوتۇلدىسا ھەرگىز: «بولدى ئەمدى كوتۇلدىمىغىنە!» دېگەن گەپنى قىلماڭ، ئەكسىچە ياشانغانلارنىڭ ساغلاملىقى ئۈچۈن، ھەتتا گەپ قىلىشنى خالىمايدىغان ياشانغانلارنىمۇ كوتۇلدايدىغان قىلىشقا تىرىشىڭ، ئۇلار قانچە كۆپ گەپ قىلسا شۇنچە خۇشال بولۇڭ. ئائىلىنىڭ بەزى ئىشلىرىغا نىسبەتەن ياشانغانلارنىڭ پىكىرىنى كۆپرەك ئېلىڭ، بۇ ئۇلارنى ئەتراپلىق تەپەككۈر قىلىشقا يېتەكلەيدىغان ئەڭ ئاددىي ئۇسۇل؛ ياشانغانلارنىڭ ئەيىبلەش ياكى ئاچچىقلىنىش خاراكتىرىدىكى كوتۇلداشلىرىغا نىسبەتەن پەرزەنت بولغان ئادەم ھەرگىز ئالدىراپ- تېنەپ گەپ ياندۇرۇش ياكى ئىنكار قىلىش تەشەببۇسىدا بولماي، كۆپرەك قوللاش تەرەپدارى بولۇپ، ئۇلارنى خوش قىلايلى؛
ياشانغانلارنىڭ كوتۇلداشلىرى ئارىسىدىكى ئەھمىيەتلىك بىرەر ئىشنى ئەمەلگە ئاشۇرسىڭىز، ياشانغانلار ئۆزى قىلغان گەپلەرنى ئاڭلايدىغان ئادەملەرنىڭ يەنىلا بارلىقىدىن خوشال بولۇپ، خۇددىي ھۆرمەتكە سازاۋەر بولغاندەك تۇيغۇغا كېلىدۇ؛ بۇلارنىڭ ھەممىسى ئۇلارنى سوۋغا ياكى قىممەتلىك بىر نەرسىلەرنى بەرگەندىنمۇ بەكرەك خوشال قىلىپ، سىزنىڭ ۋاپادارلىقىڭىزدىن سۆيۈنۈپ ياشايدىغان قىلىدۇ.
ئەلۋەتتە بەزى ئالاھىدە ئەھۋاللاردىن بەكرەك ئېھتىيات قىلىشقا توغرا كېلىدۇ. مەسىلەن، ياشانغانلار تۇرۇپلا ئۆزىگە گەپ قىلىدىغان بولۇپ قالسا، قىلغان گېپىنىڭ باش- ئاخىرىنى بىلگىلى بولمىسا، ھازىر قىلغان گېپىنى ھازىرلا ئۇنتۇپ قالسا، قىلغان گېپىنىڭ جاۋابىنى ئاڭلاشقا ئىنتىلمىسە، ھەتتا ئىنكاسى ئاستىلاپ قالسا، بۇ بەلكىم ئۇلارنىڭ بىلىش ئىقتىدارى توسالغۇغا ئۇچرىغانلىقىنىڭ بېشارىتى بولۇپ قېلىشى مۇمكىن.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى