قىزىق نوقتا خەۋەرلىرى

شىنجاڭ ھەربىي رايونى 12- نۆۋەتلىك پارتىيە كومىتېتىنىڭ 4- ئومۇمىي (كېڭەيتىلگەن) يىغىنى ئۆتكۈزۈلدى

2018-01-14 20:41:10     مەنبەسى: شىنجاڭ خەلق رادىيو ئىستانسىسى   

چېن چۈەنگو يىغىنغا قاتناشتى ھەم سۆز قىلدى

 مۇخبىرىمىز ياۋ تۇڭ خەۋەر قىلىدۇ: شىنجاڭ ھەربىي رايونى 12- نۆۋەتلىك پارتىيە كومىتېتىنىڭ 4- ئومۇمىي (كېڭەيتىلگەن) يىغىنى 1- ئاينىڭ 9- كۈنىدىن 10- كۈنىگىچە ئۈرۈمچىدە ئۆتكۈزۈلدى. ئاپتونوم رايونلۇق پارتكومنىڭ شۇجىسى، شىنجاڭ ھەربىي رايونى پارتكومىنىڭ بىرىنچى شۇجىسى چېن چۈەنگو يىغىنغا قاتناشتى ھەم سۆز قىلدى.

  شىنجاڭ ھەربىي رايونى پارتكومىنىڭ شۇجىسى، سىياسىي كومىسسارى لى ۋېي شىنجاڭ ھەربىي رايونى پارتكومى دائىمىي كومىتېتىغا ۋاكالىتەن دوكلات بەردى، شىنجاڭ ھەربىي رايونىنىڭ قوماندانى ليۇ ۋەنلۇڭ سۆز قىلدى.

  چېن چۈەنگو سۆزىدە مۇنداق كۆرسەتتى: پارتىيە مەركىزىي كومىتېتى، مەركىزىي ھەربىي كومىتېت ۋە رەئىس شى جىنپىڭنىڭ كۈچلۈك رەھبەرلىكىدە شىنجاڭ ھەربىي رايونى پارتىيە 19- قۇرۇلتىيىنىڭ روھى ۋە شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى ئەستايىدىل ئۆگىنىپ ۋە ئىزچىللاشتۇرۇپ، شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنى ئومۇميۈزلۈك ئىزچىللاشتۇرۇپ، پارتىيەنىڭ يېڭى دەۋردىكى ئارمىيەنى قۇدرەت تاپقۇزۇش نىشانىنى زىچ چۆرىدەپ، سىياسىي جەھەتتە ئارمىيە قۇرۇش، ئىسلاھات ئارقىلىق ئارمىيەنى قۇدرەت تاپقۇزۇش، پەن- تېخنىكا ئارقىلىق ئارمىيەنى گۈللەندۈرۈش، ئارمىيەنى قانۇن بويىچە ئىدارە قىلىشنى ئومۇميۈزلۈك ئىلگىرى سۈرۈپ، ۋەتەننىڭ بىرلىكى ۋە زېمىن پۈتۈنلۈكىنى قوغداش، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنى ئىلگىرى سۈرۈشتە مۇھىم رولىنى جارى قىلدۇردى، مۇھىم تۆھپە قوشتى. مەن ئاپتونوم رايونلۇق پارتكوم، خەلق ھۆكۈمىتى ۋە ئاپتونوم رايونىمىزدىكى ھەر مىللەت خەلققە ۋاكالىتەن، شىنجاڭدا تۇرۇشلۇق خەلق ئازادلىق ئارمىيەسىنىڭ بارلىق كوماندىر- جەڭچىلىرى ۋە كەڭ ئوفىتسېر- ئەسكەرلىرىدىن سەمىمىي ھال سورايمەن ھەم ئۇلارغا ئالىي ئېھتىرام بىلدۈرىمەن.

  چېن چۈەنگو شىنجاڭ ھەربىي رايونىدىكى ئوفىتسېر- ئەسكەرلەرنىڭ شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنىڭ يېتەكچىلىكىدە پارتىيەنىڭ يېڭى دەۋردىكى ئارمىيەنى قۇدرەت تاپقۇزۇش نىشانىنى چۆرىدەپ يېڭى دەۋردىكى بۇرچى، ۋەزىپىسىنى ئادا قىلىش ئىقتىدارىنى ئۈزلۈكسىز ئۆستۈرۈپ، ئارمىيە قۇرۇلۇشىدا يېڭى ۋەزىيەت يارىتىشىنى ئۈمىد قىلدى. بىرىنچى، ئارمىيەنى قۇدرەت تاپقۇزۇشنىڭ مەنىۋى ئاساسىنى پۇختىلاپ، يادرو بىلەن قەتئىي بىردەك بولۇش، يادروغا قەتئىي ئەگىشىش، يادرونى قەتئىي قوغداش كېرەك. پارتىيە 19- قۇرۇلتىيىنىڭ روھىنى ئەستايىدىل ئۆگىنىپ ۋە ئىزچىللاشتۇرۇپ، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى ئۆگىنىپ ۋە ئىزچىللاشتۇرۇپ، شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنى گەۋدىلىك ئۆگىنىپ، ئىدىيە ۋە ھەرىكەتنى پارتىيە 19- قۇرۇلتىيىنىڭ روھى ئاساسىدا بىرلىككە كەلتۈرۈپ، كۈچ ۋە ئەقىل- پاراسەتنى ئارمىيەنى قۇدرەت تاپقۇزۇش يېڭى مۇساپىسىگە مۇجەسسەملەش كېرەك. «تۆت ئاڭ»نى كۈچەيتىپ، ھەربىي كومىتېت رەئىسى مەسئۇل بولۇش تۈزۈمىنى قەتئىي ئىزچىللاشتۇرۇپ ۋە ئەمەلىيلەشتۈرۈپ، سىياسىي مەيدان، سىياسىي يۆنىلىش، سىياسىي پىرىنسىپ، سىياسىي يول جەھەتتە پارتىيە مەركىزىي كومىتېتى، رەئىس شى جىنپىڭ بىلەن يۈكسەك بىردەكلىكنى ساقلاپ، بارلىق ھەرىكەتتە پارتىيە مەركىزىي كومىتېتى، مەركىزىي ھەربىي كومىتېت ۋە رەئىس شى جىنپىڭنىڭ قوماندانلىقى ۋە بۇيرۇقىغا بويسۇنۇش كېرەك؛ رەئىس شى جىنپىڭنىڭ چاقىرىقىغا قەتئىي ئاۋاز قوشۇپ، رەئىس شى جىنپىڭ ئېلان قىلغان پەرماننى قەتئىي ئىجرا قىلىش، رەئىس شى جىنپىڭ ئوتتۇرىغا قويغان تەلەپلەرنى قەتئىي ئەمەلىيلەشتۈرۈش، رەئىس شى جىنپىڭ تاپشۇرغان ۋەزىپىلەرنى قەتئىي ئورۇنداش كېرەك؛ مۇتلەق سادىق، مۇتلەق پاك، مۇتلەق ئىشەنچلىك بولۇپ، باشتىن- ئاخىر رەئىس شى جىنپىڭنىڭ قوماندانلىقىغا بويسۇنۇپ، رەئىس شى جىنپىڭغا مەسئۇل بولۇپ، رەئىس شى جىنپىڭنى خاتىرجەم قىلىپ، رەئىس شى جىنپىڭنىڭ ئارمىيەنى قۇدرەت تاپقۇزۇش ئىستراتېگىيەسى، ئارمىيەنى قۇدرەت تاپقۇزۇش ئورۇنلاشتۇرمىسى، ئارمىيەنى قۇدرەت تاپقۇزۇش تەدبىرلىرىنى قىسىم قۇرۇلۇشىنىڭ ھەرقايسى ساھەلىرىنىڭ پۈتكۈل جەريانىدا ئىزچىللاشتۇرۇش كېرەك. ئارمىيەنى قانۇن بويىچە ئىدارە قىلىش، ئارمىيەنى قاتتىق ئىدارە قىلىشتا باشتىن- ئاخىر چىڭ تۇرۇپ، ئومۇميۈزلۈك سىناقلارغا بەرداشلىق بېرەلەيدىغان «تۆتتە پولاتتەك» ئارمىيە قۇرۇپ، ئىستىل دۇرۇس، كەيپىيات توغرا سىياسىي مۇھىت بەرپا قىلىش كېرەك. ئىككىنچى، ھەربىي تەلىم- تەربىيەنى كۈچەيتىپ، ئۇرۇش ھازىرلىقى، مەشىق سەۋىيەسى ۋە غەلىبە قىلىش ئىقتىدارىنى ئۆستۈرۈش كېرەك. رەئىس شى جىنپىڭنىڭ مەركىزىي ھەربىي كومىتېتنىڭ 2018- يىللىق مەشىقنى باشلاش سەپەرۋەرلىك يىغىنىدىكى يوليورۇقى ۋە تەلىپىنى قەتئىي ئەمەلىيلەشتۈرۈپ، ھەربىي مەشىقنى ئومۇميۈزلۈك كۈچەيتىپ، غەلىبە قىلىش ئىقتىدارىنى ئومۇميۈزلۈك ئۆستۈرۈپ، چاقىرغان ھامان ھازىر بولالايدىغان، كەلگەن ھامان جەڭ قىلالايدىغان، جەڭدە غەلىبە قىلالايدىغان سەر خىل قوشۇن قۇرۇپ چىقىش كېرەك. ئۈچىنچى، مەسئۇلىيەتنى دادىل زىممىگە ئېلىپ، ئىجتىمائىي ئومۇمىيەتنىڭ ئىناقلىقى ۋە مۇقىملىقىنى قوغداش كېرەك. رەئىس شى جىنپىڭنىڭ «جەڭگىۋار ئەترەت، خىزمەت ئەترىتى، ئىشلەپچىقىرىش ئەترىتىلىك رولىنى جارى قىلدۇرۇش» توغرىسىدىكى مۇھىم يوليورۇقىنى ئەستايىدىل ئىزچىللاشتۇرۇپ، دىققەتنى ئىجتىمائىي مۇقىملىق ۋە ئەبەدىي ئەمىنلىكتىن ئىبارەت باش نىشانغا مەركەزلەشتۈرۈپ، «ئېغىرتقۇ»لۇق ۋە «مۇقىملاشتۇرغۇچ»لۇق رولىنى ھەقىقىي ياخشى جارى قىلدۇرۇش كېرەك. تۆتىنچى، ھەمتۈرتكە بولۇش، ئورتاق ئىلگىرىلەشتە چىڭ تۇرۇپ، ئارمىيە بىلەن خەلقنىڭ چوڭقۇر يۇغۇرما تەرەققىيات ئەندىزىسىنى شەكىللەندۈرۈش كېرەك. ئارمىيە بىلەن يەرلىك «بىر تاختا شاھمات» دەيدىغان ئىدىيەنى مۇستەھكەم تۇرغۇزۇپ، ئارمىيە- خەلق يۇغۇرما تەرەققىياتى ئىدىيەسىنى ئىزچىللاشتۇرۇش ۋە ئەمەلىيلەشتۈرۈشنى ئىقتىسادىي قۇرۇلۇش ۋە دۆلەت مۇداپىئەسى قۇرۇلۇشىنىڭ پۈتۈن جەريانىغا سىڭدۈرۈش كېرەك. ئارمىيە خەلقنى سۆيىدىغان، خەلق ئارمىيەنى ھىمايە قىلىدىغان، ئارمىيە بىلەن خەلق بىر ئائىلە كىشىلىرىدەك ئۆتىدىغان شەرەپلىك ئەنئەنىنى زور كۈچ بىلەن ئەۋج ئالدۇرۇش كېرەك، ھەر دەرىجىلىك پارتكوم، خەلق ھۆكۈمەتلىرى يۈكسەك ئەھمىيەت بېرىشى، دۆلەت مۇداپىئەسى قۇرۇلۇشى ۋە ئارمىيە قۇرۇلۇشىنى زور كۈچ بىلەن قوللىشى، پۈتۈن جەمئىيەتتە دۆلەت مۇداپىئەسىگە كۆڭۈل بۆلىدىغان، دۆلەت مۇداپىئەسىنى قوللايدىغان، دۆلەت مۇداپىئەسىگە قاتنىشىدىغان قويۇق كەيپىيات شەكىللەندۈرۈپ، ئارمىيە بىلەن ھۆكۈمەتنىڭ، ئارمىيە بىلەن خەلقنىڭ قويۇق، ئۇيۇل تاشتەك مۇناسىۋىتىنى مۇستەھكەملىشى ۋە تەرەققىي قىلدۇرۇشى كېرەك.

  شىنجاڭ ھەربىي رايونى پارتكومى دائىمىي كومىتېتىنىڭ ئەزالىرىدىن لى فايى، ۋاڭ گويى، خالمۇرات ئابدۇراخمان، دۇ يۇڭياۋ، خەن بىڭچېڭ، غەيرەت ئۆمەر، جاڭ چيەن، جاۋ جىدەن، ليۇ لىنفۇ، ليۇ رۇڭجىن يىغىنغا قاتناشتى.

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى