قىزىق نوقتا خەۋەرلىرى

چاپچال ناھىيەسىنىڭ توردا ئالقىشقا ئېرىشكەن چاغانلىق ماللىرىنىڭ بارلىققا كېلىش جەريانى

2018-02-11 13:11:52     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
2017- يىلى، چاپچال ناھىيەسى ئوڭۇشلۇق ھالدا دۆلەتنىڭ مەخسۇس تۈر بويىچە تەكشۈرۈپ باھالىشىدىن ئۆتۈپ، نامرات ناھىيە قالپىقىنى چۆرۈپ تاشلاشنى ئەمەلگە ئاشۇردى. قانداق قىلغاندا نامراتلىقتىن قۇتۇلدۇرۇش نەتىجىلىرىنى مۇستەھكەملەپ ۋە ئۆستۈرۈپ، قىيىنچىلىقى بار ئاممىنىڭ ئىچكى ھەرىكەتلەندۈرگۈچ كۈچىنى قوزغىغىلى بولىدۇ؟ چاپچال ناھىيىسى «يېزا تور سودىسىنى نامراتلىقتىن قۇتۇلدۇرۇش بىلەن بىرلەشتۈرۈش» ئەندىزىسىنى دادىل سىناق قىلدى. بۈگۈنكى «چاغاندا ئاساسىي قاتلامغا بېرىش» سەھىپىمىزدە، چاپچال ناھىيەسىنىڭ توردا ئالقىشقا ئېرىشكەن چاغانلىق ماللىرىنىڭ بارلىققا كېلىش جەريانى
ئىككى كۈندىن بۇيان، يېزا تور سودىگىرى يىن چاۋجۈن ئۈندىدار دۇكىنىنى قويۇق چاغانلىق تۈسكە كىرگۈزۈپ، قىزىل رەڭ بىلەن بېزىدى ھەمدە چاپچال گۈرۈچى، قېزا قاتارلىق تاۋارلارنى تونۇشتۇرغان سۈرەتلەرنى «بەخت» خېتى بىلەن بېزەپ، ئۇنىڭغا چاغانلىق مەسنەۋى قوشتى. ئۇ ئۆزىنى توردا ئالقىشقا ئېرىشكەن بۇ چاغانلىق ماللارنىڭ ئەلچىسى دەپ ئاتايتتى. ئۇ مۇنداق دېدى:« چاغان مەزگىلىدە ئوتتۇرىچە تىجارەت سوممىسى ئىككى مىڭ يۈەن ئەتراپىدا بولىدۇ. بىر يىلدا تەخمىنەن 4-5 مىليون يۈەنگە يېتىدۇ».
چاپچال ناھىيەسىدە يىن چاۋجۈنگە ئوخشاش تور سودىگىرى ئىككى مىڭدىن ئاشىدۇ. ئۇ مۇخبىرغا مۇنداق دېدى:« چاپچالنىڭ يېزا ئىگىلىك مەھسۇلاتلىرىنىڭ چاغانلىق ئالقىشقا ئېرىشكەن مالغا ئايلىنىشى ماختاش ۋە كۆپتۈرۈشتىن ئەمەس بەلكى مەھسۇلاتنىڭ يېشىل ئورگانىك ياخشى سۈپىتىدىن بولدى. گۈرۈچ سۈپىتىنى ئۈنۈملۈك نازارەت قىلىش ئۈچۈن، چاپچال گۈرۈچى جەمئىيىتى قۇرۇلۇپ، 23 كارخانا ۋە كوپىراتىپ بۇنىڭغا قاتناشتى ھەم ئۈچىنچى تەرەپنى نازارەت قىلىپ باشقۇرۇشقا تەكلىپ قىلىپ، چاپچال شالىنىڭ يەرلىك ئۆلچىمىنى تۈزۈپ، مەنبەدىن تىزگىنلەش ۋە جەرياننى باشقۇرۇش ئارقىلىق، شالنىڭ پۈتۈن مۇساپىلىك سۈرۈشتۈرۈش سىستېمىسىنى ئەمەلگە ئاشۇردى».
چاپچال ناھىيەلىك شال ئۆستۈرۈش ھەمكارلىق كوپىراتىپىدا، ئىشچىلار پۈتۈن ئاپتوماتىك ئىشلەپچىقىرىش لىنىيىسىدە مەشغۇلات ئېلىپ بېرىپ، بىر تۇتاش ئۆلچەم بويىچە گۈرۈچلەرنى ئىنچىكە ئوراپ قاچىلاۋاتاتتى. سېتىش بۆلۈمىنىڭ دىرېكتورى فۇ چىڭچۈن مۇخبىرغا مۇنداق دېدى:« ھازىر ياخشى مالنى ياخشى ئوراپ قاچىلاش كېرەك. ئورگانىك ساختىلىقتىن ساقلىنىش بەلگىسى چاپلاپ، قەغەز قۇتىغا ۋاكوئوملۇق قىلىپ قاچىلاش ئارقىلىق، چاپچال گۈرۈچىنى سۈپىتىگە لايىق باھادا ساتقىلى بولىدۇ. «جۇڭگونىڭ ئورگانىك يېمەكلىكى» دېگەن بۇ بىر نەچچە خەتكە ئېرىشىش ئۈچۈن، بىز ئالتە يىل كۈرەش قىلدۇق. بۈگۈنكى كۈندە ئورگانىك مەھسۇلاتىمىز روياپقا كەلدى».
ئەلا سۈپەت، نەپىس ئوراش ۋە نۇقتىدىن نۇقتىغا توردا سېتىش ئەندىزىسى قوشۇلۇپ، بىر قاپ بەش كىلوگراملىق ئېسىل چاپچال گۈرۈچىنى 150 يۈەنگە ساتقىلى بولىدۇ. ياخشى ئاشلىق تېرىپ، ياخشى باھادا سېتىپ، ئەمەلىي نەپكە ئېرىشكىنى يەنىلا دېھقانلار بولدى. ناداچىنىرۇ يېزىسى ئورگانىك شال كوپىراتىپىدىكى دېھقان ئابلىتىپ سىدىق يېقىندا كەنت تەشكىللىگەن شال تېرىقچىلىقى كۇرسىغا قاتناشقان ئېدى. ئورگانىك شالغا تايىنىپ نامراتلىقتىن قۇتۇلۇپ بېيىغان ئابلىتىپ سىدىق بارغانسېرى بۇنىڭ ئىچىدە نۇرغۇن بىلىم بارلىقىنى ھېس قىلدى. ئۇ مۇنداق دېدى:« بىر يىلدا 2-3 قېتىم تەربىيەلەش كۇرسى بار. ھازىر مەھسۇلات مىقدارى كۆپەيدى. ئىلگىرى بىر مو يەردىن 500-600 كىلوگىرام ھوسۇل چىقاتتى. ھازىر 700-750 كىلوگرام چىقىدۇ. بۇ يىل 40 مىڭ يۈەندىن ئارتۇق كىرىم قىلىشىم مۇمكىن».
چاپچال گۈرۈچىنىڭ تۈرتكىسىدە، يەرلىك تۇخۇم، قايماق قاتارلىق ئىلگىرى دېھقانلارنىڭ ئۆيىدە كۆزگە ئانچە چېلىقمايدىغان يەرلىك مەھسۇلاتلارمۇ تەدرىجى ھالدا توردا ئالقىشقا ئېرىشكەن چاغانلىق مالغا ئايلىنىپ، نامرات ئاممىنىڭ كىرىمىنى ئاشۇرۇش يولىنى كېڭەيتتى.
ھازىر كەنت دەرىجىلىك تور سودا ئۇنىۋېرسال مۇلازىمەت پونكىتى چاپچال ناھىيەسىنى تولۇق قاپلىدى. كەسىپلەشكەن تور سودىگەرلىرى قوشۇنى شەكىللەندى. چاپچال ناھىيەلىك تور سودا كەسپى باغچىسىنىڭ خىزمەتچىسى يۈ شىياۋپىڭ مۇنداق دېدى:« ھازىر تور سودىسى بويىچە تەربىيىلەشنى قانات يايدۇرىۋاتىمىز. بىزنىڭ تەربىيەلەش سۇبيېكتىمىز يېزا-بازاردىكى نامرات ئاھالىلەر، ئىش كۈتۈپ تۇرغان ياشلار، يۇرتىغا قايتقان ئالىي مەكتەپ ئوقۇغۇچىلىرى، ئاياللار قاتارلىقلار. تور سودا سۇپىسىدىن پايدىلىنىپ، نامرات ئاھالىنىڭ ئىگىلىك تىكلەش، ئىشقا ئورۇنلىشىشىغا ياردەم بېرىپ، بۇ سۇپا ئارقىلىق يەرلىك ئالاھىدە يېزا ئىگىلىك مەھسۇلاتلىرىمىزنى ھەر قايسى جايلارغا سېتىپ چىقىرىمىز».

تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى