قىزىق نوقتا خەۋەرلىرى

ئەدلىيە تۈزۈلمىسى ئۇنىۋېرسال يانداشما ئىسلاھاتىنى چوڭقۇرلاشتۇرۇپ، خەلق ئاممىسىغا ھەر بىر قانۇن يۈرگۈزۈش دېلوسىدىن ئادىللىق ۋە ھەققانىيلىقنى ھېس قىلدۇرۇش

2018-02-13 12:36:48     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
پارتىيە 19- قۇرۇلتىيى دوكلاتىدا: «ئەدلىيە تۈزۈلمىسى ئۇنىۋېرسال يانداشما ئىسلاھاتىنى چوڭقۇرلاشتۇرۇپ، ئەدلىيە مەسئۇلىيىتى تۈزۈمىنى ئومۇميۈزلۈك ئەمەلىيلەشتۈرۈپ، تىرىشىپ خەلق ئاممىسىغا ھەر بىر ئەدلىيە دېلوسىدا ئادىللىق ۋە ھەققانىيلىقنى ھېس قىلدۇرۇش كېرەك» دەپ كۆرسىتىلدى. ئاپتونوم رايونىمىزدىكى ھەر دەرىجىلىك ئەدلىيە تارماقلىرى ئەمەلىيەتنى ئاساس قىلىپ، ئەدلىيە تۈزۈلمىسى ئىسلاھاتىنى قەتئىي تەۋرەنمەي چوڭقۇرلاشتۇرۇپ، تۈزۈمدە يېڭىلىق يارىتىشنى ئىلگىرى سۈرۈپ، جەمئىيەتنىڭ ئادىل- ھەققانىيىلىقىغا تۈرتكە بولدى.
2-ئاينىڭ 12-كۈنى چۈشتىن بۇرۇن، ئۈرۈمچى شەھىرى تەڭرىتاغ رايونلۇق خەلق تەپتىش مەھكىمىسىنىڭ خەلق ئۈچۈن مۇلازىمەت قىلىش مەركىزىي زالىدا، شەھەر ئاھالىسى شىڭ يۆ ئۆزى تۇرۇشلۇق كارخانا ئۈچۈن پارا بېرىش جىنايىتى يوق بولۇش ئارخىپىنى سۈرۈشتۈرۈش نەتىجىسىدىن ئىسپات بېجىرىۋاتاتتى. تەپتىش ئەمەلدارى ئۇ ئېلىپ كەلگەن ماتېرىياللارنى تەكشۈرۈپ، 10 مىنۇتقا بارمايلا سۈرۈشتۈرۈشنى تاماملىدى. شىڭ يۆ مۇنداق دېدى: ھەر قېتىم كەلگەندە ئۆزىڭىز تەييارلاشقا تېگىشلىك ماتىرياللارنى تەييار قىلسىڭىزلا، ئۇلار ۋاقتىدا بېجىرىپ بېرىدۇ. بىزنى ناھايىتى قولايلىق مۇلازىمەت بىلەن تەمىنلەيدۇ، يەنە سۇ ۋە كۈنلۈكمۇ بار، خادىملارنىڭ مۇلازىمەت پوزىتسىيەسىمۇ بەك ياخشى.
ئاپتونوم رايونىمىز بويىچە كۆلىمى ئەڭ چوڭ ئاساسىي قاتلام تەپتىش مەھكىمىسى بولۇش سۈپىتى بىلەن، ئۈرۈمچى شەھىرى تەڭرىتاغ رايونلۇق خەلق تەپتىش مەھكىمىسى دېلو بېجىرىش سانى جەھەتتە شىنجاڭ بويىچە ئالدىنقى قاتاردا تۇرىدۇ. خەلق ئۈچۈن مۇلازىمەت قىلىش مەركىزىنىڭ قۇرۇلۇشى تاشقى جەھەتتە ئامما بىلەن بىۋاسىتە خىزمەت ئالاقىسى قىلىدىغان 40 نەچچە ھالقىنى بىرىكتۈرۈپ، «بىر پونكىت شەكلىدىكى» مۇلازىمەت ئەندىزىسى شەكىللەندۈرۈپ، ئاممىغا تېخىمۇ يۇقىرى ئۈنۈملۈك، قولايلىق مۇلازىمەتنى ھېس قىلدۇردى. تەڭرىتاغ رايونلۇق خەلق تەپتىش مەھكىمىسى خەلق ئۈچۈن مۇلازىمەت قىلىش مەركىزىنىڭ مۇئاۋىن مۇدىرى ئايبول ئابلىمىت مۇنداق دېدى: بۇ يەردە بىر ئىشنى بېجىرمەكچى بولغان كىشى، پەقەت ئۆزىنىڭ شىركەت نامى ياكى تەكشۈرمەكچى بولغان ئادەمنىڭ نامىنى تىزىملىتىپ، ئاندىن ماتېرىيالنى بىزگە بېرىپ قايتىپ كەتسىلا بولىدۇ. بىز پوچتا ئىشلىرى ئىدارىسى بىلەن ھەمكارلىق مۇناسىۋىتى ئورناتقان، پوچتا ئارقىلىق ئۇلارغا ئەۋەتىپ بېرىمىز. ئۈرۈمچىدە بولسا ئەڭ تېز بولغاندا ئىككىنچى كۈنىلا تاپشۇرۇپ ئالالايدۇ.
«شى جىنپىڭ: دۆلەتنى ئىدارە قىلىش توغرىسىدا» ناملىق كىتابنىڭ 2- تومىدا: «ئەدلىيە ھوقۇقىنى تۈزۈم قەپىسىگە كىرگۈزۈپ، ئادالەت ۋە ھەققانىيەت نۇرى بىلەن خەلقنىڭ قەلبىنى ئىللىتىپ، پۇقرالارغا ھەقىقىي ئىسلاھات ئۈنۈمىنى كۆرسىتىش كېرەك» دەپ كۆرسىتىلدى. ئاپتونوم رايونىمىزدىكى ھەر دەرىجىلىك سوت مەھكىمىلىرى بۇ يىل 1- ئاينىڭ 1- كۈنىدىن باشلاپ، مۇرەككەپ بىلەن ئاددىينى ئايرىش ۋە ماجىرانى كۆپ تەرەپتىن ھەل قىلىش مېخانىزمى ئىسلاھاتىنى ئومۇميۈزلۈك يولغا قويۇپ، ئىجتىمائىي زىددىيەت ماجىرالىرىنى ئەڭ زور چەكتە ھەل قىلىپ، سوت قىلىش سىستېمىسى ۋە سوت قىلىش ئىقتىدارىنى زامانىۋىلاشتۇرۇشنى ئىلگىرى سۈردى. ئىككى كۈندىن بۇيان، ماناس ناھىيەلىك خەلق سوت مەھكىمىسى ئاز سوممىلىق تېز كېسىم قىلىش سوتىنىڭ سوتچىسى جېڭ گۇاڭخۇي بىر پارچە ھەق تەلەپ ھۆكۈمنامىسىنى مەلۇم دېلودىكى دەۋاگەر بەي فامىلىلىككە بەردى. ئىلگىرىكى ساپ يېزىق شەكلىدىكى ھۆكۈمنامىگە ئوخشىمايدىغان يېرى شۇكى، بۇ قېتىم بەي فامىلىلىكنىڭ ئالغىنى ماددىلار ئېنىق، چۈشىنىشلىك بولغان «جەدۋەل شەكىللىك» ھۆكۈمنامە ئىدى. بەي فامىلىلىك مۇنداق دېدى: بۇ دېلونى تۇرغۇزغاندىن تارتىپ ھۆكۈمنامىنى ئالغىچە پەقەت بىر ئاي ۋاقىت كەتتى. ھۆكۈمنامىنى كۆردۈم، ھەممە نەرسە ئاددىي ۋە چۈشىنىشلىك، ئېنىق بوپتۇ، ئىشچىلىرىمىزنىڭ مائاشىدىن ئۈمىد بار بولدى. بۇ ھۆكۈمنامىنى ئىجرا كوللېگىيەسىگە تاپشۇردۇق.
ماناس ناھىيەلىك خەلق سوت مەھكىمىسى ئاز سوممىلىق تېز كېسىم قىلىش سوتىنىڭ سوتچى جېڭ گۇاڭخۈي مۇخبىرغا مۇنداق دېدى: «ئاددىي دېلولارنى تېز سوتلاش، مۇرەككەپ دېلولارنى ئىنچىكە قاراپ چىقىش» تىن ئىبارەت خىزمەت نىشانىنىڭ تەلىپى بويىچە، بۇيرۇق شەكىلدىكى، مۇھىم ئامىل شەكىلدىكى، گىرافە شەكىلدىكى ئاددىي يازما ھۆكۈم شەكىللىرى ئۈستىدە ئىزدىنىپ، ئاددىي دېلولارنى تېز سوتلاش، ئەدلىيە بايلىقىنى تەقسىملەشنى ئەلالاشتۇرۇش، سوتلاش ئۈنۈمىنى ئۆستۈرۈشتە تۈرتكىلىك رول ئوينىدى. ھازىر بىر جەدۋەل شەكلىدىكى ھۆكۈمنامە يېرىم سائەتتىلا چىقىدۇ. ئىلگىرى بىر پارچە ھۆكۈمنامە چىقىرىشقا يېرىم كۈن، بىر كۈن، ھەتتا بىر نەچچە كۈن ۋاقىت كېتەتتى. بۇ جەدۋەل شەكلىدىكى ھۆكۈمنامە سوت مەھكىمىسىنىڭ ئاددىي بىلەن مۇرەككەپ دېلولارنى ئايرىش، سوتلاش سۈپىتى ۋە ئۈنۈمىنى ئۆستۈرۈشتە زور رول ئوينىدى.
باش شۇجى شى جىنپىڭ مۇنداق دەپ كۆرسەتتى: «ئەدلىيە تۈزۈلمىسى ئىسلاھاتى خەلق ئۈچۈن بولۇش، خەلققە تايىنىش، خەلق ئۈچۈن بەخت يارىتىش كېرەك». بۇ يىل ئاپتونوم رايونىمىز قانۇن چىقىرىش، قانۇن ئىجرا قىلىش، ئەدلىيە قاتارلىق ئۈچ قوشۇن قۇرۇلۇشىنى داۋاملىق كۈچەيتىپ، قانچىلىك ئەمەلىي مەسىلە ھەل قىلىنغانلىقى، خەلق ئاممىسىنىڭ مەسىلىلەرنى ھەل قىلىشتىن رازى بولۇش دەرىجىسىنى ئىسلاھات ئۈنۈمىنى باھالاش ئۆلچىمى قىلىدۇ. ئاپتونوم رايونلۇق ئەدلىيە نازارىتى پارتكومىنىڭ شۇجىسى ۋاڭ جياڭ تونۇشتۇرۇپ مۇنداق دېدى: نۆۋەتتە، ئاپتونوم رايونلۇق ئەدلىيە نازارىتى 12348 ئاممىۋى قانۇن مۇلازىمەت سۇپىسىنى ئاچتى. ناھىيە دەرىجىلىك قانۇن مۇلازىمەت مەركىزى، يېزا دەرىجىلىك قانۇن مۇلازىمەت پونكىتى ۋە كەنت دەرىجىلىك ئاممىۋى قانۇن مۇلازىمەت ئىشخانىسى قۇرۇلۇشى تەدرىجىي مۇكەممەللەشتى. ئاممىۋى قانۇن مۇلازىمەت سىستېمىسى قۇرۇلۇشى ئېلىمىزنىڭ ئاممىۋى مۇلازىمەت سىستېمىسى قۇرۇلۇشىنىڭ مۇھىم تەركىبىي قىسمى. ئەدلىيە مەمۇرىيىتى ئىسلاھاتىنى چوڭقۇرلاشتۇرۇشنى زىچ چۆرىدەپ، نوقتىلىق ھالدا ئاممىۋى قانۇن مۇلازىمەت ساھەسىدىكى تۈرلۈك ئىسلاھات تەدبىرلىرىنىڭ ئەمەلىيلىشىشىنى ياخشى ئىشلەپ، قانۇننى كىم ئىجرا قىلىش، قانۇن ساۋاتلىرىنى كىم ئومۇملاشتۇرۇش، قانۇن ساۋاتلىرىنى ئومۇملاشتۇرۇش مەسئۇلىيەت تۈزۈمىنى ئەمەلىيلەشتۈرۈشنى چوڭقۇرلاشتۇرۇپ، ئاساسىي قاتلام ئۇل قۇرۇلۇشىنى كۈچەيتىشكە تېخىمۇ ئەھمىيەت بېرىپ، ئەدلىيە مەمۇرىيىتىنىڭ خەلق ئۈچۈن خىزمەت قىلىش ئاساسىنى پۇختىلاش كېرەك. ئەدلىيە مەمۇرىيىتى قوشۇنى قۇرۇلۇشىنى داۋاملىق كۈچەيتىپ، سادىق، مەسئۇلىيەتچان، پاك، خەلق ئۈچۈن مۇلازىمەت قىلىدىغان يۇقىرى ساپالىق ئەدلىيە قوشۇنى بەرپا قىلىپ، پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى، بولۇپمۇ ئىجتىمائىي مۇقىملىق ۋە ئەبەدىي ئەمىنلىك باش نىشانىنى ئەدلىيە مەمۇرىيەت سىستېمىسىدا دەل جايىدا ئەمەلىيلەشتۈرۈش لازىم.

تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى