قىزىق نوقتا خەۋەرلىرى

قوشماقلاشقان تۇغقانلىرىمىزنىڭ <ئالتۇن تويى>

2018-02-13 12:44:28     مەنبەسى: شىنجاڭ خەلق رادىيو ئىستانسىسى   

يېقىندا كۇچا ناھىيەسىنىڭ ئالاقاغا بازىرى دۆڭلۈك كەنت كومىتېتىنىڭ زالىدا، ئاپتونوم رايونلۇق ئادەم كۈچى بايلىقى ۋە ئىجتىمائىي كاپالەت نازارىتىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتتە تۇرۇشلۇق خىزمەت ئەترىتىدىكىلەر ۋە مىللەتلەر ئىتتىپاقلىقى «تۇغقانلىشىش ھەپتىلىكى» پائالىيىتىگە قاتناشقان كادىرلار ھەم كەنتتىكى ئامما بىرلىكتە ئالتە جۈپ ياشانغان كىشىنىڭ «ئالتۇن توي» ىنى ئۆتكۈزۈپ بەردى.
«ئالتۇن توي» ى ئۆتكۈزۈلۈۋاتقان كەنت ئاھالىسى ئالىم زاكىر: بۇ يىل 71 ياشقا كىردىم، خوتۇنۇم سوپىيەم ھاشىم بىلەن بۈگۈنگىچە ئۆزئارا كۆيۈنۈپ، بىر- بىرىمىزنى ئەپۇ قىلىشىپ، ئېجىل- ئىناق ئۆتۈپ كەلدۇق، ئائىلە ئىناق بولسا، ھەممە ئىشلار روناق تاپىدۇ، بۈگۈن ئىنىم لى يۈخۇڭ «ئالتۇن توي» ىمىزنى ئۆتكۈزۈپ بەردى، بۇنىڭدىن تولىمۇ خۇشال بولدۇق، - دېدى.
بىر يىل ئاۋۋال كەنتتە تۇرۇشلۇق خىزمەت ئەترىتىنىڭ باشلىقى لى يۈخۇڭ بىلەن ئالىم زاكىر قوشماقلىشىپ تۇغقان بولغانىدى. بۇ قېتىم لى يۈخۇڭ ئككى مىڭ يۈەن چىقىرىپ ئالىم زاكىر- سوپىيەم ھاشىم قاتارلىق ئالتە جۈپ ئەر- خوتۇنغا بىر قۇردىن كىيىم- كېچەك ۋە گۈل تەقدىم قىلدى، كەنت ئاھالە كومىتېتىدىكى كادىرلار تويغا كېتەرلىك باشقا لازىمەتلىكلەرنى تەييارلاپ، ئۇلارنىڭ «ئالتۇن توي» ىنى خاتىرىلىدى. ئىنىسى ئەكەلگەن يېڭى كىيىمنى كىيگەن ئالىم زاكىر خۇشال ھالدا مۇنداق دېدى: ئىلگىرى تۇرمۇش شارائىتىمىز ناچار بولغاچقا، توي قىلغىنىمىزغا 50 يىل بولغان بولسىمۇ، بىرەر قېتىممۇ توي خاتىرە كۈنىمىزنى تەبرىكلەپ باقمىغانتۇق، بۈگۈنكى «ئالتۇن توي» مۇراسىمىمىز ھاياتىمىزدىكى ئەڭ ئەھمىيەتلىك، ئەڭ ئۇنتۇلغۇسىز بىر كۈن بولدى. ھازىر پارتىيەنىڭ ئېتىبار سىياسەتلىرى كۆپ، تۇرمۇشىمىز بارغانسېرى ياخشىلىنىۋاتىدۇ، شۇڭا بىز ئائىلىمىزنى قەدىرلەشتە ياشلارغا ئۈلگە بولۇشىمىز كېرەك.
 لى يۈخۇڭ مۇنداق دېدى: بۇ قېتىم بىز ئالتۇن تويىنى ئۆتكۈزۈپ بەرگەنلەر توي قىلغىنىغا 50 يىلدىن ئاشقانلار، ئۇلار ھەمراھى بىلەن 50 يىل بىللە ياشاپ تۇرمۇشنىڭ ئىسسىق- سوغۇقىنى تەڭ باشتىن كەچۈرۈپ، جاپادىمۇ، ھالاۋەتتىمۇ بىللە بولغانلىق ھېكايىسىنى سۆزلەپ بېرىش ئارقىلىق ياشلارغا نېمىنىڭ ھەقىقىي بەخت ئىكەنلىكىنى تونۇتتى، نەق مەيداندىكى ياشلار بۇنىڭدىن قاتتىق تەسىرلەندى، بىزمۇ بۇ پائالىيەتنىڭ ئەھمىيىتىنىڭ زور بولغانلىقىنى ھېس قىلدۇق.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى