قىزىق نوقتا خەۋەرلىرى

ئاپتونوم رايون چاغاننى كۈتۈۋېلىش مۇناسىۋىتى بىلەن ئارمىيە- يەرلىك سۆھبەت يىغىنى ئۆتكۈزدى

2018-02-13 20:13:44     مەنبەسى: شىنجاڭ خەلق رادىيو ئىستانسىسى   

چېن چۈەنگو سۆھبەت يىغىنىغا قاتناشتى ھەم سۆز قىلدى، شۆھرەت زاكىر، شاۋكەت ئىمىن، نۇرلان ئەبىلمەجىن، سۈن جىنلۇڭ، جۇ خەيلۈن، لى پېڭشىن سۆھبەت يىغىنىغا قاتناشتى

 ئاپتونوم رايون 2- ئاينىڭ 10- كۈنى چاغاننى كۈتۈۋېلىش مۇناسىۋىتى بىلەن ئارمىيە- يەرلىك سۆھبەت يىغىنى ئۆتكۈزدى. ئاپتونوم رايونلۇق پارتكومنىڭ شۇجىسى، شىنجاڭ ھەربىي رايونى پارتكومىنىڭ 1- شۇجىسى، شىنجاڭ ئىشلەپچىقىرىش- قۇرۇلۇش بىڭتۈەنى پارتكومىنىڭ 1- شۇجىسى، 1- سىياسىي كومىسسار چېن چۈەنگو سۆھبەت يىغىنىغا قاتناشتى ھەم سۆز قىلدى.

(مۇخبىرىمىز سۈي جىجيەن فوتوسى)

 

مۇخبىرىمىز ياۋ تۇڭ خەۋەر قىلىدۇ: چاينىڭ خۇش ھىدى ئەتراپنى بىر ئالدى، بېلىق بىلەن سۇدەك يېقىن مۇناسىۋەت قەلبلەرگە چوڭقۇر ئورنىدى. ئاپتونوم رايون 2- ئاينىڭ 10- كۈنى چۈشتىن بۇرۇن چاغاننى كۈتۈۋېلىش مۇناسىۋىتى بىلەن ئارمىيە- يەرلىك سۆھبەت يىغىنى ئۆتكۈزدى، چاغاننى خۇشال- خۇرام كۈتۈۋېلىپ، ئارمىيە بىلەن خەلقنىڭ بېلىق بىلەن سۇدەك يېقىن مۇناسىۋىتىنى ئىزھار قىلدى، شىنجاڭنىڭ مۇقىملىق، تەرەققىيات ئۇلۇغۋار پىلانىنى ئورتاق مەسلىھەتلەشتى.

  ئاپتونوم رايونلۇق پارتكومنىڭ شۇجىسى، شىنجاڭ ھەربىي رايونى پارتكومىنىڭ 1- شۇجىسى، شىنجاڭ ئىشلەپچىقىرىش- قۇرۇلۇش بىڭتۈەنى پارتكومىنىڭ 1- شۇجىسى، 1- سىياسىي كومىسسار چېن چۈەنگو سۆھبەت يىغىنىغا قاتناشتى ھەم سۆز قىلدى، ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر سۆھبەت يىغىنىغا رىياسەتچىلىك قىلدى. ئاپتونوم رايوننىڭ پارتىيە، ھۆكۈمەت، ئارمىيە رەھبەرلىرىدىن شاۋكەت ئىمىن، نۇرلان ئەبىلمەجىن، سۈن جىنلۇڭ، جۇ خەيلۈن، لى پېڭشىن، ليۇ ۋەنلۇڭ، لى ۋېي، شۈ خەيرۇڭ، ما شۆجۈن، تيەن ۋېن، سارقىت ئاقان، جاڭ چۈنلىن، جارۇللا ھېسامىدىن قاتارلىقلار سۆھبەت يىغىنىغا قاتناشتى.

  سۆھبەت يىغىنى ئېچىلىشتىن بۇرۇن، چېن چۈەنگو، شۆھرەت زاكىر قاتارلىقلار شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىنىڭ رەھبەرلىرى بىلەن سەمىمىي قول ئېلىشىپ كۆرۈشۈپ، ئۆزئارا چاغانلىق تىلەك تىلىدى.

  چېن چۈەنگو سۆزىدە ئاپتونوم رايونلۇق پارتكوم، خەلق قۇرۇلتىيى، خەلق ھۆكۈمىتى، سىياسىي كېڭەش، بىڭتۈەن ۋە شىنجاڭدىكى ھەر مىللەت خەلققە ۋاكالىتەن، شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىدىكى بارلىق ئوفىتسېر- ئەسكەرلەر، قىسىمدىن دەم ئېلىشقا، پېنسىيەگە چىققان كادىرلار، قۇربان بولغان ھەربىيلەرنىڭ ئائىلە تاۋابىئاتى، مېيىپ ھەربىيلەر، ھەربىيدىن كەسىپ ئالماشقانلار، ھەربىيدىن قايتقانلار، ھەربىيدىن چېكىنگەنلەر، خەلق ئەسكەرلىرى زاپاس خادىملىرىغا چاغانلىق بەخت ۋە گۈزەل تىلەكلەرنى تىلىدى، چاغان مەزگىلىدە خىزمەت ئورنىدا چىڭ تۇرغان ۋە ۋەتەننىڭ چېگرا مۇداپىئە 1- سېپىدە چېگرا مۇداپىئەسىدە تۇرۇۋاتقان يولداشلاردىن سەمىمىي ھال سورىدى ھەم ئۇلارغا ئالىي ئېھتىرام بىلدۈردى.

  چېن چۈەنگو مۇنداق دېدى: ئەمدىلا ئۆتۈپ كەتكەن بىر يىلدا، ئاپتونوم رايونلۇق پارتكوم يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ كۈچلۈك رەھبەرلىكىدە، ئاپتونوم رايونىمىزدىكى ھەر مىللەت خەلقنى ئىتتىپاقلاشتۇرۇپ ۋە يېتەكلەپ، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە 19- قۇرۇلتىيىنىڭ روھىنى چوڭقۇر ئىزچىللاشتۇرۇپ ۋە ئەمەلىيلەشتۈرۈپ، باش شۇجى شى جىنپىڭنىڭ شىنجاڭ خىزمىتى توغرىسىدىكى مۇھىم سۆزى ۋە مۇھىم يوليورۇقىنىڭ روھىنى ئىزچىللاشتۇرۇپ ۋە ئەمەلىيلەشتۈرۈپ، پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى، بولۇپمۇ ئىجتىمائىي مۇقىملىق ۋە ئەبەدىي ئەمىنلىك باش نىشانىنى ئىزچىللاشتۇرۇپ ۋە ئەمەلىيلەشتۈرۈپ، ئۇنىۋېرسال تەدبىر قوللىنىپ، «بىرىكمە مۇشت» ئېتىپ، تۈرلۈك ئىشلاردا يېڭى نەتىجىلەرنى قولغا كەلتۈردى. بۇ نەتىجىلەرنىڭ قولغا كەلتۈرۈلۈشى يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ كۈچلۈك رەھبەرلىكىنىڭ نەتىجىسى، پۈتۈن مەملىكەتتىكى ھەر مىللەت خەلقنىڭ خالىس ياردىمىنىڭ نەتىجىسى، ئاپتونوم رايونىمىزدىكى ھەر مىللەت كادىرلار ۋە ئاممىنىڭ ئىتتىپاقلىشىپ كۈرەش قىلغانلىقىنىڭ نەتىجىسى، شۇنداقلا ئۇنىڭغا شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىدىكى بارلىق ئوفىتسېر- ئەسكەرلەرنىڭ قان- تەرى سىڭگەن.

  چېن چۈەنگو مۇنۇلارنى كۆرسەتتى: بىر يىلدىن بۇيان، شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىدىكى ئوفىتسېر- ئەسكەرلەر پارتىيە مەركىزىي كومىتېتى، مەركىزىي ھەربىي كومىتېت ۋە رەئىس شى جىنپىڭنىڭ كۈچلۈك رەھبەرلىكىدە، شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنى ئومۇميۈزلۈك ئىزچىللاشتۇرۇپ، پارتىيەنىڭ ئارمىيەگە بولغان مۇتلەق رەھبەرلىكىدە چىڭ تۇرۇپ، تۈرلۈك ئىسلاھات ۋەزىپىسىنى قەتئىي ئەمەلىيلەشتۈرۈپ، ھەربىي كۈرەش تەييارلىقىنى كۈچەيتىپ، ھەربىي تەلىم، ئۇرۇش تەييارلىقىنى ئەمەلىي ئۇرۇش ئالاھىدىلىكىگە ئىگە قىلىشنى چىڭ تۇتۇپ، قىسىمنىڭ زامانىۋىلىشىش قۇرۇلۇشىنى پۇختا ئىلگىرى سۈردى، ئارمىيە بىلەن خەلقنىڭ يۇغۇرما تەرەققىياتىنى ئالغا سىلجىتىپ، «ئۈچ قوشۇن»نىڭ رولىنى ئۈنۈملۈك جارى قىلدۇردى، ۋەتەننىڭ بىرلىكى ۋە زېمىن پۈتۈنلۈكىنى قوغداش، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنى ئىلگىرى سۈرۈشكە مۇھىم تۆھپە قوشۇپ، ئاپتونوم رايونىمىزدىكى ھەر مىللەت خەلقنىڭ كەڭ مەدھىيەسىگە ئېرىشتى. يېڭى بىر يىلدا، شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىنىڭ شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىنىڭ روھى بىلەن قىسىمنى قوراللاندۇرۇشتا چىڭ تۇرۇشىنى، شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنى ئىزچىللاشتۇرۇپ، «تۆت ئاڭ»نى مۇستەھكەم تۇرغۇزۇشىنى، رەئىس شى جىنپىڭنىڭ قوماندانلىقىغا باشتىن- ئاخىر بويسۇنۇپ، رەئىس شى جىنپىڭنىڭ ئالدىدا مەسئۇل بولۇپ، رەئىس شى جىنپىڭنى خاتىرجەم قىلىشىنى، چاقىرغان ھامان كېلىدىغان، كەلگەن ھامان جەڭ قىلالايدىغان، جەڭدە غەلىبە قىلالايدىغان سەر خىل قوشۇن قۇرۇشىنى، پارتىيەنىڭ قوماندانلىقىغا بويسۇنىدىغان، جەڭدە غەلىبە قىلالايدىغان، ئىستىلى ئېسىل، ئېغىر سىناقلارغا بەرداشلىق بېرەلەيدىغان قىسىم قۇرۇپ، چېگرانى قوغداش، دۆلەت مۇداپىئەسىنى مۇستەھكەملەش، مۇقىملىقنى قوغداشنىڭ پولات سېپىلىنى مۇستەھكەملىشىنى ئۈمىد قىلىمەن.

  چېن چۈەنگو مۇنۇلارنى تەكىتلىدى: ئاپتونوم رايونىمىزدىكى ھەر دەرىجىلىك تارماقلار ئارمىيە خەلقنى سۆيۈش، خەلق ئارمىيەنى ھىمايە قىلىشتەك شەرەپلىك ئەنئەنىنى كۈچەپ ئەۋج ئالدۇرۇپ، دۆلەت مۇداپىئەسى ۋە ئارمىيە قۇرۇلۇشىغا ئىلگىرىكىدەكلا كۆڭۈل بۆلۈپ، ئارمىيە بىلەن يەرلىك «بىر تاختا شاھمات» ئىدىيەسىنى مۇستەھكەم تۇرغۇزۇپ، ئارمىيە بىلەن خەلقنىڭ يۇغۇرما تەرەققىياتىنى پۇختا ئىلگىرى سۈرۈپ، شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىم قۇرۇلۇشىنى پۈتۈن كۈچى بىلەن قوللاپ، قىسىم ۋە بارلىق ئوفىتسېر- ئەسكەرلەر، ھەربىيدىن قايتقانلار ۋە ھەربىيدىن كەسىپ ئالماشقانلار، ھەربىي قىسىمدىن دەم ئېلىشقا ۋە پېنسىيەگە چىققان كادىرلار، قوشۇن بىلەن بىللە تۇرىدىغان ئائىلە تاۋابىئاتلارنىڭ غەم- ئەندىشىسىنى تۈگىتىپ، ئارمىيە- خەلقنىڭ بېلىق بىلەن سۇدەك يېقىن بىر ئائىلە كىشىلىرىدەك بولۇش يېڭى ۋەزىيىتىنى ئۈزلۈكسىز يارىتىشى كېرەك.

  ئاپتونوم رايونلۇق پارتكوم دائىمىي كومىتېتىنىڭ ئەزاسى، شىنجاڭ ھەربىي رايونىنىڭ سىياسىي كومىسسارى لى ۋېي، ئىستراتېگىيەلىك ياردەمچى قىسىم 21- سىناق مەشىق بازىسىنىڭ سىياسىي كومىسسارى كۇڭ لىڭسەي، قوراللىق ساقچى قىسىم شىنجاڭ باش ئەترىتىنىڭ سىياسىي كومىسسارى ۋاڭ ئەيگو، ھاۋا ئارمىيەسى ئۈرۈمچى بازىسىنىڭ سىياسىي كومىسسارى تاۋ داپېڭ، قوراللىق ساقچى قىسىم بىڭتۈەن باش ئەترىتىنىڭ سىياسىي كومىسسارى رېن يەنبو شىنجاڭدا تۇرۇشلۇق قىسىملارغا ۋاكالىتەن سۆز قىلىپ، شىنجاڭدا تۇرۇشلۇق خەلق ئازادلىق ئارمىيەسى ۋە قوراللىق ساقچى قىسىمىدىكى ئوفىتسېر- ئەسكەرلەرنىڭ قەتئىي بىردەك ئەگىشىپ، يادرونى قوغداش، بارلىق ھەرىكەتلەردە پارتىيە مەركىزىي كومىتېتى، مەركىزىي ھەربىي كومىتېت ۋە رەئىس شى جىنپىڭنىڭ قوماندانلىقى، بۇيرۇقىغا بويسۇنىدىغان مۇستەھكەم سىياسىي مەيدانىنى تولۇق ئىپادىلىدى؛ رەئىس شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنىڭ يېتەكچىلىكىدە، قىسىم ئىسلاھاتى قۇرۇلۇشى، ھەربىي تەلىم، ئۇرۇش تەييارلىقى جەھەتتە قولغا كەلتۈرگەن يېڭى ئۈنۈم، يېڭى قىياپىتىنى تولۇق نامايان قىلدى؛ شىنجاڭدا تۇرۇشلۇق قىسىملارنىڭ ۋەتەننىڭ بىرلىكى ۋە زېمىن پۈتۈنلۈكىنى قوغداش، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنى ئىلگىرى سۈرۈش ئىشەنچى ۋە ئىرادىسىنى تولۇق ئەكس ئەتتۈردى ھەم ئاپتونوم رايونلۇق پارتكوم، خەلق ھۆكۈمىتى ۋە ئاپتونوم رايوندىكى ھەر مىللەت خەلققە چاغانلىق بەخت تىلىدى. كۆپچىلىك مۇنداق بىلدۈردى: يېڭى بىر يىلدا، رەئىس شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىنىڭ روھىنى ئەستايىدىل ئۆگىنىپ ۋە ئىزچىللاشتۇرۇپ، شى جىنپىڭنىڭ ئارمىيەنى قۇدرەت تاپقۇزۇش ئىدىيەسىنى تۈپ يېتەكچى قىلىپ، «تۆت ئاڭ»نى كۈچەيتىپ، ئەمەلىي ئۇرۇش ئالاھىدىلىكىگە ئىگە قىلىنغان ھەربىي مەشىقنى، ئىجتىمائىي مۇقىملىقنى قوغداشنى قەتئىي چىڭ تۇتۇپ، بوشاشتۇرۇپ قويماي، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكى ئۈچۈن تىرىشىپ يېڭى تۆھپە قوشىمىز.

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى