تۇرپان شەھىرى 2018- توك ئاپتوموبىللىرىغا توك قاچىلاش ئەسلىھەسىدىن 30نى قۇرىدۇ

ئىگىلىنىشىچە، تۇرپان شەھىرى 2018- توك ئاپتوموبىللىرىغا توك قاچىلاش ئەسلىھەسىدىن 30نى قۇرۇپ، ئېنېرگىيە تېجەپ، بۇلغىمىنى ئازايتىپ، يېشىل سەپەرگە چىقىش ئۈچۈن، ئۇل ئەسلىھە بىلەن تەمىنلەشكە كاپالەتلىك قىلىدىكەن. بۇ 30 توك ئاپتوموبىلىغا توك قاچىلاش ئەسلىھەلىرى قۇرۇلۇش نۇقتىسىدا جەمئىي 1327 ئاممىۋى توك قاچىلاش قوزۇقى ئورنىتىلىدىغان بولۇپ، بۇ قۇرۇلۇش تۈرى پۈتكەندىن كېيىن، 1900 توك ئاپتوموبىلىنىڭ توك قاچىلاش ئېھتىياجىنى قاندۇرالايدىكەن. نۆۋەتتە، تۇرپان شەھىرىدە يېڭى ئېنېرگىيەلىك توك ئاپتوموبىلىغا توك قاچىلاش پونكىتىدىن ئۈچى بار بولۇپ، ھەر قايسى توك قاچىلاش پونكىتلىرىغا 14 قوش تاپانچا شەكىللىك تېز توك قاچىلاش بىر گەۋدىلەشكەن ئەسلىھەلەر سەپلەنگەن.