قىزىق نوقتا خەۋەرلىرى

 جۇڭگو بالىلار ئەدەبىياتى ئەسەرلىرىنىڭ دۇنياغا يۈزلىنىپ، ئۇزاق تارخىقا ئىگە، ئىناق، مەدەنىي جۇڭگو ئوبرازىنى ۋە پارلاق، ئۆزگىچە جۇڭگو مەدەنىيىتىنى چەتئەللىك ئوقۇرمەنلەرگە نامايان قىلغانلىقى توغرىسىدا

2018-08-07 18:57:12     مەنبەسى: شىنجاڭ خەلق رادىيو ئىستانسىسى   

يېقىنقى يىللاردىن بۇيان، جۇڭگو يازغۇچىلىرىنىڭ «جۇڭگو بالىلار ھېكايىلىرىنى سۆزلەش» سەۋىيەسى ئۈزۈكسىز ئۆسۈپ، بۇ ئەسەرلەرنىڭ سېتىلىش سانى ئېشىپ، ياخشى باھاغا ئىرىشتى. جۇڭگونىڭ ئالاقىدار تارماقلىرى ئىلان قىلغان «مەملىكەت بۇيىچە ئاخبارات نەشرىيات كەسپىنىڭ 2016- يىلدىكى ئاساسى ئەھۋالى»دىن قارىغاندا، 2016- يىلى بالىلار ئوقوشلىقىغا ئائىت 7 مىليۇن 298 مىڭ 700 پارچە كىتاب چەتئەللەرگە چىقىرىلغان، بۇ چەتئەللەرگە چىقىرىلغان ئۇمۇمىي كىتاب سانىنىڭ %50.33نى ئىگىلەيدىكەن، بۇنىڭدىن كۆرىۋېلىشقا بولىدىكى، جۇڭگونىڭ بالىلار كىتابلىرى چەتئەللەردە كەڭ تارقالدى. جۇڭگونىڭ نۇرغۇن رومانلىرى ۋە ئىجادىي رەسىملىك كىتابلىرى تەسىرلىك ھىكايىلىرى، قويۇق جۇڭگو مەدەنىيىتى ئامىللىرى، ئىسىل ۋە پۇختا رەسساملىق ماھارىتى بىلەن دۇنيا بالىلار ئەدەبىياتى ساھەسىدە كۆزگە كۆرۈنىشكە باشلىدى، بەزىلىرى خەلقئارالىق ئىلغار سەۋىيىگە يەتتى.
 جۇڭگو بالىلار ئەدەبىياتىنى دۇنياغا يۈزلەندۈرۈشتىكى تىرىشچانلىق، ئالدى بىلەن بالىلار ھىكايىلىرىنىڭ مەزمۇن چۇڭقۇرلىقىنى قېزىشتا، خەلقئارا ئۆلچەم بىلەن جىپسىلاشتۇرۇلىشىدا ئىپادىلىنىدۇ. جۇڭگو بالىلار ئەدەبىياتىنىڭ چەتئەللەردە نەشىر قىلىنىشى ۋە تارقىتىلىشى تېخىمۇ شۇنداق، يازغۇچىلار دۇنيا ۋە ئىنسان تەبىئىتىنى ئۆزگىچە چۈشەندۈرۈش ئارقىلىق جۇڭگو ۋە غەربتىكى ئۆسمۈر ئوقۇرمەنلەرنىڭ ئورتاق ئالقىشىنى قوزغىدى. بۇ جەھەتتە، «خەلقئارا ئاندېرسىن موكاپاتى»غا ئىرىشكۈچى ساۋ ۋېنشۈەننىڭ رومانى ۋەكىللىك ئەھمىيەتكە ئىگە. ئۇنىڭ ئەسەرلىرىدىن «چىڭتوڭ بىلەن كۈيخۇا»نىڭ ئېنگىلىزچىسىنى ئەنگىلىيەنىڭ ۋوك شىركىتى 2015- يىلى نەشىر قىلدى، 2017- يىلى قايتا نەشىر قىلدى، ۋوك شىركىتى بۇ كىتابنى ئۆزلىرىنىڭ «دۇنيانىڭ ساداسى -- دۇنيا بۇيىچە ئەڭ گۈزەل رومانلار يۈرۈشى»گە كىرگۈزدى. بۇ كىتاب فرانسىيە، كورىيە، ئەنگىلىيە، گېرمانىيە، ئىتالىيە، ۋېيتنام قاتارلىق دۆلەتلەرنىڭ تىللىرىدا نەشىر قىلىنىپ شۇ دۆلەتلەرگە چىقىرىلدى.«چىڭتوڭ بىلەن كۈيخۇا»نىڭ ئېنگىلىز يېزىقىدىكى نۇسخىسى نەشىر قىلىنغاندىن بۇيان، غەرپ ئاخبارات ۋاستلىرىنىڭ كەڭ كۆلەمدە ياخشى باھاسىغا ئىرىشتى،2017- يىلى «نيويورك ۋاقتى گېزىتى»نىڭ بالىلار كىتابلىرى يىللىق رەت-تەرتىپى»گە كىرگۈزۈلۈپ ئىلان قىلىندى.  
مەزكۇر روماندا بالىلار نۇقتىسىدا تۇرۇپ قانداشلىق مۇناسىۋىتى بولمىغان ئاكا- سىڭىل يەنى شەھەرلىك قىزچاق كۈيخۇا بىلەن سەھرالىق ئوغول چىڭتوڭنىڭ ئۆسۈپ يىتىلىشى توغرىسىدىكى ھىكايە بايان قىلىنغان. يازغۇچى ئەسەردىكى قەھرىمانلارنىڭ جاپا- مۇشەققەتلەر بىلەن قەيسىرانە ئېلىشقانلىقىنى ئاجايىپ ماھارەت بىلەن تەسۋىرلەپ، ئادەم تەبىئىتىدىكى چىنلىق، ياخشىلىق، گۈزەللىكنى ھاياتى كۈچكە تولغان ۋە ئىللىق مىھرىبان قىلىپ تەسۋىرلىگەن. روماننىڭ «گۈزەللىكنىڭ ئازابى» ماۋزۇلۇق خاتىمىسىدە ساۋ ۋېنشۈەن «بالىلار ئەدەبىياتى بالىلارغا شاتلىق ئاتا قىلىدىغان ئەدەبىيات، بۇ يەردىكى شاتلىق تۇيغۇسى كومىدىيە شاتلىق تۇيغۇسىنىمۇ ھەم تراگىدىيە شاتلىق تۇيغۇسىنىمۇ ئۆز ئىچىگە ئالىدۇ؛ كىيىنكىسى بەزىدە ئالدىنقىسىدىنمۇ مۇھىم بولۇپ قالىدۇ» -دەپ يازغان. «نيويورك ۋاقتى گېزىتى» نىڭ بۇ كىتابقا بەرگەن باھاسىدا «چىڭتوڭ بىلەن كۈيخۇانىڭ خەتەرلىك سەرگۈزەشلىرىنى ئوقوغاندا كىشىلەر جۇڭگو يېزىلىرىنىڭ تۇرمۇشىغا چۆكۈپ كەتكەندەك بولىدۇ، مەيلى ياخشى ياكى يامان بولسۇن، ئۇلارنىڭ تۇرمۇشى ئادەتتە ئامىرىكا بالىلىرىنىڭ تۇرمۇشىغا ئوخشىماسلىقى مۇمكىن، لىكىن ھىسىيات ۋە مۇناسىۋەت ئورتاق» دېيىلگەن.
دۇنيا كۈتۈپخانىلىرى سانلىق مەلۇمات ئامبىرى سۇپىسىدىكى ئىزدەش نەتىجىسىدىن قارىغاندا، «چىڭتوڭ بىلەن كۈيخۇا» ناملىق روماندىن 825 پارچە ساقلانغان بولۇپ، 100دىن ئارتۇق چەتئەللىك ئوقورمەن ئامازون كىتابخانىسى ۋە Goodreads تورى ئوقورمەنلەر ئىجتىمائى ئالاقە سۇپىسىدا ئوبزور ئىلان قىلىپ، مەزكۇر كىتاپنىڭ دۆلەت چىگىرىسى ھالقىغان تارقىلىش كۈچى ۋە تەسىر كۈچىگە ئىگە ئىكەنلىكىنى مۇئەييەنلەشتۈرگەن. «چىڭتوڭ بىلەن كۈيخۇا»نىڭ مۇۋاپپەقىيىتى جۇڭگو بالىلار ئەدەبىياتىنىڭ دۇنياغا يۈزلىنىشىنى ئۆرنەك ۋە مۇمكىنچىلىك بىلەن تەمىنلىدى. ساۋ ۋېنشۈئەننىڭ يەنە بىر ئەسىرى «پەي» نىڭ ئىنگلىزچە نۇسخىسىنىمۇ 2017- يىلى پىنگۋىن لاندېڭ نەشرىيات گۇرۇھى تەرىپىدىن نەشىر قىلىندى ھەمدە خەلقارا بالىلار ئوقۇشلۇقى ئىتتىپاقى ئامېرىكا شۆبىسى ئېلان قىلغان 2018ـ يىللىق «خەلقارا كۆزگە كۆرۈنگەن بالىلار كىتابى مۇكاپاتى» غا ئېرىشتى.
جۇڭگونىڭ مۈنەۋۋەر بالىلار ئەدەبىياتى ئەسەرلىرى جۇڭگو ھىكايىسىنى سۆزلەپ، تىپىك ئەنئەنىۋى مەدەنىيەت ئامىللىرىنى قوللىنىپ، چەتئەللىك ئوقورمەنلەردە قىزىقىش قوزغىدى ۋە ئۇلارنىڭ تەدرىجىي قۇبۇل قىلىشىغا ئېرىشتى. «جەم بولوش» ناملىق رەسىملىك كىتابنى ئالىدىغان بولساق، بۇ كىتابنى يۈ لىچيۇڭ يازغان، كىتابنىڭ رەسىملىرىنى جۇ چېڭلياڭ سىزغان، ئۇنىڭدا سىرتقا ئىشلىگىلى كەتكەن ئاتىنىڭ ئۆيىگە قايتىپ كىلىپ ئائىلىسىدىكىلەر بىلەن جەم بولۇپ چاغاننى بىللە ئۆتكۈزگەنلىكى توغرىسىدىكى ھىكايە سۆزلەنگەن، ئەسەردە ئاتا ئىشلەپ ئائىلىنىڭ كەمتۈكلۈكلىرىنى ئاز- ئازدىن تولدۇرۇپ، قىزىنىڭ ئۆزىگە بولغان ئىشەنچىنى يېڭىۋاشتىن قولغا كەلتۈرىدۇ. كىتابنىڭ تىلى ئاددى، تەسۋىر ئىنچىكە بولۇپ، جۇڭخۇا مىللىتىنىڭ ئەنئەنىۋى مەدەنىيىتى بىلەن بالىلارنىڭ ئىچكى ھىسىياتى بىرلەشتۈرۈلگەن، شۇ ئارقىلىق بالىنىڭ نەزىرىدىكى بايرام شاتلىقى، ئائىلە ئىللىقلىقى ۋە ئۇرۇق تۇققانلار جەم بولۇش خوشاللىقى ئەكىس ئەتتۈرۈلگەن. «جەم بولوش»نىڭ ئېنگىلىزچە نۇسخىسى «نيويورك ۋاقتى گېزىتى» نىڭ2011- يىللىق «ئەڭ ياخىش بالىلار رەسىملىك ئوقوشلىقى» قاتارىغا كىرگۈزۈلگەن، بۇ «نيويورك ۋاقتى گېزىتى» بۇ پائالىيەتنى يولغا قويغاندىن بۇيان جۇڭگۇدىن تۇنجى قېتىم «ئەڭ ياخشى بالىلار رەسىملىك ئوقۇشلىقى» قاتارىغا كىرگەن ئەسەردۇر. قىسقىغىنە بىر قانچە يىلدا ياپونىيە، كورىيە، ئەنگىلىيە قاتارلىق دۆلەتلەر بۇ كىتابنى كىرگۈزۈپ نەشىر قىلدى،   بۇ يىل 7- ئايغىچە، «جەم بولۇش» ناملىق كىتابنىڭ دۇنيا كۈتۈپخانىسىدىكى ساقلىنىش سانى 1 مىڭ 541غا يىتىپ، چەتئەللەرگە كەڭ تارقالدى. ھەيلى ئىسىملىك بىر ئوقورمەن «بۇ ھىكايىدە بىر ئائىلە كىشىلىرىنىڭ جەم بولغاندىكى خۇشاللىقى ۋە قايغۇسى ھەم بايرام شاتلىقى سۆزلىنىپتۇ» دېدى. ئارىي ئان ئىسىملىك بىر ئوقورمەن «بالىلار بۇ ياخشى كىتابتىن چاغاننى تەبرىكلەشنىڭ جۇڭگودا قانچىلىك مۇھىملىقىنى چۈشىنىۋالالايدۇ» -دېدى.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى