قىزىق نوقتا خەۋەرلىرى

 تومۇز ياز كۈنلىرىدىكى ئەڭ ياخشى يېمەكلىك ـــــ شىنجاڭنىڭ يەرلىك ماروژنىسى

2018-09-30 16:44:44     مەنبەسى: شىنجاڭ خەلق رادىيو ئىستانسىسى   

شىنجاڭنىڭ چوڭ ـ كىچىك بازارلىرىدا، سوغۇق ئىچىملىك يايمىسى ياكى سوغۇق ئىچىملىك دۇكانلىرىدىكى جاۋۇرغا دۆۋلەپ قويۇلغان مارۇژنى كۆزگە چېلىقىدۇ ھەمدە ئۆتكەن كەچكەنلەرنى ئۆزىگە جەلپ قىلىدۇ. مانا بۇ شىنجاڭنىڭ يەرلىك ماروژنىسى!
بۇ مارۇژنى ناھايىتى ئەرزان بولۇپ، ئىككى، ئۈچ يۈەنگە بىر ئىستاكان مارۇژنى ئالالايسىز، خوجايىن بىر دۆۋە ماروژنىنىڭ ئەڭ ئۈستىدىن يوغان بىر قوشۇق ئېلىپ، قەغەز ئىستاكانغا سېلىپ بېرىدۇ، مارۇژنىدىن بىر قوشۇق ئېلىپ يېگىنىڭىزدە، مارۇژنى ئاغزىڭىزنىڭ ئىچىدە ئاستا- ئاستا ئېرىپ، قويۇق سۈتنىڭ تەمى ئاغزىڭىزدا قالىدۇ، ئاندىن مۇزدەك بىر سېزىم پۈتۈن بەدىنىڭىزگە تارايدۇ، بۇنداق راھەت سېزىم ئۇزاققىچە ئېسىڭىزدىن كەتمەيدۇ.
 يەرلىك ماروژنىنىڭ ياسىلىشى ناھايىتى ئاددىي بولۇپ، ئاق شېكەر، ئۇن، سۈت قاتارلىقلار سۇ بىلەن ئارىلاشتۇرۇلۇپ، تۇڭسىمان توڭلىتىش ماشىنىسىغا تۆكىلىدۇ. ماشىنا ماتورنىڭ تۈرتكىسىدە توختىماي ئايلىنىدۇ، بۇ جەرياندا كالتەك بىلەن توختىماي ئارىلاشتۇرۇشقا توغرا كېلىدۇ، ئاخىرىدا مۇزنىڭ سوۋۇتۇشى ئاستىدا، تەييارلاپ قويۇلغان ماتېرىياللار قېتىشىپ ماروژنىغا ئايلىنىدۇ، ئاندىن ئۇستام مارۇژنىنى چوڭ ياغاچ قوشۇق بىلەن سوۋۇتۇش ماشىنىسىدىن جاۋۇرغا ئۇسۇپ، خېرىدار ساقلايدۇ.
ئىلگىرى سوۋۇتۇش ماشىنىسى يوق ئىدى. ماروژنى سوۋۇتۇشقا ئىشلىتىلىدىغان ماشىنا ئىككى قەۋەت بولۇپ، ئىچىدىكىسى «ئىچكى ئەزا» غا ئوخشايدۇ، مىستىن ياسىلىدۇ، خام ماتېرىيال سېلىشقا ئىشلىتىلىدۇ، سىرتقى كۆرۈنۈشى چوڭ سوغىغا ئوخشايدۇ، ئوتتۇرىسىدىكى بوشلۇققا مۇز سېلىنىپ، سوۋۇتۇشقا ئىشلىتىلىدۇ. ھازىر ئارىلاشتۇرۇش ماشىنىسى بارلىققا كېلىپ، كۆپ قولايلىقلارنى ئېلىپ كەلدى. ئەمما ماروژنىنىڭ خام ماتېرىيالى ئازراقمۇ ئۆزگەرگىنى يوق، يەنىلا ئەجدادلار قالدۇرۇپ كەتكەن خام ماتېرىياللارغا قاتتىق ئەمەل قىلىش ئاساسىدا، خۇرۇچ ۋە تەم تەڭشىگۈچ قوشمىغان ھالدا تەييارلىنىدۇ.تومۇز ياز كۈنلىرى شىنجاڭغا كېلىپ قالسىڭىز، قولدا ياسالغان ماروژنىنى تېتىپ بېقىشنى ھەرگىز ئۇنتۇپ قالماڭ.

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى