قىزىق نوقتا خەۋەرلىرى

بەش تەكشۈرۈش گۇرۇپپىسى بېكىتىلگەن ئورۇنلارغا يېتىپ باردى ھەمدە تەكشۈرۈش خىزمىتىنى باشلىدى

2017-09-11 19:48:02     مەنبەسى: شىنجاڭ خەلق رادىيو ئىستانسىسى   
ئىستانسىمىز خەۋىرى:
ئاپتونوم رايوننىڭ «ھۆكۈمەت خىزمىتىدىن دوكلات»تىكى نۇقتىلىق ۋەزىپىلەرنى ئورۇنداش ئەھۋالىنى ئەمەلىي تەكشۈرۈشكە سەپەرۋەر قىلىش ئورۇنلاشتۇرۇشىغا ئاساسەن، بەش تەكشۈرۈش گۇرۇپپىسى مۇشۇ ئاينىڭ 6- كۈنى بېكىتىلگەن ئورۇنلارغا يېتىپ باردى ھەمدە 9-ئاينىڭ 7-كۈنى تەكشۈرۈش خىزمىتىنى باشلىدى.
ئورۇنلاشتۇرۇشقا  ئاساسەن، ئاپتونوم رايونلۇق خەلق ھۆكۈمىتى مۇشۇ ئاينىڭ 6- كۈنىدىن 20- كۈنىگىچە، ئاپتونوم رايونىمىزدىكى 14 ۋىلايەت، ئوبلاست، شەھەرنىڭ «ھۆكۈمەت خىزمىتىدىن دوكلات»نى ئەمەلىيلەشتۈرۈش، نۇقتىلىق خىزمەتلەرنى قانات يايدۇرۇش ئەھۋالىنى ئەمەلىي تەكشۈرىدۇ. بۇ قېتىم ئۆلكە دەرىجىلىك رەھبەرلەر ئۆمەك باشلاپ بەش گۇرۇپپىغا بۆلۈنۈپ، «ھۆكۈمەت خىزمىتىدىن دوكلات»تىكى نۇقتىلىق ۋەزىپىلەرنىڭ مىقدارلاشقان كۆرسەتكۈچلىرىنىڭ ئورۇندىلىش ئەھۋالىنى چۆرىدەپ، تەمىنلەش ھالقىسىدىكى يان قۇرۇلمىلىق ئىسلاھاتنى ئىلگىرى سۈرۈش، ئومۇمىي ئېھتىياجنى مۇۋاپىق كۆپەيتىش، يېڭى، كونا ھەرىكەت ئېنېرگىيەسىنىڭ ئالمىشىشىنى ئىلگىرى سۈرۈش، خەلق تۇرمۇشىنى كاپالەتلەندۈرۈش ۋە ياخشىلاش، نۇقتىلىق ساھەلەردە خەتەرنىڭ ئالدىنى ئېلىشتىن ئىبارەت بەش جەھەتتىن خىزمەتلەرنىڭ ئەمەلىيلىشىش ئەھۋالىنى تەكشۈرىدۇ.
بىرىنچى تەكشۈرۈش گۇرۇپپىسى خوتەن ۋىلايىتى، قەشقەر ۋىلايىتى ۋە قىزىلسۇ قىرغىز ئاپتونوم ئوبلاستىنى تەكشۈرۈشنىڭ خىزمەت لايىھىسىنى تۈزدى. 9-ئاينىڭ 7-كۈنى سۆھبەت يىغىنى ئېچىش ئۇسۇلى ئارقىلىق، خوتەن ۋىلايىتىنىڭ «ھۆكۈمەت خىزمىتىدىن دوكلات»تىكى نوقتىلىق ۋەزىپىلەرنى ئەمەلىيلەشتۈرۈش ئەھۋالىنى تەكشۈردى.
ئىككىنچى تەكشۈرۈش گۇرۇپپىسى ئالتاي ۋىلايىتى، تارباغاتاي ۋىلايىتى، قاراماي شەھىرىنى تەكشۈرۈشكە مەسئۇل بۇلدى. نۆۋەتتە، ئىككىنچى تەكشۈرۈش گۇرۇپپىسى ئالتاي ۋىلايىتىگە يېتىپ باردى ھەمدە تەكشۈرۈش خىزمىتىنى تەشكىللەپ قانات يايدۇردى.
ئۈچىنچى تەكشۈرۈش گۇرۇپپىسى قۇمۇل شەھىرى، تۇرپان شەھىرى، ئۈرۈمچى شەھىرىدە تەكشۈرۈشنى قانات يايدۇرۇشقا مەسئۇل بۇلدى. مۇشۇ ئاينىڭ 6- كۈنى، 3- تەكشۈرۈش گۇرۇپپىسى ئۈرۈمچى شەھىرىگە ئورۇنلىشىپ، ئۈرۈمچى شەھىرىنىڭ ئاپتونوم رايوننىڭ «ھۆكۈمەت خىزمىتىدىن دوكلات»نى ئەمەلىيلەشتۈرۈشىدىكى 5 چوڭ تۈرىدىكى 27 نوقتىلىق تەكشۈرۈش تۈرىنى بىرمۇ- بىرمۇ رەتلەپ تۈرلەرگە ئايرىپ ئەمەلىيلەشتۈردى.
تۆتىنچى تەكشۈرۈش گۇرۇپپىسى ئىلى قازاق ئاپتونوم ئوبلاستى، بورتالا مۇڭغۇل ئاپتونوم ئوبلاستى، سانجى خۇيرۇ ئاپتونوم ئوبلاستىنى تەكشۈرۈشكە مەسئۇل بولدى. تەكشۈرۈش گۇرۇپپىسىدىكىلەر مۇشۇ ئاينىڭ 6- كۈنى ئىلى قازاق ئاپتونوم ئوبلاستىغا يېتىپ بېرىپ تەكشۈرۈش خىزمىتىنى قانات يايدۇردى ھەمدە تەكشۈرۈش خىزمەت لايىھىسىنى يەنىمۇ تەپسىلىيلەشتۈرۈپ، خىزمەت ھىساباتى ئورنىتىپ، تۈرلۈك تەكشۈرۈش خىزمىتىنى پۇختا، ياخشى ئىشلەشنى تەلەپ قىلدى. تۆتىنچى تەكشۈرۈش گۇرۇپپىسى تېلېفون ۋە پوچتا ساندۇقى نومۇرىنى ئېلان قىلىپ، جەمئىيەتتىكى ھەر ساھەدىكى زاتلارنىڭ ئەھۋال ئىنكاس قىلىشىنى قارشى ئالىدىغانلىقىنى بىلدۈردى.بەشىنچى تەكشۈرۈش گۇرۇپپىسى بايىنغۇلىن مۇڭغۇل ئاپتونوم ئوبلاستى ۋە ئاقسۇ ۋىلايىتىنى تەكشۈرۈشكە مەسئۇل بولدى. تەكشۈرۈش گۇرۇپپىسى مۇشۇ ئاينىڭ 6- كۈنى چۈشتىن كېيىن، ئاقسۇ ۋىلايىتىنىڭ ئالاقىدار تارماقلىرىنىڭ مەسئۇللىرى بىلەن ئۇچرىشىش يىغىنى ئاچتى. 9-ئاينىڭ 7-كۈنى ئايرىم ھالدا ئاقسۇ ۋىلايىتى ۋە ئاقسۇ شەھىرىنىڭ ئالاقىدار تارماقلىرى بىلەن سۆھبەت يىغىنى ئېچىپ، ماتىرىيال تەكشۈرۈش، نەق مەيداننى تەكشۈرۈش، ئەمەلىي زىيارەت قىلىش قاتارلىق شەكىللەردە تەكشۈرۈشنى قانات يايدۇرۇپ، تۈر نەق مەيدانى ۋە كارخانىلار ئالدىنقى سېپىگە چوڭقۇر چۆكۈپ، «ھۆكۈمەت خىزمىتىدىن دوكلات»تىكى نوقتىلىق ۋەزىپىلەرنىڭ ئەمەلىيلىشىش ئەھۋالىنى ئىگىلىدى.
[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى