قىزىق نوقتا خەۋەرلىرى

ليۇ يۈنشەن يۈننەن ۋەكىللەر ئۆمىكىنىڭ مۇزاكىرىسىگە قاتناشتى

2017-10-19 18:56:23     مەنبەسى: شىنجاڭ خەلق رادىيو ئىستانسىسى   

شىنخۇا ئاگېنتلىقى، بېيجىڭ، 18- ئۆكتەبىر تېلېگراممىسى. يولداش ليۇ يۈنشەن 10- ئاينىڭ 18- كۈنى چۈشتىن كېيىن پارتىيە 19- قۇرۇلتىيىغا قاتنىشىۋاتقان ئۆزى تۇرۇشلۇق يۈننەن ۋەكىللەر ئۆمىكىنىڭ مۇزاكىرىسىگە قاتناشقاندا مۇنداق دېدى: شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسىنى ئەستايىدىل ئۆگىنىپ ۋە ئۆزلەشتۈرۈپ، يېڭى دەۋر، يېڭى بۇرچ، يېڭى مۇساپىنى چوڭقۇر ئىگىلەپ، ئىدىيە ۋە ھەرىكەتنى پارتىيە 19- قۇرۇلتىيىنىڭ روھى ئاساسىدا ھەقىقىي بىرلىككە كەلتۈرۈش كېرەك.

  10- ئاينىڭ 18- كۈنى چۈشتىن كېيىن، يۈننەن ۋەكىللەر ئۆمىكىدىكى ۋەكىللەر پارتىيە 19- قۇرۇلتىيىنىڭ دوكلاتىنى چۆرىدەپ قىزغىن مۇزاكىرە قىلدى. چېن خاۋ، رۈەن چېڭفا، گاۋ دېرۇڭ قاتارلىق يولداشلار ئىلگىرى- كېيىن سۆز قىلدى. ليۇ يۈنشەن ۋەكىللەرنىڭ سۆزىنى ئاڭلىغاندىن كېيىن مۇنداق دېدى: يولداش شى جىنپىڭنىڭ دوكلاتىدا تارىخ ۋە دەۋر يۈكسەكلىكىدە تۇرۇپ، يېڭى دەۋر جۇڭگوچە سوتسىيالىزمى ئىدىيەسى ۋە ئۇنىڭ ئاساسلىق تەدبىرلىرى ئېنىق ئوتتۇرىغا قويۇلۇپ، يېڭى دەۋر جۇڭگوچە سوتسىيالىزمىغا دائىر بىر قاتار مۇھىم نەزەرىيەۋى ۋە ئەمەلىي مەسىلىلەرگە چوڭقۇر جاۋاب بېرىلدى، ئۇ بايراق ئېگىز كۆتۈرۈلگەن، يۆنىلىش كۆرسىتىپ بېرىلگەن، تەدبىرلەر ئېنىق بولغان، ئۇلۇغۋار پىلانلار سۈرەتلەنگەن ياخشى دوكلات، ماركسىزم چاقناپ تۇرغان پىروگرامما خاراكتېرلىك ھۆججەت، يېڭى دەۋردە جۇڭگوچە سوتسىيالىزمنىڭ ئۇلۇغ غەلىبىسىنى قولغا كەلتۈرۈشتىكى سىياسىي خىتابنامە ۋە ھەرىكەت پىروگراممىسى. بىز بۇ دوكلاتنى ئەستايىدىل ئۆگىنىپ ۋە ئۆزلەشتۈرۈپ، قەتئىي ئىزچىللاشتۇرۇشىمىز ۋە ئەمەلىيلەشتۈرۈشىمىز كېرەك.

  ليۇ يۈنشەن مۇنداق دېدى: پارتىيە 18- قۇرۇلتىيىدىن بۇيان، پارتىيە ۋە دۆلەت ئىشلىرىدىكى تارىخىي ئۆزگىرىشلەر، قولغا كەلتۈرۈلگەن تارىخىي نەتىجىلەر پارتىيەمىز تارىخىدا، جۇڭخۇا خەلق جۇمھۇرىيىتىنىڭ تارىخىدا ۋە جۇڭخۇا مىللىتىنىڭ تارىخىدا ئابىدە خاراكتېرلىك ئەھمىيەتكە ئىگە. بۇ نەتىجىلەرنىڭ قولغا كەلتۈرۈلۈشىدىكى تۈپ سەۋەب − باش شۇجى شى جىنپىڭدىن ئىبارەت كۈچلۈك يادرونىڭ يېتەكچىلىكى، پارتىيە مەركىزىي كومىتېتىنىڭ مەركەزلىك بىرتۇتاش رەھبەرلىكى بولغانلىقىدا، بۇ، جۇڭگو كوممۇنىستىك پارتىيەسىنىڭ رەھبەرلىكى ۋە جۇڭگوچە سوتسىيالىزمنىڭ ئۆزگىچە ئەۋزەللىكىنى يەنىمۇ نامايان قىلدى.

  ليۇ يۈنشەن مۇنداق دېدى: پارتىيە 19- قۇرۇلتىيىنىڭ دوكلاتىدا جۇڭگوچە سوتسىيالىزمنىڭ يېڭى دەۋرگە قەدەم قويغانلىقى ئوتتۇرىغا قويۇلدى. بۇ، پارتىيە ۋە دۆلەتنىڭ تەرەققىياتتىكى تارىخىي ئورنىنى ئىخچام يىغىنچاقلىغانلىق. يېڭى دەۋرنى تونۇش ۋە چۈشىنىشتە مۇھىمى، يېڭى پەللە، يېڭى بۇرچ، يېڭى مۇساپىنى ئىگىلەش كېرەك. جۇڭگوچە سوتسىيالىزمنىڭ يېڭى تەرەققىيات باسقۇچىغا قەدەم قويغانلىقىنى، پارتىيە ۋە دۆلەت ئىشلىرىنىڭ يېڭى تارىخىي پەللىدە تۇرۇۋاتقانلىقىنى چوڭقۇر تونۇش؛ ئۇلۇغ كۈرەشلەرنى قىلىش، ئۇلۇغ قۇرۇلۇش قىلىش، ئۇلۇغ ئىشلارنى ئىلگىرى سۈرۈش، ئۇلۇغ ئارزۇنى ئەمەلگە ئاشۇرۇشتا ھازىرقى زامان جۇڭگو كوممۇنىستلىرىنىڭ مۇقەددەس بۇرچنى زىممىسىگە ئالغانلىقىنى چوڭقۇر تونۇش؛ ئومۇميۈزلۈك ھاللىق جەمئىيەت قۇرۇشتا ھەل قىلغۇچ غەلىبە قىلىپ، ئومۇميۈزلۈك سوتسىيالىستىك زامانىۋىلاشقان دۆلەت قۇرۇشنىڭ يېڭى مۇساپىسىنى باشلاشنىڭ ۋەزىپىسى، نىشانىنى چوڭقۇر تونۇش؛ يېڭى دەۋردە پارتىيەنىڭ يېڭى ئىشلارنى قىلىشقا توغرا كېلىدىغانلىقى، پارتىيەنىڭ سىياسىي قۇرۇلۇشىنى يېتەكچى قىلىپ، پارتىيە قۇرۇلۇشىنى ئومۇميۈزلۈك كۈچەيتىپ، پارتىيەنى قەتئىي تەۋرەنمەي ئومۇميۈزلۈك قاتتىق ئىدارە قىلىشقا توغرا كېلىدىغانلىقىنى چوڭقۇر تونۇش كېرەك.

  ليۇ يۈنشەن مۇنداق دېدى: يېڭى دەۋر يېڭى نەزەرىيەنى ۋۇجۇدقا چىقىرىدۇ، يېڭى نەزەرىيە يېڭى ئەمەلىيەتكە يېتەكچىلىك قىلىدۇ. شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسى ماركسىزمنىڭ يېڭى مەنزىلى، جۇڭگوچە سوتسىيالىزمنىڭ يېڭى مەنزىلى، پارتىيەنىڭ دۆلەتنى ئىدارە قىلىش، ھاكىمىيەت يۈرگۈزۈش يېڭى مەنزىلى، پارتىيەنى باشقۇرۇش، پارتىيەنى ئىدارە قىلىش يېڭى مەنزىلىنى ئاچتى. پارتىيە 19- قۇرۇلتىيىدا شى جىنپىڭنىڭ يېڭى دەۋر جۇڭگوچە سوتسىيالىزمى ئىدىيەسى پارتىيەنىڭ جەزمەن ئۇزاققىچە چىڭ تۇرىدىغان يېتەكچى ئىدىيەسى قىلىپ بېكىتىلىپ، پارتىيەنىڭ يېتەكچى ئىدىيەسى يەنە بىر قېتىم دەۋر بىلەن تەڭ ئىلگىرىلىدى، بۇ، مۇھىم سىياسىي ئەھمىيەتكە، نەزەرىيەۋى ئەھمىيەتكە ۋە ئەمەلىيەت ئەھمىيىتىگە ئىگە. پارتىيە ئەزالىرى، كادىرلار «تۆت ئاڭ»نى كۈچەيتىپ، بۇ ئىدىيەنىڭ تارىخىي ئارقا كۆرۈنۈشى، تارىخىي ئورنى، ئىلمىي سىستېمىسى، روھىي ماھىيىتى، ئەمەلىيەت تەلىپىنى چوڭقۇر ئۆزلەشتۈرۈپ، ئۇنىڭغا بولغان ئېتىقاد، ئىشەنچنى چىڭىتىپ، خەلققە بولغان مەيدانىنى روشەنلەشتۈرۈش، تارىخىي مەسئۇلىيەتنى ئۈستىگە ئېلىشنى كۈچەيتىش، راستچىل، ئەمەلىيەتچىل بولۇش ئىستىلى، باتۇرلۇق بىلەن يېڭىلىق يارىتىش روھى ۋە ئىلمىي مېتودولوگىيەنى چوڭقۇر ئۆزلەشتۈرۈپ ۋە ئىزچىللاشتۇرۇپ، پارتىيەنىڭ يېڭىلىق يارىتىش نەزەرىيەسى ئارقىلىق كاللىنى تېخىمۇ ياخشى قوراللاندۇرۇشى، ئەمەلىيەتكە يېتەكچىلىك قىلىشى، خىزمەتلەرنى ئىلگىرى سۈرۈشى كېرەك.

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى