قىزىق نوقتا خەۋەرلىرى

يېڭى دەۋر، يېڭى ئىدىيە، يېڭى نىشان، يېڭى مۇساپە

2017-10-19 18:56:23     مەنبەسى: شىنجاڭ خەلق رادىيو ئىستانسىسى   

− شىنجاڭ ۋەكىللەر ئۆمىكىنىڭ پارتىيە 19- قۇرۇلتىيىنىڭ ئېچىلىش مۇراسىمىغا قاتناشقانلىقى توغرىسىدا

جۇڭگوچە سوتسىيالىزم يېڭى دەۋرگە قەدەم قويدى، جۇڭخۇا مىللىتى ئورنىدىن دەس تۇرۇش، بېيىشتىن قۇدرەت تېپىشقىچە بولغان ئۇلۇغ ھالقىشنى كۈتۈۋالدى. ھەممە كۆز تىكىۋاتقان جۇڭگو كوممۇنىستىك پارتىيەسىنىڭ مەملىكەتلىك 19- قېتىملىق قۇرۇلتىيى 10- ئاينىڭ 18- كۈنى بېيجىڭ خەلق سارىيىدا داغدۇغىلىق ئېچىلدى، يولداش شى جىنپىڭنىڭ 19- قۇرۇلتايغا بەرگەن دوكلاتى قۇرۇلتايغا قاتناشقان شىنجاڭلىق ھەر مىللەت ۋەكىللىرىنى قاتتىق ھاياجانلاندۇردى، ئۇلار قەلبىدىكى ھاياجانلىق ھېسسىياتىنى ئۇزاققىچە بېسىۋالالمىدى.

  پارتىيە 19- قۇرۇلتىيى ۋەكىلى دۇ ۋەنگۇي مۇنداق دېدى: بىز دوكلاتنى ئاڭلىغاندىن كېيىن تولىمۇ ھاياجانلاندۇق، ناھايىتى روھلاندۇق! ئۆتكەن بەش يىلدا، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ رەھبەرلىكىدە، دۆلىتىمىزنىڭ ئىقتىسادىي، ئىجتىمائىي ئىشلىرى ئۇچقاندەك تەرەققىي قىلىپ، شانلىق مۇۋەپپەقىيەتلەر قولغا كەلتۈرۈلۈپ، تارىخىي خاراكتېرلىك ئۆزگىرىشلەر ئىشقا ئاشۇرۇلدى، جۇڭخۇا مىللىتى جۇڭخۇا مىللىتىنىڭ ئۇلۇغ گۈللىنىشىدىن ئىبارەت جۇڭگو ئارزۇسىغا مىسلىسىز يېقىنلاشتى.

  دۇ ۋەنگۇي مۇنداق دېدى: بۇ بىزنىڭ بۇنىڭدىن كېيىنكى سىياسىي پىروگراممىمىز ۋە خىزمەت نىشانىمىز بولۇپ، كەلگۈسى تەرەققىياتىمىزغا يۆنىلىش كۆرسىتىپ بەردى، شۇنىڭدەك جۇڭگوچە سوتسىيالىزمنىڭ ئىلمىي قوللانمىسى ھېسابلىنىدۇ. بىز پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرىنى داۋاملىق قەتئىي ئىزچىللاشتۇرۇشىمىز، ئەمەلىيلەشتۈرۈشىمىز، دىققەتنى باش نىشانغا زىچ مەركەزلەشتۈرۈشىمىز، باش نىشاننى كۆزلىشىمىز، باش نىشاننى ئەمەلىيلەشتۈرۈشىمىز، ئاپتونوم رايونلۇق پارتكومنىڭ تۈرلۈك تەدبىر- ئورۇنلاشتۇرمىلىرىنى قەتئىي ئىزچىللاشتۇرۇشىمىز، ئەمەلىيلەشتۈرۈشىمىز، ئاقسۇ ۋىلايىتىنىڭ تۈرلۈك ئىشلىرىنىڭ ئۇچقاندەك تەرەققىياتىنى ئىلگىرى سۈرۈپ، باش نىشاننى ئىشقا ئاشۇرۇشقا پۇختا ئاساس سېلىشىمىز كېرەك.

  19- قۇرۇلتاي ۋەكىلى ئوبۇلقاسىم مەتتۇرسۇن دوكلاتنى ئەستايىدىل ئاڭلىغاندىن كېيىن، دوكلاتتا كۆرۈلۈش نىسبىتى يوقىرى بولغان سۆزلەرنى مەخسۇس رەتلەپ چىقىپ مۇنداق دېدى: «خەلق»، «تەرەققىيات» دېگەن سۆزلەر بۇ قېتىمقى دوكلاتتا ئەڭ كۆپ تىلغا ئېلىندى، بۇ، جۇڭگو كوممۇنىستىك پارتىيەسىنىڭ پۇقرالارنىڭ مەنپەئەتىنى باشتىن- ئاخىر ئەڭ ئالدىنقى ئورۇنغا قويغانلىقىنى چۈشەندۈرۈپ بېرىدۇ، دوكلاتتا پۇقرالار دېمەكچى بولغان گەپلەر، قىلماقچى بولغان ئىشلار ئوتتۇرىغا قويۇلۇپتۇ.

  ئوبۇلقاسىم مەتتۇرسۇن مۇنداق دېدى: پارتىيەلىك ئاز سانلىق مىللەت كادىر بولۇش سۈپىتىم بىلەن، پارتىيە مەركىزىي كومىتېتىنىڭ شىنجاڭدىكى ھەر مىللەت خەلققە بولغان سەمىمىي غەمخورلۇقىغا شاھىت بولدۇم، 19- قۇرۇلتاي دوكلاتى بىزگە گۈزەل تەرەققىياتنىڭ ئىستىقبالىنى سۈرەتلەپ بەردى، بىز خەلقنىڭ ئۈمىدىنى يەردە قويماي، باش نىشاننى تىرىشىپ ئەمەلىيىتىمىزدە كۆرسىتىشىمىز، جۇڭگوچە سوتسىيالىستىك شىنجاڭ قۇرۇش ئۈچۈن تېخىمۇ زور تۆھپىلەرنى قوشۇشىمىز كېرەك.

  19- قۇرۇلتاي ۋەكىلى فۇ چۈنلى دوكلاتنى ئاڭلىغاندىن كېيىن ئىنتايىن ھاياجانلانغان ھالدا مۇنداق دېدى: 19- قۇرۇلتاي دوكلاتى خەلقنىڭ ئارزۇسىغا، دەۋرنىڭ تەلىپىگە ماسلاشقان، 1 مىليارد 300 مىليون كىشىنىڭ قەلبىدىن ئورۇن ئالغان، 9 مىليون 600 مىڭ كىۋادرات كىلومېتىر زېمىنغا يېزىلغان ياخشى دوكلات بوپتۇ! دوكلاتتا خەلقنىڭ گۈزەل تۇرمۇشقا بولغان ئىنتىلىشىنى مەڭگۈلۈك كۈرەش نىشانى قىلىش ئوتتۇرىغا قويۇلۇپتۇ، بۇ، جۇڭگو كوممۇنىستىك پارتىيەسىنىڭ خەلققە بەرگەن سەمىمىي ۋەدىسى بولۇپ، كىشى قەلبىنى ئاجايىپ ئىللىتىدۇ ۋە ھاياجانلاندۇرىدۇ.

  19- قۇرۇلتاي ۋەكىلى لى يۈەنمىن مۇنداق دېدى: 19- قۇرۇلتاي دوكلاتىدا يېزا يەرلىرىنى ھۆددىگە ئېلىشنى 30 يىل ئۇزارتىش ئوتتۇرىغا قويۇلۇپتۇ، مەن قايتىپ بارغاندىن كېيىن، بۇ خۇش خەۋەرنى كەنتىمىزدىكى ئاھالىلەرگە بىرىنچى بولۇپ يەتكۈزىمەن، بۇ، كەنت ئاھالىلىرى ئەڭ كۆڭۈل بۆلىدىغان ئىش. دوكلات كىشىگە ئىلھام بېرىدۇ، مەن كەنت ئاھالىلىرىنى باشلاپ تىرىشىپ ئىشلەيمەن.

  19- قۇرۇلتاي ۋەكىلى روزىمەمەت باقى كۆپ يىللاردىن بۇيان ئىجتىھات بىلەن ئىزدىنىپ، ئىش ئورنىنى سۆيۈپ، كەسپىنى قەدىرلەپ، جەنۇبىي شىنجاڭدىكى ئاددىي دېھقان بالىسىدىن تېخنىكا مۇتەخەسسىسى بولۇپ يېتىشىپ چىقتى. ئۇ مۇنداق دېدى: 19- قۇرۇلتاي دوكلاتىدا بىلىم تىپىدىكى، تېخنىكا تىپىدىكى، يېڭىلىق يارىتىش تىپىدىكى ئەمگەكچىلەر قوشۇنى قۇرۇپ، ئەمگەك نەمۇنىچىسى روھى ۋە ھۈنەرۋەن روھىنى ئەۋج ئالدۇرۇش ئوتتۇرىغا قويۇلۇپتۇ، مەن بۇنىڭ ئۈچۈن داۋاملىق تىرىشىمەن. دوكلات بىزگە ئوخشاش بىرىنچى سەپتىكى تېخنىكا خادىملىرىنى رىغبەتلەندۈردى. ئىشىنىمىزكى، تېخنىكا ئىختىساسلىقلىرى كەلگۈسىدە تېخىمۇ يۇقىرى ئورۇنغا، تېخىمۇ پارلاق كەلگۈسىگە، تېخىمۇ ياخشى تەرەققىيات پۇرسىتىگە ئېرىشەلەيدۇ، بۇنىڭغا تولۇق ئىشەنچىمىز بار.

  19- قۇرۇلتاي ۋەكىلى لىدا پېرباي مۇنداق دېدى: دوكلاتتا «بىر بەلباغ، بىر يول» قۇرۇلۇشىنى مۇھىم نۇقتا قىلىش ئوتتۇرىغا قويۇلۇپتۇ، شىنجاڭغا نىسبەتەن بۇ تېخىمۇ كۆپ تەرەققىيات پۇرسىتىدىن دېرەك بېرىدۇ، شىركىتىمىزگە نىسبەتەن بۇ مەھسۇلاتىمىزنىڭ دۇنيادىكى تېخىمۇ يىراق جايلارغا سېتىلىدىغانلىقىدىن دېرەك بېرىدۇ، بىز بۇنىڭدىن ناھايىتى ھاياجانلاندۇق!

مەنبە: شىنجاڭ گېزىتى

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى