قىزىق نوقتا خەۋەرلىرى

 ئونسۇ ناھىيەلىك ئورمانچىلىق ئىدارىسىدىن كەنتكە چۈشكەن خىزمەت ئەترىتى باقمىچىلىقنى راۋاجلاندۇرۇپ، دېھقانلارنىڭ نامراتلىقتىن قۇتۇلۇپ، كىرىمىنى ئاشۇرۇشىغا ياردەم بەردى

2017-11-01 16:57:01     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
بۇ يىل كىرگەندىن بۇيان، ئونسۇ ناھىيەلىك ئورمانچىلىق ئىدارىسىنىڭ ئارال بازىرى يېرما كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى يەر شارائىتىغا قاراپ ئىش كۆرۈپ، ھەر مىللەت كەنت ئاھالىلىرىنى سېغىن كالا باقمىچىلىقىنى تەرەققىي قىلدۇرۇشقا يېتەكلەپ، شۇ جايدىكى نامرات نوپۇسنىڭ نامراتلىقتىن قۇتۇلۇپ بېيىش يولىدا مېڭىشىغا ياردەم بەردى.
ئونسۇ ناھىيەلىك ئورمانچىلىق ئىدارىسىنىڭ ئارال بازىرى يېرما كەنتىدە ئولتۇرۇشلۇق ئىمام ئەمەت ئەتىگەندىلا قوتانغا كېلىپ، كالىلارغا يەم- خەشەك بەردى. ئىلگىرى ئۇ پەقەت ئۆزىنىڭ كالىسىنى باقاتتى، ھازىر پات يېقىندا قۇرۇلىدىغان ھەمكارلىق كوپىراتىپىنىڭ كالىلىرىنى بېقىۋاتىدۇ. ھازىر ئۇ نامراتلىق قالپىقىنى چۆرۈپ تاشلىدى.بۇ يىل ئونسۇ ناھىيەلىك ئورمانچىلىق ئىدارىسىنىڭ كەنتتە تۇرۇشلۇق خىزمەت ئەترىتىنىڭ ياردىمىدە ئىمام ئەمەت سىناق تەرەققىسىدە 17 سېغىن كالا باقتى. كېلەر يىلى مۇشۇ ۋاقىتتا ئۇنىڭ قوتىنىدا يەنە بىر قانچە موزاي كۆپىيىدۇ. ئىمام ئەمەت مۇنداق دېدى: - ئىلگىرى تېرىقچىلىق بىلەن شۇغۇللانغاندا كىرىمىمىز بەك تۆۋەن ئىدى. شۇڭا چارۋىچىلىق بىلەن شۇغۇللاندۇق. بۇنىڭ بىلەن كىرىمىمىز بىراقلا ئاشتى، ھازىر بىر يىلدا 100 مىڭ يۈەن كىرىم قىلىمەن.
ئونسۇ ناھىيەسىنىڭ ئارال بازىرى يېرما كەنتى كۆممىقۇناق تېرىشنى ئاساس قىلاتتى. بۇ، كەنتنىڭ سېغىن كالا باقمىچىلىقنى تەرەققىي قىلدۇرۇشىنى يېتەرلىك يەم- خەشەك كاپالىتى بىلەن تەمىنلىدى. بۇ يىلنىڭ بېشىدا، كەنتتە تۇرۇشلۇق خىزمەت ئەترىتى كەنت ئاھالىلىرىنى سېغىن كالا بېقىپ شۇ ئارقىلىق كىرىمىنى ئاشۇرۇشقا ئىلھاملاندۇردى. تېخنىكلارنى يېتەكلەش ۋە ياردەم بېرىشكە تەكلىپ قىلدى. خىزمەت ئەترىتىنىڭ ئەزاسى تۇرسۇن ئېزىز مۇنداق دېدى: - ئۇلارنىڭ كىرىمى ھەر يىلى قۇناق تېرىش بىلەن پەقەت ئۆرلىمىدى. كېيىن بىز باقمىچىلىق بىلەن شۇغۇللىنىشنى ئوتتۇرىغا قويدۇق. چارۋىچىلىق ئىدارىسىدىن خادىملار كېلىپ تېخنىكا جەھەتتە يېتەكچىلىك قىلدى. كالا موزايلىغاندىن كېيىن بىرسىنى 5 مىڭ يۈەندىن 7 مىڭ يۈەنگىچە ساتقىلى بولىدۇ.
نۆۋەتتە، يېرما كەنتىدە 376 ئۆيلۈك سېغىن كالا باقمىچىلىقى بىلەن شۇغۇللىنىۋاتىدۇ. ئەمما 50 ئۆيلۈك يەنىلا نامرات نوپۇس ھېسابلىنىدۇ. كەنت بويىچە نامراتلىقتىن قۇتۇلدۇرۇش ئۈچۈن، خىزمەت ئەترىتى نامرات ئاھالىلەرنى پات يېقىندا قۇرۇلىدىغان ھەمكارلىق كوپىراتىپىغا ئەزا قىلماقچى بولدى، نامرات ئاھالىلەر كالىسى بىلەن ھەمكارلىق كوپىراتىپىغا پايچىك ئورنىدا كىرىپ، يىللىق دارامەت ئالىدۇ. ھەمكارلىق كوپىراتىپى باقمىچىلىق تېخنىكىسى، سېتىش ھالقىلىرىنى ياردەم بىلەن تەمىنلەيدۇ، كەنت پارتىيە ياچىيكىسىنىڭ شۇجىسى ئاقنىياز سايىم مۇنداق دېدى: - بىز مىڭ مو يەرنى ئايرىپ، ئەڭ ئاز بولغاندا 30 مىڭ يۈەن، كۆپ بولغاندا 50 مىڭ يۈەن قەرز پۇلىنى قولغا كەلتۈردۇق. ئاندىن ھەر بىر نامرات ئاھالىگە كالا سېتىۋېلىپ، ھەمكارلىق كوپىراتىپىدا مەركەزلىك باقتۇق، ئەسلىدىكى بىر ئۆيلۈكتە بىردىن كالا بولۇشتەك يېرىك باقمىچىلىق تۈجۈپىلەنگەن زامانىۋىي باقمىچىلىققا يۈزلەندى ھەمدە تېخنىكا جەھەتتە كەسپىي ياردەملەر بىلەن تەمىنلىدۇق. بۇنداق قىلغاندا دېھقانلارنىڭ كالا بېقىشتىكى ئىقتىسادىي ئۈنۈمىنى زور دەرىجىدە يۇقىرى ئۆستۈرگىلى بولىدۇ.

تەرجىمان: ئامىنە نۇرئەخمەت

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
شىنجاڭ خەلق رادىئو ئىستانسىسى كەسىپ ئىستىلى قىزىق لىنىيەسى پىروگراممىسىدا،  5 -  ئاينىڭ 25 -كۈنى بايىنغۇلىن مۇڭغۇل ئاپتۇنوم ئوبلاستىدا ـــ  ۋىلايەت-ئوبلاست رەھبەرلىرىنىڭ كۈتۈۋېلىش كۈنى ئالاھىدە پروگراممىسى؛ 5- ئاينىڭ 27- كۈنى  بۈگۈر ناھىيەسىدە « ناھىيە-شەھەر رەھبەرلىرىنىڭ كۈتىۋېلىش كۈنى» ئالاھىدە پىروگراممىسى نەق مەيداندىن بىۋاستە ئاڭلىتىلىدۇ
 ئىستانسىمىز ئاپتونوم رايونلۇق خەلق ھۆكۈمىتى كەسپتىكى ناتوغرا ئىستېللارنى تۈزىتىش ئىشخانىسى، ئاپتونوم رايونلۇق قاتناش ـ ترانسپورت نازارىتى، ئاپتونوم رايونلۇق جامائەت خەۋپسىزلىكى نازارىتى بىلەن بىرلىشىپ ئۆتكۈزىدىغان، كەسپ ئىستېلى قىزىق لېنىيىسى پروگراممىسىنىڭ «قاتناش 10 مىڭ چاقىرىملىق سەپىرى چوڭ تىپتىكى بىۋاستە ئاڭلىتىش پائالىيىتى» 10- ئاينىڭ 16- كۈنى يەنى ئەتە خوتەن ۋىلايىتىدە  ئۆتكۈزىلىدۇ
More>>
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى