قىزىق نوقتا خەۋەرلىرى

مەركەز تەشكىلات بۆلۈمى، دۆلەت سەھىيە ۋە پىلانلىق تۇغۇت كومىتېتى قەشقەردە داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتىنى ئىلگىرى سۈرۈش يىغىنى ئاچتى

2017-11-20 13:39:07     مەنبەسى: شىنجاڭ خەلق رادىيو ئىستانسىسى   

ئىستانسىمىز خەۋىرى:
11-ئاينىڭ 19-كۈنى، مەركەز تەشكىلات بۆلۈمى، دۆلەت سەھىيە ۋە پىلانلىق تۇغۇت كومىتېتى قەشقەردە داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتىنى ئىلگىرى سۈرۈش يىغىنى ئاچتى. يىغىندا مۇنۇلار تەلەپ قىلىندى: شىنجاڭغا ياردەم بەرگۈچى ئالاقىدار ئۆلكە-شەھەرلەر، ئاپتونوم رايوندىكى ياردەم قوبۇل قىلغان ۋىلايەت، ئوبلاست، شەھەرلەر، بىڭتۇەن 1-شىسى پارتىيە 19-قۇرۇلتىيى روھىنى يېتەكچى قىلىپ، داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتىنى قانات يايدۇرۇشنىڭ زور ئەھمىيىتىنى چوڭقۇر تونۇپ، سىياسىي ئاڭ، ئومۇمىيەت ئېڭى، يادرو ئېڭى، بىردەكلىك ئېڭىنى پۇختا تۇرغۇزۇپ، پۈتۈن كۈچ بىلەن داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتىنى يېڭى پەللىگە كۆتۈرۈشنى ئورتاق ئىلگىرى سۈرۈش كېرەك.
ئىگىلىنىشىچە، بۇلتۇر 4-ئايدا، داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتى ئاپتونوم رايونىمىزدا رەسمىي يولغا قويۇلۇپ، تيەنجىن، لياۋنىڭ، شاڭخەي، جياڭسۇ، جېجياڭ، گۇاڭدۇڭ، خۇنەندىن ئىبارەت 7 ئۆلكە-شەھەردىكى نۇقتىلىق دوختۇرخانىلار شىنجاڭنىڭ جەنۇبىي شىنجاڭ رايونىدىكى 3 ۋىلايەت 1 ئوبلاست، تارباغاتاي ۋىلايىتى، تۇرپان شەھىرى ۋە بىڭتۇەن 1-شىسىدىكى 8 دوختۇرخانىغا ياردەم بەرگەن. بىر يىلدىن كۆپرەك ۋاقىتتىن بۇيان، ھەر قايسى تەرەپلەر زور كۈچ بىلەن ئورتاق ئىلگىرى سۈرۈپ، ياردەم قوبۇل قىلغان دوختۇرخانىلارنىڭ دىياگنوز قويۇپ داۋالاش ئىقتىدارى، باشقۇرۇش سەۋىيەسى، پەن قۇرۇلۇشى ۋە ئىختىساسلىقلارنى يېتىشتۈرۈش سەۋىيەسى كۆرۈنەرلىك ئېشىپ، ئاساسىي قاتلامدىكى ئاممىنىڭ كېسەل كۆرسىتىشى قىيىن بولۇش، قىممەت بولۇش، يىراق بولۇش مەسىلىسى ئۈنۈملۈك يېنىكلىتىلىپ، ئاپتونوم رايونىمىزدىكى ھەر مىللەت ئاممىنىڭ ساغلام تۇرمۇش كەچۈرۈشى، ھەر مىللەت ئاممىنىڭ بەخت تۇيغۇسىنى ئاشۇرۇش، مىللەتلەر ئىتتىپاقلىقىنى كۈچەيتىش، ئەل قەلبىنى مۇجەسسەملەشتە مۇھىم رول ئوينىغان.
يىغىندا مۇنۇلار تەلەپ قىلىندى: پارتىيە 19-قۇرۇلتىيى روھىنى ئەستايىدىل ئۆگىنىپ ۋە ئىزچىللاشتۇرۇپ، داۋالاش ئىختىساسلىقلىرى «ئۆمەك شەكلىدە» شىنجاڭغا ياردەم بېرىش خىزمىتىنىڭ نۇقتىلىق ۋەزىپىلىرىنى چوڭقۇر ئىلگىرى سۈرۈپ، ياردەم قوبۇل قىلغان دوختۇرخانىلارنى ئىنچىكە باشقۇرۇشنى كۈچەيتىپ، نۇقتىلىق بۆلۈم، داڭلىق پەن قۇرۇلۇشىنى ئىلگىرى سۈرۈپ، ئىختىساسلىقلار ياردەم بېرىش، يېتەكلەش، يېتىشتۈرۈش سالمىقىنى ئاشۇرۇپ، باشقۇرۇش سەۋىيەسى، دىياگنوز قويۇپ داۋالاش سەۋىيەسى ۋە ئىختىساسلىقلارنىڭ ساپاسىنى ئۈزۈكسىز ئۆستۈرۈش كېرەك. ئىسلاھاتتا يېڭىلىق يارىتىشنى چوڭقۇرلاشتۇرۇپ، ياردەم قوبۇل قىلغان دوختۇرخانىلارنى ھۆكۈمەت دوختۇرخانىلىرىنى ئىسلاھ قىلىش سىناق نوقتىسى قاتارىغا كىرگۈزۈپ، مۇستەقىل قانۇنىي ئىگىنىڭ ئورنى ۋە مۇستەقىل باشقۇرۇش ھوقۇقىنى ئەمەلىيلەشتۈرۈپ، ئىختىساسلىقلارنى تەربىيەلەش، كىرگۈزۈش، ساقلاپ قېلىشنى يەنىمۇ قوللاپ، خىزمەتلەردە يېڭى نەتىجىلەرنى قولغا كەلتۈرۈشنى ئۈزۈكسىز ئىلگىرى سۈرۈش كېرەك.
ئاپتونوم رايونلۇق پارتكوم دائىمىي كومىتېتىنىڭ ئەزاسى، تەشكىلات بۆلۈمىنىڭ باشلىقى ما شۆجۈن يىغىنغا قاتناشتى ھەم سۆز قىلدى. بىڭتۇەن پارتكومى دائىمىي كومىتېتىنىڭ ئەزاسى، مۇئاۋىن سىياسىي كومىسسارى، تەشكىلات بۆلۈمىنىڭ باشلىقى ليۇ جيەنمىڭ، مەركەز تەشكىلات بۆلۈمى، دۆلەت سەھىيە ۋە پىلانلىق تۇغۇت كومىتېتىنىڭ ئالاقىدار مەھكىمە-ئىدارىلىرى ھەم شىنجاڭغا ياردەم بەرگۈچى ئۆلكە-شەھەرلەرنىڭ تەشكىلات، سەھىيە ۋە پىلانلىق تۇغۇت تارماقلىرىنىڭ مەسئۇللىرى، ياردەم بەرگۈچى دوختۇرخانىلارنىڭ ۋەكىللىرى يىغىنغا قاتناشتى. 

 تەرجىمان: نازىم

[an error occurred while processing this directive]
[an error occurred while processing this directive]
[an error occurred while processing this directive]
نادىر ناخشا – مۇزىكىلار
تور بېتىمىزدىكى يېڭىلىقلار
2018-يىلى 1-ئاي
2018-يىلى 2-ئاي
2017-يىلى 11-ئاي
2017-يىلى 12-ئاي
2018-يىلى 3-ئاي
رادىيو دىراممىسى
بۇ بەتنىڭ نەشىر ھوقۇقى شىنجاڭ خەلق رادىيو ئىستانسىسىغا تەۋە
ئالاقىلىشىش نومۇرى: 2571553، 2578492
ئادرىسىمىز: ئۈرۈمچى شەھىرى ئىتتىپاق يولى 830- نومۇر شىنجاڭ خەلق رادىيو ئسىتانسىسى تور مەركىزى